完整藏文原文 · 德格版页 当前仅加载第 94 函德格 22b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱེད་དེ། རིགས་ཀྱི་བུ་སྒྲུབས་ཤིག་སྒྲུབས་ཤིག་ཅེས་སོ། །དེ་ནས་རིག་པ་འཛིན་པས་ལྕགས་གསུམ་གྱི་པདྨ་གསེར་གྱི་སྙིང་པོ་ཅན་འདབ་མ་ཟངས་དང་ཆུ་བ་དངུལ་ལ་འདབ་མ་སྟོང་པའོ། །པདྨ་བཞིས་ཡོངས་སུ་བསྐོར་བ་བཞི་པོ་འདི། འདབ་མ་བརྒྱ་པར་བྱེད་དུ་གཞུག་གོ། །
D724.094.0022b01.01ཕྱི་ནས་སྒྲུབ་པ་པོས་འོ་མ་དང་ཟན་ཟ་ཞིང་རིག་པ་བཟླས་པར་བྱའོ། །དེ་ནས་ཟླ་བ་ཉ་ལ་མཚན་མོ་གསུམ་སྨྱུང་བར་གནས་པར་བྱས་ལ་རས་རིས་ཞལ་ཤར་དུ་ཕྱོགས་པར་བཞུགས་ནས་པདྨའི་གཡས་ཀྱི་ལུས་ལ་བཅོམ་ལྡན་འདས་མའི་ལྷ་ཐམས་ཅད་སྤྱན་དྲང་བར་བྱའོ། །རབ་ཏུ་འབད་པས་
D724.094.0022b02.01གཏོར་མ་དབུལ་བར་བྱའོ། །མེ་ཏོག་དཀར་པོ་དང་། ཨ་གྲ་རུ་དང་། རུ་རྟ་དང་། གུར་གུམ་དང་། མར་གྱི་མར་མེ་བརྒྱ་ཡང་རབ་ཏུ་སྦར་བར་བྱའོ། །ལྷ་མ་ཡིན་རྣམས་ལ་གཏོར་མ་དང་། གནོད་སྦྱིན་ལ་དཀར་གཏོར་དང་། མར་གྱི་མར་མེ་དང་། དྲི་ཟ་རྣམས་ལ་གཏོར་མ་དང་།
D724.094.0022b03.01མར་གྱི་མར་མེ་དང་། ཤ་ཟ་རྣམས་ལ་གཏོར་མ་དང་། མེ་ཏོག་དམར་པོ་དང་། མར་གྱི་མར་མེ་དང་། ནམ་མཁའ་ལྡིང་རྣམས་དང་། གནོད་སྦྱིན་དང་། མིའམ་ཅི་དང་། ལྟོ་འཕྱེ་ཆེན་པོ་དང་། སྲིན་པོ་དང་། {ཡི་དགས་,ཡི་དྭགས་}དང་། ཤ་ཟ་དང་། རོ་ལངས་དང་། སྲུལ་པོ་དང་།
D724.094.0022b04.01ལུས་སྲུལ་པོ་དང་། སྨྱོ་བྱེད་དང་། གནོན་པོ་དང་། མ་མོའི་ཚོགས་རྣམས་དང་། ལོག་འདྲེན་དང་བཅས་པ་རྣམས་ལ་ཤ་དང་། ཛམ་བུ་ལི་ཀ་དང་། སྭ་ཏི་ཀ་ལ་སོགས་པ་རྣམས་སོ། །གནོད་སྦྱིན་རྣམས་ལ་ཤ་དང་། ཁྲག་དང་། སྡོང་བུ་དང་། འབྲས་བུ་དང་། མངར་
D724.094.0022b05.01གསུམ་མོ། །ཀླུ་རྣམས་ལ་འབྲས་ཡོས་དང་། མུད་གའི་ལ་དུ་དང་། འབྲས་བུ་རྣམས་སོ། །རྣམ་པ་སྣ་ཚོགས་པའི་བཟའ་བར་བྱ་བ་དང་། སྒྲོན་མ་དང་བདུག་པ་རྣམས་ཀྱང་སོ་སོ་སོ་སོར་རོ། །ལྷ་རྣམ་པར་ཤེས་པ་ཉིད་འཕེལ་བཞིན་དུ་མཆོད་པ་བདུན་བྱའོ། །དེ་ནས་ཉི་མ་
D724.094.0022b06.01བདུན་པ་ལ་གྲོགས་གཞག་པར་བྱའོ། །ལེགས་པར་བསམ་པའི་ཚེ་ན་བྱས་པ་གཟོ་བ། རྟག་ཏུ་སྙིང་རྗེའི་བདག་ཉིད་ཅན་ནད་མེད་པ་དེ་ལྟ་བུ་གཞག་པར་བྱའོ། །ཤེས་རབ་ཅན་གྱིས་དེ་ནས་ལས་ཡང་དག་པར་བརྩམས་ཏེ་ཀུ་ཤའི་ཁྲེས་ལ་མངོན་པར་བསྔགས་པ་ལ་ཉེ་བར་འདུག་ནས་
D724.094.0022b07.01