完整藏文原文 · 德格版页 当前仅加载第 94 函德格 171a 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་སྦར་ནས་ཨ་པཱ་མརྒའི་ཡམ་ཤིང་གིས་བཏགས་པ་ཐུན་གསུམ་དུ་མིང་ནས་སྨོས་ཏེ་སྟོང་ཕྲག་བརྒྱད་སྦྱིན་སྲེག་གྱིས་ཤིག །ཉི་མ་བདུན་ལ་གང་འདོད་པ་དེ་དབང་དུ་འགྱུར་རོ། །བ་བྱུང་གི་གཟུགས་བརྙན་བྱས་ནས་ལན་བདུན་མངོན་པར་བསྔགས་པ་
D724.094.0171a01.01བྱས་པའི་མཚོན་རྣོན་པོས་མགོ་བོ་ནས་བརྩམས་ནས་རྐང་པའི་བར་དུ་གཏུབས་ནས་སྟོང་ཕྲག་བརྒྱད་སྦྱིན་སྲེག་གྱིས་ཤིག །ཉི་མ་བདུན་ལ་ང་རྒྱལ་ཆེན་པོ་དབང་དུ་འགྱུར་རོ། །དཀར་པོའི་བཅོ་ལྔ་ལས་ལ་མ་ལྷུང་བའི་བ་བྱུང་གིས་བ་ལང་གི་བསམ་པའི་ཚད་ཀྱི་ཐང་ཉེ་བར་བྱུགས་ཏེ་
D724.094.0171a02.01རིང་བསྲེལ་དད་བཅས་པའི་མཆོད་རྟེན་དུ་རས་རིས་བཞུགས་ནས་གསེར་རམ། དངུལ་ལམ། ཟངས་ཀྱི་སྣོད་དུ་སེར་སྐྱ་རྒྱུད་མཚུངས་པའི་འོ་མ་གཞོན་ནུ་མས་བསྲུབས་པའི་མར་བླངས་ནས་ཀུ་ཤའི་ཁྲེས་ལ་ཉེ་བར་འདུག་སྟེ། ཨ་ཤྭཏྠའི་འདབ་མའི་ནང་ལ་སྣོད་བྱས་ནས་
D724.094.0171a03.01གཡས་སུ་བསྐོར་བ་བཞི་རབ་ཏུ་བཞག་ནས་ལག་པ་གཡོན་པས་མནན་ཏེ་ཐུན་གསུམ་དུ་སྟོང་ཕྲག་བརྒྱད་བཟླས་པ་བྱའོ། །ཉི་མ་བརྒྱད་པ་ལ་ལག་པ་གཡས་པའི་མིང་མེད་ཀྱི་སོར་མོས་དཀྲུགས་ཏེ་ཇི་སྲིད་དུ་དྲོ་བར་གྱུར་པ་དེ་སྲིད་དུ་བཟླས་པར་བྱའོ། །དེ་ནས་བཏུང་བར་
D724.094.0171a04.01བྱ་སྟེ། གོ་ཆ་བཅིང་བ་ཡང་བཅོམ་ལྡན་འདས་མ་ཉིད་ཀྱིས་བྱའོ། །ཡིད་གཞུངས་པར་འགྱུར་རོ། །རལ་པ་གྱེན་བརྫེས་ཀྱི་རྒྱུད་ཕྱི་མར་ཟླ་བའི་ཆོ་གའི་ཉེ་བར་སྤྱོད་པའོ། །སྒྲོལ་མའི་སྒྲུབ་ཐབས་ཀྱི་རིག་པ་ཐམས་ཅད་ལས་ལ་མ་ལྷུང་བའི་སེར་སྐྱའི་བ་བྱུང་གིས་གཙང་མའི་
D724.094.0171a05.01ཕྱོགས་སུ་དཀྱིལ་འཁོར་གྲུ་བཞི་བ་བྱའོ། །བ་བྱུང་དེས་ཡང་དག་པར་རྫོགས་པར་བྱ་སྟེ། དཀྱིལ་འཁོར་དེར་སངས་རྒྱས་ཀྱི་གཟུགས་བརྙན་གཞག་པར་བྱའོ། །དེ་ནས་བིལ་བའི་མགོ་བོའི་འདབ་མ་རྣམས་བྱས་ནས། ཏིལ་དང་། ཏིལ་གྱི་ཐུག་པ་དང་། ཏིལ་མར་དང་།
D724.094.0171a06.01སྨྱོ་བྱེད་དང་། འོ་ཐུག་དང་། བུ་རམ་དང་། གང་བ་ཅན་དང་། ནས་ཟན་བཟའ་སྟེ་མ་རྙེད་པས་ཨ་ག་རུའི་བདུག་པ་སྲེག་གོ། །དེ་ལྷོ་དང་། ནུབ་ཏུ་ཡང་ཕྱོགས་བཞིར་སྔར་བརྗོད་པའི་གནོད་སྦྱིན་མོ་རྣམས་ཀྱི་མིང་སྨོས་ནས་བརྗོད་པར་བྱའོ། །འོངས་པ་དང་། དྲི་དང་།
D724.094.0171a07.01