完整藏文原文 · 德格版页 当前仅加载第 81 函德格 206a 版页；藏文 NFD、目录标记与异常页序保留在来源切片中，重复版页行以稳定序号区分。
རི་འོར་ཡིན། །ཆུ་ངོགས་དག་པའི་ཆོས་ཀྱི་ཆ། །གནས་ལྔ་དག་ཏུ་རབ་ཏུ་བརྟག །ཇི་སྲིད་དོན་ནི་སྦྱོར་བ་བཞིས། །ཡི་གེ་ཨོཾ་ནི་སྡོམ་པར་འགྱུར། །ཇི་ལྟར་ནམ་མཁའི་མཚན་ཉིད་གཅིག །རང་གི་མཚན་ཉིད་འདོར་མི་བྱེད། །དེ་བཞིན་དེ་ཉིད་
D444.081.0206a01.01གསུམ་བཞིའི་ཕྱེད། །ཡི་གེ་ཨོཾ་གཅིག་སྡོམ་པའོ། །གནས་མེད་གནས་པ་ཞེས་བྱ་བའི། །ཨོཾ་གཅིག་གིས་ནི་འགྲོ་ལ་ཁྱབ། །དེ་ཉིད་མི་གསལ་སྦྱོར་དབང་པོ། །གཙོ་བོ་རང་ཉིད་བཟློག་པ་ཡིན། །ལ་ལ་གླང་པོ་སྤངས་ནས་ནི། །རྗེས་ལ་དབྱིབས་ནི་ཚོལ་
D444.081.0206a02.01བར་བྱེད། །དེ་བཞིན་མ་འོངས་སྔགས་པ་ནི། །ཨོཾ་ལས་སྡོམ་པ་གཞན་དུ་འདོད། །གཅིག་གཉིས་གསུམ་དང་བཞི་དང་ལྔ། །དུས་ཐུབ་དེ་བཞིན་ནོར་ཅན་དང་། །ཕན་ཚུན་སྦྱོར་ནས་བརྗོད་པ་ལས། །བསམ་མི་ཁྱབ་པའི་གྲངས་སུ་འགྱུར། །བཅོམ་ལྡན་གཅིག་
D444.081.0206a03.01ཀྱང་དུ་མ་སྟེ། །ཚིག་ཏུ་བརྗོད་པ་རྣམ་པར་སྤངས། །བརྡ་ཙམ་དུ་ནི་ཨོཾ་ཞེས་བྱ། །དངོས་མེད་སྦྱོར་བའི་ཆོས་ཉིད་ཡིན། །ཆོས་དང་ལོངས་སྤྱོད་སྤྲུལ་པ་སྟེ། །སྐུ་གསུམ་དུ་མ་ཡང་དག་བཤད། །གསུམ་པོ་ཡང་དག་འཛིན་པས་ནི། །དེས་ན་ཨོཾ་ནི་སྡོམ་པ་ཡིན།
D444.081.0206a04.01དང་པོ་གཅིག་པུ་མི་བསྐྱོད་དགོད། །དེ་ཉིད་སྡོམ་པར་གྱུར་པ་ཡིན། །བརྡ་རུ་བརྗོད་པ་སྣ་ཚོགས་པ། །བསམས་ནས་སྡོམ་པ་ཀུན་དུ་བཤད། །མི་ཕྱེད་ནམ་མཁའི་སྦྱོར་བ་ཡིན། །བསམ་དང་གདོན་དང་རྣམ་པར་བྲལ། །རྟེན་འབྲེལ་རིག་ལས་ཡང་དག་འབྱུང་། །རྗེས་བཅས་ཞེས་བྱ་དེ་
D444.081.0206a05.01བསྒོམ་བྱ། །རྟག་ཏུ་འབྱུང་བའི་ཡེ་ཤེས་ཞིག །མིག་ལ་སོགས་པ་བདུན་བརྒྱ་ལ། །གཡས་དང་ཅིག་ཤོས་ཟླ་ཕྱེད་དེ། །ཤེས་རབ་ཐབས་ཀྱང་སྒྲུབ་པའོ། །འདི་དག་ཟུང་གྱུར་ཟླ་བ་སྟེ། །རྡོ་རྗེ་མིང་ཅན་ཕྱེད་དང་གཉིས། །དེ་ནི་སྦྱོར་བ་འདི་ཉིད་ཀྱིས། །དངོས་གྲུབ་མྱུར་དུ་འཐོབ་པར་
D444.081.0206a06.01འགྱུར། །ཞག་ནི་མི་ཐུབ་ཟླ་ཕྱེད་དང་། །ཟླ་གཅིག་ཟླ་བ་ཕྱེད་གཉིས་མིན། །འཇིག་རྟེན་པ་ཡི་ཞག་དབྱེ་བས། །རྒྱ་ཆེར་ངས་ནི་བཤད་པ་ཡིན། །གསང་བ་མཆོག་ལས་བྱུང་བ་ནི། །ཟླ་བ་ཕྱེད་ཀྱིས་སྒྲུབ་པར་གསུངས། །དེ་ཉིད་ཉེ་བར་འགྱུར་བཤད་པའི། །སྡོམ་པའི་ཡུལ་ནི་དམ་
D444.081.0206a07.01