完整藏文原文 · 德格版页 当前仅加载第 94 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ནི་འཕགས་མ་སྒྲོལ་མ་ཞི་བ་ལྡན་མ་ཞེས་བྱ་བའི་རིག་པ་སྟེ། རྟག་ཏུ་བཟླས་པས་ཞི་བའི་སེམས་སྐྱེད་པར་བྱེད་དོ། །ན་མ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ།
D724.094.0057a01.01མ་ཧཱ་སཏྭཱ་ཡ། རི་ཛུ་ཀེ་ཏཱ་རེ། རི་ཛུ་ཀ་དྷརྨ་ཏུཏྟཱ་རེ་རི་ཛུ་ཀ་དྷརྨ་ནིརྱཱ་ཏེ་ཏུ་རེ་སྭཱ་ཧཱ། འདི་ནི་འཕགས་མ་སྒྲོལ་མ་དྲང་པོར་ལྡན་མ་ཞེས་བྱ་བའི་རིག་པ་སྟེ། རྟག་ཏུ་བཟླས་པས་དྲང་པོའི་སེམས་སྐྱེད་པར་བྱེད་དོ། །ཆོས་ཐམས་ཅད་ཅེས་བྱ་བའི་རིག་པ་འདི་རྣམས་བཀླགས་པས་
D724.094.0057a02.01འགྲུབ་པ། བདག་ཉིད་སྲུང་བ་དང་། གཞན་སྲུང་བ་དང་། བདེ་བ་ཐམས་ཅད་སྦྱིན་པ། འབུམ་ཕྲག་གཅིག་བརྗོད་པས་སྔར་བརྗོད་པའི་ལས་ཐམས་ཅད་བསྒྲུབ་པར་བྱ་སྟེ་སྟོང་ཕྲག་བཅུ་བཟླས་པས་བསོད་ནམས་འཕེལ་བར་བྱེད་པ། སྟོང་ཕྲག་སུམ་ཅུ་བཟླས་པས་བསོད་ནམས་
D724.094.0057a03.01དང་ལྡན་པ། འབུམ་ཕྲག་གསུམ་བཟླས་ན་མཚམས་མེད་པ་བྱས་པས་ཀྱང་འགྲུབ་པར་འགྱུར་ཏེ། མདོར་ན་མ་ནོར་བར་ཕན་པ་སྒྲུབ་པའི་སེམས་སྦྱིན་པ་སྙིང་རྗེའི་བདག་ཉིད་ཅན་ཡང་རྟག་ཏུ་བཟླས་པས་ནད་ཐམས་ཅད་མེད་པར་འགྱུར་རོ། །ཡམས་ཐམས་ཅད་མི་འབྱུང་ངོ་། །
D724.094.0057a04.01ཉེ་བར་འཚེ་བ་ཐམས་ཅད་འབྱུང་བར་མི་འགྱུར་རོ། །ཞེས་དེ་བཞིན་དུ་རྟོགས་པར་བྱའོ། །དེ་ནས་འདིའི་ཆོ་ག་ཕྱོགས་ཙམ་དུ་འགྱུར་ཏེ། འབུམ་བཟླས་པས་ལས་ཐམས་ཅད་ཀྱིས་མི་ཚུགས་པར་འགྱུར་རོ། །འབུམ་ཕྲག་གཉིས་བཟླས་པས་སྡིག་པ་ཟད་པར་འགྱུར་རོ། །
D724.094.0057a05.01འབུམ་ཕྲག་གསུམ་བཟླས་པས་མཆོག་རྣམས་སྒྲུབ་པར་བྱེད་དོ། །འབུམ་ཕྲག་བཞི་བཟླས་པས་མངོན་པར་ཤེས་པ་སོ་སོར་རྙེད་དོ། །འབུམ་ཕྲག་ལྔ་བཟླས་པས་ལྷའི་ཤེས་པ་སོ་སོར་རྙེད་དོ། །འབུམ་ཕྲག་དྲུག་བཟླས་པས་ཡིད་བཞིན་གྱི་ནོར་བུ་རིན་པོ་ཆེ་རྙེད་དོ། །འབུམ་
D724.094.0057a06.01ཕྲག་བདུན་བཟླས་པས་མངོན་པར་ཤེས་པ་ལྔར་འགྱུར་རོ། །འབུམ་ཕྲག་བཅུ་བཟླས་པས་རྒྱལ་སྲིད་ཆེན་པོ་སོ་སོར་རྙེད་དོ། །འབུམ་ཕྲག་བཅུ་གཅིག་བཟླས་པས་རིག་པ་འཛིན་པར་འགྱུར་རོ། །དེ་ནས་མིག་སྨན་ལྡོང་རོས་ཨ་ཤྭཏྠའི་འདབ་མ་བདུན་གྱི་ནང་དུ་བཏུམས་
D724.094.0057a07.01