完整藏文原文 · 德格版页 当前仅加载第 81 函德格 164b 版页；藏文 NFD、目录标记与异常页序保留在来源切片中，重复版页行以稳定序号区分。
པ་གསང་བ་བླ་མེད་པ། །དྲིས་པ་རྣམས་ནི་བཤད་པར་བྱ། །ཞེ་སྡང་གཏི་མུག་དེ་བཞིན་ཆགས། །ལུས་ལ་སོགས་པའི་ཕུང་པོ་ལྔ། །འདི་དག་བདག་མེད་རྟོགས་ནས་ནི། །རྫོགས་སངས་རྒྱས་ནི་ཚུལ་གསུམ་གནས། །ཕ་ནི་ཞི་གནས་ཡིན་ཞེས་བྱ། །མ་ནི་ལྷག་མཐོང་ཡིན་པར་བཤད། །
D444.081.0164b01.01དེ་བཞིན་ཉིད་ཤེས་ལུས་སུ་འགྱུར། །ཞི་བ་རྣལ་འབྱོར་བ་ཡི་ཟས། །ཇི་ལྟར་བཟོ་བོས་བདེར་གཤེགས་ཀྱི། །སྐུ་ཡི་གཟུགས་བརྙན་བྱས་པ་ལྟར། །གང་ཞིག་སྐུ་ལྟ་བུ་ཡི་སྐུ། །དེ་བཞིན་གསུང་གི་རྣམ་པས་གསུང་། །ཐུགས་ཀྱི་རྣམ་པས་ཐུགས་སུ་ནི། །ཞི་གནས་ལ་སོགས་པ་ལས་
D444.081.0164b02.01བྱུང་། །ཕུང་པོ་ལ་སོགས་ཆོས་རྣམས་ནི། །སྟོང་ཞིང་རྟེན་འབྲེལ་ལས་བྱུང་མཐོང་། །ཡེ་ཤེས་ཉི་མ་ཤར་བའི་གཟུགས། །ཞི་ལས་རྣལ་འབྱོར་པ་རྣམས་བྱེད། །དེ་བས་སྐུ་གསུང་ཐུགས་རྡོ་རྗེ། །གྲིབ་མ་ལྟ་བུར་བྱུང་བ་ཡིན། །དེ་བཞིན་ཕུང་པོ་ཁམས་ལ་སོགས། །དམ་ཚིག་གཅིག་
D444.081.0164b03.01ལ་རྣམ་པར་གནས། །དེ་ནས་ཚུལ་གསུམ་དོན་གཅིག་པ། །ཞི་གནས་ལ་སོགས་པ་ལས་བྱུང་། །དེ་བས་རྡོ་རྗེ་ཚུལ་ཡིད་འོང་། །གསང་བའི་བདག་པོ་མཉན་པར་གྱིས། །སྟོང་པ་རྟེན་འབྲེལ་ལས་བྱུང་བར། །རྣལ་འབྱོར་པ་ཡི་རྡོ་རྗེ་ཞེས། །ནམ་མཁའ་མཐའ་ཡས་རྣལ་འབྱོར་
D444.081.0164b04.01ནི། །ཕུང་པོ་ལ་སོགས་ཆོས་འབྱུང་བ། །ལུས་དང་ངག་སེམས་ཀུན་རྟོག་ནི། །ཕུང་པོ་སོགས་བྱུང་འབྱུང་ལས་གྱུར། །འདི་དག་དངོས་མེད་ཡང་དག་སྦྱར། །དེ་ལས་ཏིང་འཛིན་སྐྱེས་པར་གྱུར། །འདི་དག་ཏིང་འཛིན་གཉིས་མེད་སྦྱོར། །མི་ཕྱེད་རྡོ་རྗེ་ཉིད་དུ་གྱུར། །ཟབ་དང་རྒྱ་ཆེན་
D444.081.0164b05.01རྟོགས་བྱང་ཆུབ། །དེ་རྟོགས་པས་ནི་སེམས་དཔར་གྱུར། །འདི་དག་ནམ་མཁའ་མཚུངས་གྱུར་པ། །ཆེན་པོ་ཞེས་བྱ་ཤེས་བྱེད་པའོ། །དེ་ལ་རྟོགས་པ་མཐའ་ཡས་པ། །རྡོ་རྗེ་ཐེག་པར་སྟོན་པ་ཡིན། །ཏིང་ངེ་འཛིན་ནི་དེ་ཉིད་ལས། །རྡོ་རྗེའི་ཐེག་པ་བྱུང་བ་ཡིན། །འདི་ལས་འཇིག་
D444.081.0164b06.01རྟེན་འདས་འགྱུར་ཞིང་། །དེ་བཞིན་འཇིག་རྟེན་ཤིན་ཏུ་འདས། །དངོས་དོན་དེ་བཞིན་ཉིད་གཅིག་པུ། །གསང་བ་འཇིག་རྟེན་པ་ཞེས་བཤད། །མ་སྐྱེས་པ་ལས་བྱུང་བ་ནི། །ཀུན་རྫོབ་དང་ནི་དོན་དམ་ཡིན། །བདུད་གྱུར་ལྷ་ཡི་བུར་བཤད་དེ། །ཕུང་པོ་ཉོན་མོངས་འཆི་
D444.081.0164b07.01