dgongs pa lung bstan pa zhes bya ba'i rgyud/
当前为德格木刻版 177a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 177a
- 可引用原文
- 7 行
- 全文规模
- 全经 700 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 81 函 · 德格 177a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文རྗེ་པདྨོ་གཉིས་བསྒོམ་པའོ། །ནམ་མཁའི་དབྱིངས་ཀྱི་དབུས་གནས་པར། །རིན་ཆེན་དཀྱིལ་འཁོར་བསྒོམ་པར་བྱ། །དང་པོའི་སྦྱོར་བ་ནན་ཏན་གྱིས། །དེ་ཡི་སྟེང་དུ་རྣམ་པར་བསྒོམ། །ནམ་མཁའི་དབྱིངས་ཀྱི་དབུས་གནས་པར། །འོད་ཀྱི་དཀྱིལ་འཁོར་འདི་ཉིད་བསྒོམ། །སངས་རྒྱས་ཞི་བའི་གནས་དགོད་པ། །འཁོར་རྣམས་ཀྱིས་ནི་ཀུན་ནས་བསྐོར། །ཨུཏྤལ་མཐོན་ཀའི་མདོག་འདྲ་བ། །རྩེ་མོ་ལྔ་པ་འོད་པོ་ཆེ། །ནས་ཀྱི་འབྲུ་ཙམ་ནན་ཏན་གྱིས། །རི་རབ་རྩེ་མོར་རྣམ་པར་བསམ། །ཙ་ན་ཀ་ཡི་འབྲུ་ཚད་
ཙམ། །འདབ་མ་བརྒྱད་པ་གེ་སར་བཅས། །སྣ་ཡི་རྩེ་མོ་རི་རབ་རྩེ། །བྱང་ཆུབ་འདོད་པས་འདི་བསྒོམ་བྱ། །འཁོར་ལོ་ལ་སོགས་བསྒོམ་པ་ནི། །དེ་ཡི་ཁྱད་པར་དག་ཏུ་བརྟགས། །ཡིད་འོང་དངོས་གྲུབ་ཀུན་གྱི་གནས། །བྱང་ཆུབ་གནས་མཆོག་བླ་མེད་པའོ། །སངས་རྒྱས་ཡང་དག་བྱང་ཆུབ་བཞུགས། །མདོར་ན་དེ་ནི་སྤྲོ་བར་བྱ། །གང་ཚེ་ཆོས་ནི་ལེགས་མཚན་པ། །རྡོ་རྗེ་གཅིག་ནི་བསྒོམ་པར་བྱ། །དེ་ནས་དེ་བཞིན་གཤེགས་དབང་པོ། །དག་པ་ཆོས་རྣམས་ཀུན་གྱི་མཆོག །འགྲོ་ཀུན་དོན་དུ་སྟོན་པ་པོ། །གསུང་བས་
མཆོག་ནི་བཀའ་སྩལ་ཏོ། །སྐད་ཅིག་ཐང་ཅིག་ཡུད་ཙམ་དང་། །ཟླ་ཕྱེད་ཟླ་བ་ལོ་ཡི་དུས། །བསྐལ་པ་གྲངས་མེད་གསུམ་པོ་ནི། །སྐད་ཅིག་གཅིག་ཏུ་མཉམ་པར་བཤད། །ཟླ་བ་དྲུག་བཤད་དེ་ཉིད་ཡིན། །དངོས་མེད་རྫོགས་པར་ལོངས་སྤྱོད་པའོ། །སྐད་ཅིག་གཅིག་ཏུ་བསྔགས་པ་སྟེ། །དུས་གསུམ་ལས་འདས་ཡིན་པར་དགོངས། །གཟུགས་དང་སྒྲ་དང་རོར་ལྡན་པ། །རྣལ་འབྱོར་པས་ནི་ཟླ་དྲུག་བསྒོམ། །མཆོད་ཆེན་དེ་ནི་བྱས་ནས་སུ། །གསང་བའི་དེ་ཉིད་རྣམ་པར་བསྒོམ། །ཡུལ་དང་དབང་པོ་སེམས་དཔའ་ནི། །བཤང་
གཅི་ཟས་སུ་བྱེད་པ་པོ། །བྱས་ན་དེ་འདྲའི་དངོས་གྲུབ་ནི། །བཟའ་བ་རྣམ་རྟོག་མེད་པའོ། །དེ་ཉིད་འདི་ནི་བླ་མེད་པ། །བྱང་ཆུབ་སེམས་གཅིག་ལས་བྱུང་བའོ། །རྟོག་མེད་འདུས་ནི་མ་བྱས་ཤིང་། །མི་རྟོག་དོན་ནི་འགྲུབ་པར་འགྱུར། །མ་ནི་མཱ་མ་ཀཱིར་བཤད་དེ། །
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D444
- 德格版页
- 177a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0444 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。