完整藏文原文 · 德格版页 当前仅加载第 81 函德格 203a 版页；藏文 NFD、目录标记与异常页序保留在来源切片中，重复版页行以稳定序号区分。
སྣ་ཚོགས་བཅོམ་ལྡན་འདས་ཀྱིས་གསུངས། །སྡུག་བསྔལ་དང་ནི་ཀུན་འབྱུང་ཉིད། །འགོག་དང་ལམ་ནི་བཞི་པོ་ནི། །ལམ་གྱི་བཞི་མདོར་ཡང་དག་བཤད། །སྒྲུབ་པ་པོ་ནི་གནས་མིང་ཅན། །ཤིང་གཅིག་དྲུང་དུ་ཡང་དག་རྟོག །ཆོས་
D444.081.0203a01.01དང་རྫོགས་ལོངས་སྤྱོད་མིང་ཅན། །སྣ་ཚོགས་མཚན་གཅིག་ཡང་དག་དགོད། །མཚན་མ་རྐྱེན་གྱི་གཟུགས་ཅན་ནོ། །འབྱིན་དང་རྔུབ་པ་ཉིད་དང་ནི། །གནས་པ་ཡིས་ནི་ཉེར་མཛེས་པ། །ཡིད་རྟོན་པ་ཡི་མཉམ་སྦྱོར་ལ། །རབ་ཏུ་ཞི་བའི་ཞི་གནས་སུ། །
D444.081.0203a02.01དུས་གསུམ་རྟོག་པ་གཅིག་ལས་འདས། །རྡོ་རྗེ་ལྕགས་ཀྱུ་ཁྱད་པར་དུ། །སྒྲུབ་པ་པོ་ནི་རྟག་ཏུ་བསྒྲུབ། །སྦྱོར་གསུམ་སྔགས་ཀྱི་སྐྱེས་བུ་ནི། །སྦྱོར་གསུམ་རྡོ་རྗེ་ཅན་བསམ་པ། །སྐུ་གསུང་ཐུགས་ཀྱི་ལྕགས་ཀྱུའོ། །སངས་རྒྱས་ཡེ་ཤེས་བློ་ཅན་གྱི། །མི་གསལ་
D444.081.0203a03.01གསལ་བར་ཡང་དག་ལྡན། །དེ་བཞིན་ཉིད་ཀྱི་ངོ་བོ་ལས། །འགྲོ་བ་ཐམས་ཅད་དགུག་པར་བྱ། །རླུང་གི་དཀྱིལ་འཁོར་མཆོག་གནས་པ། །སངས་རྒྱས་དགུག་པ་དམ་པ་ཡིན། །གནས་མེད་གནས་པའི་སྦྱོར་བ་ཡིས། །དེ་ཉིད་སྔགས་དོན་རྣལ་འབྱོར་པས། །
D444.081.0203a04.01འགྲོ་བ་འདོད་པའི་ལོངས་སྤྱོད་ཀྱང་། །མི་གསལ་སྦྱོར་བས་སྦྱོར་བར་བྱེད། །གང་ཡང་དམ་ཚིག་ཕྱོགས་རྣམས་ནི། །མཁའ་དབྱིངས་དབྱེ་བས་གནས་པ་རྣམས། །དེ་ཉིད་རྡོ་རྗེ་བཀུག་ནས་ནི། །སྔགས་རིག་པས་ནི་སྤྱད་པར་བྱ། །ནམ་མཁའི་ཁམས་ནི་དགུག་པ་
D444.081.0203a05.01འདི། །དམ་ཚིག་ཆེན་པོ་རྡོ་རྗེ་ཅན། །སྔགས་ཀྱི་དེ་ཉིད་གཅིག་སྦྱོར་ལས། །ལྕགས་ཀྱུ་དེ་རྣམས་འགྲུབ་པར་འགྱུར། །དམ་ཚིག་རྣམས་ནི་དགུག་པའི་མཆོག །རྒྱལ་གནས་ལྕགས་ཀྱུ་བསམས་ནས་ནི། །རྣམ་པར་སྣང་མཛད་འཁོར་ལོ་ཆེ། །
D444.081.0203a06.01རྡོ་རྗེ་པདྨ་ལ་སོགས་བྱ། །མེ་ལོང་ལྟ་བུའི་སྔགས་པས་ནི། །སངས་རྒྱས་སྐུ་ནི་རྣམ་པར་བསྒོམ། །ལག་ཏུ་སྐུ་དང་གསུང་ཐུགས་ཀྱི། །ལྕགས་ཀྱུ་ལ་སོགས་རབ་ཏུ་བསྒོམ། །དེ་ནི་སྦྱོར་བ་འདི་ཉིད་ཀྱིས། །དེ་ཉིད་ལས་ནི་ལྷ་རྣམས་དགོད། །དེ་ནི་
D444.081.0203a07.01