完整藏文原文 · 德格版页 当前仅加载第 81 函德格 192a 版页；藏文 NFD、目录标记与异常页序保留在来源切片中，重复版页行以稳定序号区分。
གསང་བ་འདི། །ཡི་གེ་ཨོཾ་ནི་མི་ཟད་གཙོ། །འདི་ནི་མི་ཕྱེད་སྦྱོར་བ་ཡིས། །བསྒོམས་པས་མི་བསྐྱོད་འདྲ་བར་འགྱུར། །མི་བསྐྱོད་པ་ཡི་དམ་ཚིག་མཆོག །དེ་སྐུ་བྱང་ཆུབ་རྡོ་རྗེ་ཅན། །ཏིང་ངེ་འཛིན་དུ་ཡང་དག་བཤད། །དེ་ནི་སྐྱེས་བུ་དམ་པ་ཡིན། །མི་བསྐྱོད་མཚུངས་པའི་སྐུ་དང་
D444.081.0192a01.01ནི། །གསུང་ཐུགས་རྩེ་གཅིག་འཛིན་པ་ལས། །འཇིག་རྟེན་ཁམས་ནི་ཐམས་ཅད་དུ། །རྡོ་རྗེ་ཅན་གྱིས་མཆོད་པར་འགྱུར། །ནམ་མཁའི་དབྱིངས་ཀྱི་དབུས་གནས་པར། །སངས་རྒྱས་དཀྱིལ་འཁོར་བརྒྱན་པ་བསམ། །ནམ་མཁའི་རྡོ་རྗེ་རབ་བསྒོམས་ཏེ། །དེ་ནས་རྡོ་རྗེ་རྣམ་པར་བསྒོམ། །
D444.081.0192a02.01རྡོ་རྗེ་དམ་ཚིག་གསུམ་བསྒོམས་པས། །དཀོན་མཆོག་དཔལ་དང་འོད་འདྲ་ཞིང་། །དཀོན་མཆོག་གསུམ་དཔལ་མཚུངས་པ་ཡི། །བཅོམ་ལྡན་དཀོན་མཆོག་དཔལ་འདྲ་ཞིང་། །སྐུ་གསུང་ཐུགས་སྦྱོར་རྡོ་རྗེ་ཡིས། །ཡེ་ཤེས་གསང་བའི་གནས་སུ་འགྱུར། །ཏིང་འཛིན་དཔག་མེད་ལས་བྱུང་
D444.081.0192a03.01པ། །རྡོ་རྗེ་ཡེ་ཤེས་འཛིན་དེ་འགྱུར། །ལོངས་སྤྱོད་དམ་ཚིག་ཅེས་བྱ་བ། །རིན་ཆེན་རྡོ་རྗེ་གཅིག་ཏུ་འབྱུང་། །དེ་ཉིད་གསུམ་གསང་དགོངས་པ་ལས། །རིན་ཆེན་རྡོ་རྗེ་དེ་གནས་འགྱུར། །ནམ་མཁའི་དབྱིངས་ཀྱི་དབུས་གནས་པར། །སངས་རྒྱས་དཀྱིལ་འཁོར་བསམ་པར་བྱ། །འཇིག་རྟེན་དབང་
D444.081.0192a04.01ཕྱུག་རབ་བསྒོམས་ལ། །དེར་ནི་ཆོས་ཀྱི་ཨོྃ་བསྒོམ་མོ། །ཆོས་ཀྱི་ཨོྃ་ནི་དེ་ཚེ་ཡང་། །རྡོ་རྗེ་གསུམ་མཉམ་སྦྱོར་བ་ཡིས། །རྡོ་རྗེ་དཔག་མེད་འདྲ་བ་ནི། །བཅོམ་ལྡན་དཔག་མེད་རྡོ་རྗེ་ཅན། །ལུས་དང་ངག་སེམས་རྡོ་རྗེ་ཡིས། །དཔག་མེད་ཚེ་དང་འདྲ་བར་འགྱུར། །ཐེག་པ་ཆེན་པོ་ལམ་གྱི་མཆོག །
D444.081.0192a05.01འགྲོ་བའི་དོན་ནི་རབ་སྒྲུབ་པ། །ཡེ་ཤེས་རྒྱ་མཚོ་དཔལ་དང་ལྡན། །འགྲོ་དོན་གཅིག་ཏུ་འབྱུང་བར་འགྱུར། །དོན་ཡོད་པ་ཡི་དམ་ཚིག་མཆོག །སེམས་ཅན་དོན་ནི་སྒྲུབ་གྱུར་པ། །འོད་ཟེར་ཡེ་ཤེས་མཆོག་ཅེས་བྱའི། །ཏིང་ངེ་འཛིན་དུ་ཡང་དག་བཤད། །སེམས་ཅན་ཁམས་ནི་མ་ལུས་
D444.081.0192a06.01པའི། །ལོངས་སྤྱོད་ཀུན་དུ་འགྱུར་བ་ཡི། །ནམ་མཁའི་དབྱིངས་ཀྱི་དབུས་གནས་པར། །སངས་རྒྱས་དཀྱིལ་འཁོར་དམ་པ་བསམ། །དེ་ནི་རྣམ་སྣང་རྡོ་རྗེར་བཤད། །འོད་ཟེར་དེར་ནི་རབ་ཏུ་བསྒོམ། །རྣམ་པར་རྒྱལ་བའི་ཡི་གེ་ཨོཾ། །འོད་ཆེན་དེར་ནི་རབ་ཏུ་བསྒོམ། །དེ་ནས་འདི་ནི་རྡོ་
D444.081.0192a07.01