dgongs pa lung bstan pa zhes bya ba'i rgyud/
当前为德格木刻版 199a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 199a
- 可引用原文
- 7 行
- 全文规模
- 全经 700 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 81 函 · 德格 199a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文སྐྱེ་བ་མེད་ལས་སྐྱེས་པས་ན། །གཅིག་དང་དུ་མ་རྣམ་སྤངས་པའོ། །ཤེས་འདོད་དེ་ཚེ་སྔགས་པ་ནི། །འགྲོ་བ་བྱིས་པ་དེ་ཚེ་སྤྱོད། །དེ་ནས་གསང་སྔགས་གྲུབ་འགྱུར་བ། །རྣམ་པར་མི་རྟོག་ཅིག་ཤོས་ཉིད། །ཡ་ཡི་སྡེ་སོགས་གནས་བྱས་ཏེ། །སྔགས་ནི་ན་རི་བྲི་བར་བྱ། །རང་གི་སྡེ་བཅས་གནས་དག་ནི། །ཡི་གེ་ཨ་བཞིན་སྔོན་འགྲོ་བ། །སོ་སོ་གཞན་པའི་བཞི་པ་ནི། །ཨི་ཨུ་དང་ནི་རིང་པོར་བཅས། །ཨ་ཨཻ་ཨཽ་ཨུ་ཡ་སྟེ་མཐའ། །བཞི་པོ་དང་བཅས་ཟླུམ་པོར་བྲི། །བསམ་གྱིས་མི་ཁྱབ་སྦྱོར་ལྡན་པའི། །འགྲོ་བ་མཉམ་
བཞག་བསྐྱེད་པ་ཡིན། །འདི་དག་རང་སྐྱེས་གནས་གཟུགས་ཀྱི། །ཆུ་ཡི་ཡི་གེར་ཞུགས་པར་འགྱུར། །དེ་ནས་གཞོན་ནུའི་གཟུགས་ཉིད་ཀྱང་། །རྣམ་པར་བསྒོམས་པས་སྐྱེ་བར་འགྱུར། །ཆ་བཅས་དབང་གནས་སྔགས་པ་ནི། །བླ་མེད་དངོས་གྲུབ་ཐོབ་པར་འགྱུར། །ནཱ་ག་ཡི་ནི་གྲངས་བཞིན་དུ། །སྐུད་སོགས་སྦྱོར་ལ་གང་གནས་པ། །ཉི་ཤུ་ཡི་ནི་སྔོན་མ་ཡང་། །དེ་ནི་རས་ཏེ་བཞི་པའང་ཡིན། །སྔོན་མེད་ཆ་ལུགས་གཟུགས་ཀྱིས་ནི། །ཁམས་གསུམ་དག་ནི་ལྟ་བར་འདོད། །འགྲོ་བའི་དོན་ནི་བྱེད་གྱུར་པའམ། །མཉམ་ཉིད་ཡེ་ཤེས་
དེ་ཉིད་ལས། །ཡོན་ཏན་གསུམ་ནི་བརྡ་བྱས་པ། །ཡོན་ཏན་མེད་པའི་ཡོན་ཏན་མིང་། །གཞོན་ནུའི་སྤྱོད་པའི་ལུས་ཀྱི་མིང་། །ལྟ་བ་འདི་ནི་བར་སྐྱེས། །དེ་ནི་སྒོ་གླེགས་མཐའ་ཡིན་ཏེ། །ཨི་ཨུ་དང་ནི་རིང་པོར་བཅས། །ཡི་གེ་གསུམ་བཅས་ཐིག་ལེར་ལྡན། །ཚེག་དྲག་མཐའ་ཡི་རིང་སྡེ་ཅན། །ཡི་གེ་ཨ་ནི་ཡིག་སྦྱོར་བའང་། །བཅུ་གཅིག་པར་ཡང་གྱུར་པ་ཡིན། །དེ་ཉིད་རིང་པོ་རིང་བའི་མཐས། །བཅུ་གཉིས་པ་ཡི་གྲངས་སུ་འགྱུར། །དེ་ཉིད་ཡི་གེ་ཨུར་སྦྱོར་ལས། །ཡི་གེ་ཨོྃ་ཞེས་བརྗོད་པ་ཡིན། །སྔ་མའི་རི་མོའི་སྦྱོར་བ་ཡིན། །
མིང་ནི་བཅུ་བཞི་པར་འགྱུར་རོ། །ཅི་སྟེ་ཨ་ལས་སྔགས་པས་ནི། །ཨཱཿཉིད་དུ་ནི་བལྟ་བར་བྱ། །དེ་བཞིན་ཨ་ཡི་སྦྱོར་བ་ལས། །ཡི་གེ་ཨ་ནི་ཅི་འདོད་པར། །ཇི་བཞིན་གྲངས་ཀྱིས་ཡང་དག་བལྟ། །རེ་རེའང་ཨ་ཡི་སྦྱོར་བས་བསྒོ། །ཨི་རྀ་ལྀ་ཨུའི་ཚོགས་ལས་ཀྱང་། །
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D444
- 德格版页
- 199a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0444 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。