完整藏文原文 · 德格版页 当前仅加载第 81 函德格 194a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་ཀུན་གྱི་ལོངས་སྤྱོད་དུ། །སྔགས་ཀྱི་སྐྱེས་བུ་རབ་ཏུ་གནས། །ནམ་མཁའ་མཉམ་པའི་སྦྱོར་བ་ནི། །རྣམ་པར་དབེན་པར་རབ་ཏུ་བརྟག །གསལ་དང་མི་གསལ་ཡང་དག་ལྡན། །ཀླུང་དང་འབབ་ཆུ་ལ་སོགས་ཡིན། །མྱ་ངན་འདས་པ་གནས་སྦྱོར་བ། །དུར་ཁྲོད་
D444.081.0194a01.01ལ་སོགས་པ་ཡི་མིང་། །འདི་ནི་སྔགས་རིག་མཆོག་རྣམས་ཀྱི། །བསམ་གཏན་བསྡུས་ལས་སྤྱོད་པའོ། །འཇིག་རྟེན་འདས་པ་དེ་ཉིད་འདིར། །འཇིག་རྟེན་པ་ནི་བཟློག་པའོ། །མི་བསྐྱོད་ཡེ་ཤེས་ལ་སོགས་པ། །རྡོ་རྗེ་ནམ་མཁའི་དཀྱིལ་དུ་བསམ། །མངོན་ཤེས་ལྔ་ཡི་སྦྱོར་བ་ཡིས། །
D444.081.0194a02.01སངས་རྒྱས་མཆོག་གི་གནས་སུ་བསྒོམ། །རྡོ་རྗེ་མངོན་ཤེས་རྡོ་རྗེ་ཆེ། །དམ་ཚིག་མཆོག་ཏུ་བཀའ་སྩལ་ཏོ། །རྡོ་རྗེ་ཆེན་པོ་རབ་མཛེས་པ། །རྩེ་ལྔ་པ་ལ་དེ་བཞིན་འཁོར། །རང་བཞིན་ལྔ་རུ་སྦྱོར་བ་ཡིས། །མངོན་ཤེས་ལྔ་པོར་འགྱུར་བ་ཡིན། །མངོན་ཤེས་ལྔ་ཡི་ཏིང་འཛིན་ལ། །གནས་
D444.081.0194a03.01ནས་བླ་ན་མེད་པ་བརྟག །གཙོ་བོ་མེ་སྟག་མང་པོ་འཁྲུག །རང་སྔགས་འཁོར་ལོ་བསྒོམ་པར་བྱ། །རྡོ་རྗེ་ལ་ནི་རབ་དགོད་པས། །རྡོ་རྗེ་མངོན་ཤེས་སྐྱེ་བར་འགྱུར། །ནམ་མཁའི་རྡོ་རྗེ་དབུས་གནས་པར། །འཁོར་ལོ་རྡོ་རྗེ་འབར་འོད་འདྲ། །སངས་རྒྱས་འཇུག་པར་རབ་བསྒོམས་ན། །
D444.081.0194a04.01སངས་རྒྱས་མཆོག་དང་འདྲ་བར་འགྱུར། །སངས་རྒྱས་དཀྱིལ་འཁོར་དབུས་གནས་པར། །ལུས་ལ་རྣམ་པར་སྣང་མཛད་གཞག །སྙིང་གར་ཡི་གེ་ཨོྃ་བསམས་ན། །སྔགས་ལ་མངོན་ཤེས་བསྒོམ་པར་འགྱུར། །འགོག་པ་རྡོ་རྗེ་གྱུར་པའི་སེམས། །ནམ་ཞིག་བདག་ཉིད་བདག་
D444.081.0194a05.01ལས་སྐྱེས། །སངས་རྒྱས་ཀུན་མཆོག་འབྱུང་བ་ཡི། །དཔལ་ལྡན་ཡིད་བཞིན་ནོར་བུར་འགྱུར། །སངས་རྒྱས་དཀྱིལ་འཁོར་དབུས་གནས་པར། །དེར་ནི་མི་བསྐྱོད་རབ་ཏུ་བསྒོམ། །ཧཱུྃ་ནི་སྙིང་གའི་ཟླ་གནས་པར། །བསམས་ལ་སེམས་ནི་དེ་རུ་བཞག །སངས་རྒྱས་དཀྱིལ་འཁོར་
D444.081.0194a06.01དབུས་གནས་པར། །ཚེ་དཔག་མེད་པ་རབ་ཏུ་སྦྱོར། །ཨཱཿནི་སྙིང་གའི་ཐིག་ལེར་གནས། །བསམས་ལ་རྡོ་རྗེའི་ཡང་དག་བཞག །འདི་ནི་དགོངས་པའི་མཆོག་གི་མཆོག །རྡོ་རྗེ་མི་ཕྱེད་གསུམ་སྦྱོར་སྐྱེས། །འགོག་པའི་དམ་ཚིག་ཡེ་ཤེས་ཏེ། །སངས་རྒྱས་དངོས་གྲུབ་ཆེར་འབྱུང་
D444.081.0194a07.01