完整藏文原文 · 德格版页 当前仅加载第 94 函德格 122b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་གསོ་བར་བྱེད་དོ། །གདོན་ལས་ཐར་བར་བྱེད་དོ། །ངག་ཉིད་ཀྱི་ལས་རྣམས་ནི་གླང་པོ་ཟློག་པར་བྱེད་དོ། །ཚེར་མ་ཟློག་པར་བྱེད་དོ། །ཆོམ་རྐུན་དང་དམག་སྡེ་རེངས་པར་བྱེད་པ་དང་། མཚོན་ཆ་རེངས་པར་བྱེད་པ་དང་། །ཤིང་རྟ་རེངས་པར་
D724.094.0122b01.01བྱེད་པ་དང་། མེ་རེངས་པར་བྱེད་པ་དང་། གྲུ་རེངས་པར་བྱེད་པ་དང་། འགུགས་པར་བྱེད་པ་མཆེ་བ་ཅན་རྣམས་སམ་མཆེ་བ་མེད་པའང་རུང་སྟེ་འབེབས་པར་བྱེད་པ་དང་། ཤི་བ་སློང་བ་དང་། དེ་དང་རིམས་མངག་པར་བྱེད་པའོ། །འོ་མ་དང་ནས་ཟན་ཟ་ཞིང་
D724.094.0122b02.01འབུམ་བཟླས་ཏེ་མཚན་མོ་གསུམ་དུ་སྨྱུང་བར་གནས་པས་གོས་གཙང་མ་བགོས་ཏེ་མཚན་མ་གཅིག་པར་ཀུ་ཤའི་སྟེང་དུ་བཞག་སྟེ། མཆོད་པ་ཆེན་པོ་བྱས་ནས་འབྱུང་པོ་ཐམས་ཅད་པའི་གཏོར་མ་བྱས་ཏེ་ལུས་ཀྱི་གཡས་སུ་གནས་པས། བ་བླ་དང་། ལྡོང་རོས་དང་།
D724.094.0122b03.01མིག་སྨན་དང་། བཙོད་དང་། གི་ཝང་རྣམས་གཅིག་ཏུ་བྱས་ནས་ཨ་ཤྭཏྠའི་འདབ་མའི་ནང་དུ་བཏུམས་ཏེ་ཇི་སྲིད་དངོས་གྲུབ་རྣམ་པ་གསུམ་གྱི་བར་དེ་སྲིད་དུ་བཟླས་པར་བྱའོ། །དྲོ་བར་བྱེད་པ་དང་། དུ་བ་འཐུལ་བ་དང་། འབར་བ་སྟེ་དྲོ་བཞིན་པ་ལ་རྐང་འཐུང་
D724.094.0122b04.01ལ་སྤྱོད་པ་དང་། ལོ་སྟོང་ཕྲག་ལྔར་འཚོ་བར་བྱེད་དོ། །སེམས་ཅན་ཐམས་ཅད་དབང་དུ་བྱེད་དོ། །དུ་བ་འཐུལ་བཞིན་པ་ལ་མི་སྣང་བ་དང་། ཚེ་ལོ་བརྒྱ་ཕྲག་བཅུ་ཐུབ་བོ། །འབར་བས་རིག་པ་འཛིན་པ་ཐམས་ཅད་མངའ་བདག་གི་རིག་པ་འཛིན་པར་འགྱུར་རོ། །
D724.094.0122b05.01བསྐལ་པའི་ཚེ་དང་། གོང་ནས་གོང་དུ་བཟླས་པ་འབུམ་གྱིས་ངག་མངོན་པར་ཤེས་པར་འགྱུར་རོ། །སྟེང་དང་འོག་དང་། ཕྱོགས་རྣམས་བཅིང་བ་དང་། ངེས་པར་ལེན་པ་དང་། ཚིག་དེ་ཡང་ཐོགས་པ་མེད་པར་འགྲོ་བར་འགྱུར་རོ། །དེ་ནས་རོ་ལངས་
D724.094.0122b06.01སྒྲུབ་པར་འདོད་ན་རོ་ཡན་ལག་མ་ཉམས་པ་བླངས་ནས་དུར་ཁྲོད་དམ་ཤིང་གཅིག་གམ། ལམ་བཞི་མདོའམ། མཚན་མ་གཅིག་པར་ཡང་རུང་སྟེ་འབྱུང་པོ་ཐམས་ཅད་པ་ལ་གཏོར་མས་ཉེ་བར་མཆོད་ནས་ལྷ་ཆེན་པོའི་ལུས་ཀྱི་གཡས་སུ་དཀྱིལ་འཁོར་ཉེ་བར་བྱུག་
D724.094.0122b07.01