完整藏文原文 · 德格版页 当前仅加载第 81 函德格 201b 版页；藏文 NFD、目录标记与异常页序保留在来源切片中，重复版页行以稳定序号区分。
དམ་པའོ། །དེ་ལྟར་དེ་ཉིད་ཤེས་བསྒོམས་ན། །སྐད་ཅིག་གིས་རྣམ་རྡོ་རྗེར་འགྱུར། །འཁོར་ལོ་འོད་འཕྲོ་མཚུངས་པར་གྱུར། །རང་གི་སྔགས་ཀྱིས་རྣམ་བསྒོམས་ནས། །སངས་རྒྱས་ཀུན་གྱི་གནས་བསྒོམས་ན། །སངས་རྒྱས་འདྲ་བར་འགྱུར་བར་བཤད། །
D444.081.0201b01.01སུམ་ཅུ་རྩ་དྲུག་གནས་སྦྱོར་བའི། །རི་རབ་ཀྱི་ནི་རྡུལ་ཕྲན་རྣམས། །དེ་སྙེད་དེ་ཡི་རྗེས་འབྲང་རྣམས། །དམ་ཚིག་རྡོ་རྗེ་ཞེས་བྱ་བའོ། །གནས་ནི་ལྷ་ཡི་སྦྱོར་བ་སྟེ། །སྣ་ནི་རི་རབ་ཅེས་བྱའོ། །བདག་ཉིད་ཆེན་པོ་སུམ་ཅུ་བདུན། །ནམ་མཁར་སྤྲོ་བ་བསམ་མི་
D444.081.0201b02.01ཁྱབ། །འཇམ་པའི་རྡོ་རྗེ་བདག་པོ་སྟེ། །འདི་དག་འཁོར་དུ་གྱུར་པ་ཡིན། །འཇིག་རྟེན་པ་ཡི་རང་ངོ་བོ། །ཕྱི་ཡི་རི་རབ་བརྟག་པ་ཡིན། །དམ་ཚིག་རྡོ་རྗེ་ཞེས་བྱ་བའི། །འཁོར་ལོའི་ཏིང་ངེ་འཛིན་ཅེས་བྱ། །འཁོར་ལོ་དངོས་གྲུབ་རྙེད་སླ་བ། །སྐད་ཅིག་
D444.081.0201b03.01སྦྱོར་བས་བསྒྲུབ་པའོ། །རྡོ་རྗེ་ཆེན་པོ་རང་སྔགས་ཀྱིས། །དཀྱིལ་འཁོར་དབུས་སུ་རབ་བསྒོམས་ན། །རྡོ་རྗེ་ཀུན་གྱི་གནས་མཆོག་སྟེ། །ཐུགས་ཀྱི་རྡོ་རྗེ་འདྲ་བར་འགྱུར། །རི་རབ་སུམ་ཅུ་རྩ་དྲུག་གི། །རྡུལ་ཕྲན་ཇི་སྙེད་ཡོད་པ་ཡི། །དེ་སྙེད་བུད་མེད་དེ་ཡི་
D444.081.0201b04.01ནི། །གསུམ་འགྱུར་གནས་སུ་འགྱུར་བ་ཡིན། །ཁམས་གསུམ་གྱི་ནི་རྡོ་རྗེ་ཆེ། །དྲུག་པོ་ཡིས་ནི་ཕྱག་བྱས་འགྱུར། །རྡོ་རྗེ་དམ་ཚིག་ཅེས་བྱ་བའི། །ཏིང་འཛིན་འདི་ནི་ཡང་དག་བཤད། །པདྨ་ཆེན་པོ་འདབ་བརྒྱད་པ། །རང་སྔགས་རྡོ་རྗེ་ལས་བྱུང་བ། །
D444.081.0201b05.01ཆོས་རྣམས་ཀུན་གྱི་གནས་བསྒོམས་ན། །རྡོ་རྗེ་ཆོས་དང་འདྲ་བར་འགྱུར། །སུམ་ཅུ་རྩ་དྲུག་གནས་སྦྱོར་བའི། །རི་རབ་རྡུལ་ཕྲན་གྲངས་སྙེད་ཀྱི། །སངས་རྒྱས་རྡོ་རྗེ་མཆོག་གི་ནི། །དཀྱིལ་འཁོར་ལ་བདག་བདག་ཉིད་འཇོག །གོས་མེད་མཉམ་ཉིད་ཡེ་ཤེས་
D444.081.0201b06.01ཀྱི། །རྡོ་རྗེ་པདྨོ་གྲུབ་བཅས་སྦྱིན། །སོ་སོར་རྟོག་པ་ཞེས་བྱ་བའི། །ཏིང་ངེ་འཛིན་ནི་ཡང་དག་བཤད། །ཤིན་ཏུ་གྲངས་མེད་བསྐལ་པར་ནི། །གྲངས་ཀྱི་མིང་གིས་གནས་པར་ནི། །གནས་ཤིང་སྒོམ་པར་བྱེད་པ་ཡིན། །དེ་ཡི་ཡེ་ཤེས་ལྔར་ལྡན་པ། །སངས་
D444.081.0201b07.01