完整藏文原文 · 德格版页 当前仅加载第 81 函德格 189a 版页；藏文 NFD、目录标记与异常页序保留在来源切片中，重复版页行以稳定序号区分。
ཕུང་པོ་ལ་བརྟགས་སངས་རྒྱས་དང་། །དེ་བཞིན་བྱང་ཆུབ་སེམས་དཔའ་རྣམས། །སྔགས་ཀྱི་སྦྱོར་བའི་དོན་བསྒྲུབ་པས། །རྨོངས་པས་འདའ་བ་བྱས་ནས་ནི། །དེ་ཡི་སྲོག་ནི་དེར་ཟད་འགྱུར། །ཞི་བ་ཉིད་ཀྱི་སྦྱོར་གཅིག་ལས། །འདི་ནི་འཇིག་རྟེན་འདས་པ་མཆོག །དེ་ལས་
D444.081.0189a01.01བཟློག་པ་འཇིག་རྟེན་པའོ། །དེ་ནས་བདག་པོ་བཅོམ་ལྡན་འདས། །འཇིག་རྟེན་གསུམ་གཙོ་སྟོན་པ་པོ། །འཇིག་རྟེན་གསུམ་མཆོག་རྡོ་རྗེ་གཙོས། །གསུང་ནི་འདི་སྐད་བཀའ་སྩལ་ཏོ། །གང་ཞིག་སྔགས་ཀྱི་སྐྱེས་བུར་བཤད། །རྡོ་རྗེ་གསུམ་གྱི་ཡེ་ཤེས་གཟུགས། །དེ་ནི་དབང་པོ་གཉིས་སྦྱོར་
D444.081.0189a02.01པའི། །གཅིག་པར་བསྒོམ་པ་རྟག་ཏུ་བྱེད། །བདག་དམིགས་སེམས་ཅན་ཡོད་མིན་པའི། །སྔགས་ཀྱི་དབང་པོ་རྣམ་བསྒོམ་པ། །དབང་པོ་གཉིས་སྦྱོར་བཟང་པོ་སྟེ། །དངོས་པོ་ཐམས་ཅད་རྣམ་བརྟགས་པའོ། །འདི་ནི་སངས་རྒྱས་ཐམས་ཅད་ཀྱི། །སྔགས་ཀྱི་དམ་ཚིག་མཆོག་བསྒོམ་པའོ། །
D444.081.0189a03.01རང་གཟུགས་རྡོ་རྗེ་ཡང་དག་སྦྱོར། །རིག་མ་དབང་ཕྱུག་བདག་ཀྱང་བསྒོམ། །གཉིས་མེད་གཉིས་སུ་མེད་ཆགས་པ། །ལྟ་བ་དམ་ཚིག་དཀྱིལ་འཁོར་རོ། །གསང་བ་ཞེས་བྱ་དེར་སྦྱར་བ། །དེ་ཉིད་མཉམ་པའི་བདག་ཉིད་དོ། །དེ་ནས་སྟོན་པ་བཅོམ་ལྡན་འདས། །ཐམས་ཅད་དབང་བསྐུར་དམ་པ་ནི། །
D444.081.0189a04.01མི་ཕྱེད་རྡོ་རྗེ་གསུམ་གྲུབ་པ། །གསང་བའི་དགོངས་པ་བཀའ་སྩལ་ཏོ། །ནམ་མཁའ་མཐའ་ཡས་སྦྱོར་བ་ཡིས། །ཕུང་པོ་བདག་ཉིད་མི་དམིགས་པ། །ཆོས་ཀྱི་དབྱིངས་ལ་སོགས་པའི་རིམ། །བུད་མེད་དེ་ནི་རྒྱ་ཆེན་འགྱུར། །རབ་ཏུ་སྦྱོར་བ་འདི་ཡིས་ནི། །འགྲོ་བའི་བུད་མེད་ཅེས་བྱ་བ། །གསང་
D444.081.0189a05.01སྔགས་དེ་ཉིད་དོན་གསང་ཉིད། །དེ་ནི་གསང་བས་ཉེ་བར་སྤྱོད། །དེར་ནི་ཡིད་འོང་སངས་རྒྱས་རྣམས། །བྱེ་བ་གྲངས་མེད་རྡོ་རྗེ་འཛིན། །སྔགས་རིག་དམ་པ་སྤྲོ་འོ་ཞེས། །དེར་ནི་བཅོམ་ལྡན་གཙོ་བོས་གསུངས། །བྱང་ཆུབ་སེམས་དཔའི་དམ་ཚིག་ནི། །སྟོན་པ་འདིར་ནི་བླ་མ་ཆེར། །
D444.081.0189a06.01འཇིག་རྟེན་པ་ལ་འདིར་བཤད་དེ། །འཇིག་རྟེན་འདས་པ་ཟློག་པའོ། །ནམ་མཁའ་ལྟ་བུའི་བྱང་ཆུབ་ནི། །འདི་ཡིས་ཤིན་ཏུ་ཐོབ་པར་འགྱུར། །བྱང་ཆུབ་སེམས་ཀྱི་ཡོན་ཏན་མཚོ། །རྡོ་རྗེ་སེམས་དཔའ་མཆོག་དེས་འཐོབ། །དགོངས་པ་ལུང་བསྟན་གསང་བ་ལ། །གང་ཞིག་སེམས་
D444.081.0189a07.01