完整藏文原文 · 德格版页 当前仅加载第 94 函德格 53b 版页；藏文 NFD、目录标记与异常页序保留在来源切片中，重复版页行以稳定序号区分。
བཞི་ལ་བརྒྱད་བརྒྱར་མངོན་པར་བཟླས་ལ་གཞག་པར་བྱའོ། །སོ་ཕག་རྣམས་ཀྱི་སྟེང་དུ་སེན་རྩིའི་གོས་གཞག་པར་བྱའོ། །གཞོན་ནུ་མས་བཀལ་བའི་ཚོན་སྣ་ལྔའི་སྐུད་པས་ཡོངས་སུ་དཀྲིས་ཏེ་དྲི་ཞིམ་པོས་ཡོངས་སུ་བཀང་བས་སོ། །ཕྱི་རོལ་དུ་དཀྱིལ་འཁོར་བྱའོ། །ཕྱོགས་
D724.094.0053b01.01བཞིར་ཆང་དང་ཤའི་གཏོར་མ་དབུལ་ལོ། །དྲི་ཞིམ་པོའི་མེ་ཏོག་གིས་མཆོད་པ་བྱས་ནས་གུ་གུལ་གྱི་དུད་པ་དབུལ་ལོ། །ཟངས་ཀྱི་སྣོད་མར་གྱིས་བཀང་བ་གཞག་པར་བྱའོ། །དེ་ནས་ཀུ་ཤ་ལྗང་གུ་བཟུང་ནས་ནད་པ་གོས་དཀར་མོ་ཅན་ལ་ཇི་སྲིད་རྐང་པའི་བར་དུ་བྱབ་པར་བྱའོ། །
D724.094.0053b02.01མར་གྱི་སྟེང་དུ་ཀུ་ཤ་དོར་བར་བྱའོ། །དེ་བཞིན་དུ་བརྒྱ་རྩ་བརྒྱད་བྱའོ། །དེ་ནས་མར་ཟོས་པས་བལྟ་བར་བྱའོ། །དེ་ནས་ཀུ་ཤ་ལྗང་གུ་བླངས་ནས་ཟློས་བཞིན་དུ་གཞག་པར་བྱའོ། །སྦྱངས་པ་ལས་འབྱུང་བའི་སྣོད་དང་གོས་བྱས་ནས་སངས་རྒྱས་དང་བྱང་ཆུབ་སེམས་དཔའ་
D724.094.0053b03.01ཐམས་ཅད་ཀྱི་ཞབས་ལ་ཕྱག་བྱེད་དུ་གཞུག་གོ། །དེ་ནས་པྲི་ཡངྐུ་དང་། ནཱ་ག་གེ་སར་དང་། སྦྲང་རྩི་ཅན་དང་། བཞི་པོ་གཅིག་ཏུ་བྱས་ནས་མཉམ་པར་ཐོབ་པར་བྱས་ལ་མར་དང་ལྷན་ཅིག་པའི་ཟས་མཆོག་ཟོས་ན་ནད་མེད་པ་རང་བཞིན་དུ་གནས་པར་འགྱུར་རོ། །སྐུད་པ་སྔོན་པོ་
D724.094.0053b04.01ལ་ལན་བདུན་མངོན་པར་བསྔགས་པ་བྱས་ནས་རྐེད་པ་ལ་བཅིང་བར་བྱའོ། །ཤུ་བ་མཆེད་པ་ཉེ་བར་ཞི་བར་བྱེད་དོ། །དེ་བཞིན་དུ་མགྲིན་པ་ལ་ཉེ་བར་བཅིང་བར་བྱའོ། །དབུགས་མི་བདེ་བ་ཉེ་བར་ཞི་བར་འགྱུར་རོ། །གསོ་སྦྱོང་ཅན་གྱིས་འཕགས་པ་སྤྱན་རས་གཟིགས་
D724.094.0053b05.01དབང་ཕྱུག་གི་སྤྱན་སྔར་དཀྱིལ་འཁོར་ཉེ་བར་བྱུགས་ནས་དྲི་བཟང་པོའི་མེ་ཏོག་རྣམས་ཀྱིས་མཆོད་པ་བྱས་ཏེ་མར་གྱི་མར་མེ་དབུལ་ལོ། །དེ་ནས་བྱང་ཆུབ་ཤིང་གི་ཡམ་ཤིང་གིས་མེ་རབ་ཏུ་སྦར་རོ། །སྦར་ནས་སྲ་རྩི་པོག་ལ་ལན་བདུན་མངོན་པར་བསྔགས་པའི་སྲེག་བླུགས་
D724.094.0053b06.01སྟོང་ཕྲག་བརྒྱད་སྦྱིན་སྲེག་བྱའོ། །ནད་ཉེ་བར་ཞི་བར་བྱེད་དོ། །རིག་པས་བགེགས་ཉེ་བར་ཞི་བར་བྱེད། འདོད་པས་རྒྱ་མཚོར་འགྲོ་བའི་ཆུ་ཀླུང་གི་འགྲམ་གཉིས་ཀྱིས་བླངས་ནས་སེང་གེ་དང་། སྟག་དང་། ཕག་དང་། ལུག་གི་གདོང་པ་ལ་སོགས་པ་རྣམ་པ་སྣ་ཚོགས་
D724.094.0053b07.01