完整藏文原文 · 德格版页 当前仅加载第 81 函德格 168a 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་གང་ཡང་མེད། །གང་ཞིག་ནོར་བུ་གཅིག་ལས་བྱུང་། །མི་མཐུན་ཕྱོགས་སུ་ཇི་ལྟར་སྣང་། །དམན་དང་བར་མ་དེ་བཞིན་མཆོག །འཁོར་བར་ཉོན་མོངས་མི་བཟད་པས། །སེམས་ཅན་ཁ་ཅིག་གཟིར་བ་དང་། །བྱང་ཆུབ་སེམས་ལའང་སྦྱར་བར་གྱུར། །དེ་
D444.081.0168a01.01ལྟའི་རྣམ་རྟོག་ཀུན་རྟོག་པར། །མ་འོངས་སྐྱེ་བོ་བགྱིད་འགྱུར་གྱི། །རྟེན་ཅིང་འབྲེལ་འབྱུང་ལས་བྱུང་བ། །འདི་དག་འཚལ་བར་མི་འགྱུར་རོ། །དངོས་པོ་མེད་པའི་ཆོས་རྣམས་ལ། །བྱིས་པ་རྣམས་ནི་རྩོད་པར་འགྱུར། །དེ་རྣམས་རྩོད་པ་མེད་པའི་ཕྱིར། །དགོངས་པ་བཤད་པར་མཛད་
D444.081.0168a02.01དུ་གསོལ། །དེ་ནས་བདག་པོ་བཅོམ་ལྡན་འདས། །རྡོ་རྗེ་ཅན་ལ་གསང་དགོངས་པ། །ཤིན་ཏུ་རྙེད་དཀའ་བྱང་ཆུབ་སེམས། །དེ་ནི་ཡང་དག་བཀའ་སྩལ་ཏོ། །ཕྱི་མའི་མཐའ་གང་སྟོང་པ་གཅིག །སྔོན་གྱི་མཐར་ཐུག་དེ་བཞིན་ཏེ། །སེམས་དེ་མངོན་དུ་བྱས་ནས་ནི། །ཅི་དགའ་བར་ནི་བྱ་བ་
D444.081.0168a03.01ཡིན། །སེམས་ནི་དེ་ཡིས་མ་མཐོང་བས། །ལྟ་བ་སོ་སོར་གྱུར་པ་ཡིན། །དེ་བས་དེ་རྣམས་འཁོར་བ་རུ། །འགྲོ་བ་དྲུག་གི་མིང་དུ་གྱུར། །དེས་ན་ཚངས་པ་ཁྱབ་འཇུག་དང་། །དབང་ཕྱུག་ཆེ་ལ་ཀུན་དུ་སྟེན། །ཟླ་བ་ཉི་མ་བྱ་བ་ཡི། །ཀུན་དུ་སྤྱོད་པ་དེ་རྣམས་བྱེད། །སུམ་ཅུ་རྩ་གསུམ་
D444.081.0168a04.01པར་བཤད་དང་། །དགའ་ལྡན་གྱི་ནི་གནས་དག་དང་། །དེ་བཞིན་གཞན་དག་དམྱལ་བར་ཡང་། །ལྟ་བས་སྐད་ཅིག་དག་གིས་འགྲོ། །{ཡི་དགས་,ཡི་དྭགས་}སུ་ཡང་འགྲོ་བ་དང་། །འགྲོ་བ་སྣ་ཚོགས་དག་ཏུ་འགྲོ། །གང་ཚེ་མ་རིག་ཀུན་བསྟེན་པས། །བདག་ཉིད་ཀྱང་ནི་མི་ཤེས་སོ། །འདུ་
D444.081.0168a05.01ཤེས་ཅན་དང་འདུ་ཤེས་མེད། །སེམས་ཅན་དུ་བརྟགས་འདི་གནས་པ། །དེ་རྣམས་རླུང་ལས་བྱུང་བ་སྟེ། །རླུང་ལས་སླར་ཡང་འགག་པ་ཡིན། །ཉིན་དང་མཚན་མོའི་ཆ་ཡིས་ཀྱང་། །རང་གི་རྣམ་པར་རྟོག་པར་ལྷུང་། །དེ་ནས་འཁོར་བར་སྐྲག་བཞིན་དུ། །སྣ་ཚོགས་འགྲོ་བར་དེ་
D444.081.0168a06.01དག་འགྲོ། །མི་རྟོག་པ་ཡི་སེམས་དེ་ནི། །འཁོར་བའི་རྒྱ་མཚོར་གནས་གྱུར་ཀྱང་། །དེ་ནི་ཕྱིན་ཅི་ལོག་གྱུར་པས། །ཁྱི་དང་ཅེ་སྤྱང་གླང་པོ་དང་། །སེམས་དེ་ལྟར་ཡང་འགྲོ་བར་འགྱུར། །དེ་བཞིན་དུ་ནི་ཕ་ཉིད་དང་། །མ་ཡི་རིགས་ནི་སྨྱིག་མཁན་དང་། །སྨེ་ཤ་ཅན་དང་རིགས་ངན་
D444.081.0168a07.01