完整藏文原文 · 德格版页 当前仅加载第 81 函德格 171b 版页；藏文 NFD、目录标记与异常页序保留在来源切片中，重复版页行以稳定序号区分。
བ་དགོངས་པ་ཡིས། །ཕྲ་མོའི་རྣལ་འབྱོར་བསྟན་པ་ཡིན། །ཀློག་དང་བསམ་གཏན་མེད་མོད་ཀྱི། །འོན་ཀྱང་བཟླས་པ་ཡིན་པར་བཤད། །དེ་ལྟར་རྣམ་པ་མང་པོ་ཡི། །འགྲོ་ལ་ཕན་པའི་གསུང་ཐོས་ནས། །དེ་བཞིན་གཤེགས་ཀུན་བདག་པོ་ལ། །རྡོ་རྗེ་ཅན་གྱིས་སླར་ཡང་ཞུས། །
D444.081.0171b01.01གང་ཞིག་བསྒོམས་ན་མ་འོངས་འགྲོ། །ཐམས་ཅད་མི་རྟོག་པར་འགྱུར་བ། །རྡོ་རྗེ་གསུམ་གྱི་སྙིང་པོ་མཆོག །སྙིང་པོ་བཅོམ་ལྡན་བཤད་དུ་གསོལ། །དེ་ཉིད་གསུམ་ཉིད་མེད་སྦྱོར་བ། །དེ་ནི་ཕྲ་མོའི་རྡོ་རྗེ་བསྒོམ། །མྱུར་བ་ལ་སོགས་གསུམ་སྤངས་པའི། །རྣལ་འབྱོར་པར་ཡང་
D444.081.0171b02.01བདག་ཅག་འགྱུར། །དེ་ནི་བདག་རིག་ཡིད་ཆེས་ཤིང་། །ཞི་བ་ཉིད་ནི་མི་ཤེས་འགྱུར། །ཕྲ་མོའི་རྣལ་འབྱོར་གཙོ་སྤངས་ཏེ། །ལོག་པའི་རྣལ་འབྱོར་ཀུན་དུ་བསྟེན། །སྟོན་པ་པོ་ཡི་སྦྱོར་སྨྲ་ཞིང་། །ཕྲ་མོ་ཞེས་བྱ་དེ་ཉིད་ནི། །མ་འོངས་དུས་ན་སྤོང་འགྱུར་བ། །དེ་ཉིད་དེ་ནི་ངེས་པར་
D444.081.0171b03.01བྱེད། །དེ་ནས་རྡོ་རྗེ་འཛིན་སྨྲ་བའི། །ལུང་བསྟན་པ་ནི་གསན་པ་དང་། །དེ་བཞིན་གཤེགས་པ་ཀུན་བདག་པོ། །ཆོས་དབྱིངས་ངོ་བོ་ཉིད་ཅེས་བྱའི། །ཏིང་ངེ་འཛིན་དེ་ཀུན་ནས་ནི། །སྙོམས་པར་ཞུགས་པ་ཉིད་དུ་མཛད། །དཔལ་ལྡན་སྙོམས་པར་ཞུགས་མཛད་ནས། །གསང་སྔགས་
D444.081.0171b04.01འདི་ནི་བཀའ་སྩལ་ཏོ། །སྐུ་གསུང་ཐུགས་ནི་རྡོ་རྗེར་བཤད། །ཁྱད་པར་དུ་ནི་བྱིན་རློབ་པ། །གཉིས་མེད་རྡོ་རྗེ་གསུམ་སྦྱོར་བས། །དེ་ནི་ཡང་དག་བཤད་པར་བྱ། །ཨོཾ་ནི་དང་པོར་ཤེས་པར་བྱ། །དྷརྨ་ཞེས་བྱ་གཉིས་པའོ། །དྷཱ་ཏུ་ཞེས་བྱ་གསུམ་པར་བཤད། །སྭ་བྷཱ་བར་
D444.081.0171b05.01གྲགས་བཞི་པའོ། །ཨཱཏྨ་ཀཿནི་ལྔ་པ་ཡིན། །ཨ་ཧྃ་དུ་གྱུར་དྲུག་པར་འདོད། །སྔགས་འདི་བརྗོད་ནས་དེ་འོག་ཏུ། །བསྒོམ་པ་བདག་ཉིད་ཅན་གྱིས་བསྒོམ། །རིན་ཆེན་ཁ་དོག་སྣ་ལྔ་པ། །ཡུངས་ཀར་གྱི་ནི་འབྲུ་ཚད་ཙམ། །ཉམས་དགའ་རི་རབ་རྩེ་མོ་རུ། །རྣལ་འབྱོར་པ་ཡི་
D444.081.0171b06.01རྟག་པར་བསྒོམ། །རིན་ཆེན་མི་གཡོར་གྱུར་ནས་སྤྲོ། །མི་གཡོར་མ་གྱུར་སྤྲོ་མི་བྱ། །སངས་རྒྱས་འབར་བའི་འོད་འདྲ་བ། །མཆོག་རབ་སྤྲིན་རྣམས་སྤྲོ་བར་བྱ། །འཁོར་ལོ་རྡོ་རྗེ་སྤྲིན་ཆེན་དང་། །པདྨ་རལ་གྲི་མཚོན་ཆ་མཆོག །བྱང་ཆུབ་སེམས་དཔའ་སྤྲིན་ཆེན་རྣམས། །
D444.081.0171b07.01