完整藏文原文 · 德格版页 当前仅加载第 81 函德格 198b 版页；藏文 NFD、目录标记与异常页序保留在来源切片中，重复版页行以稳定序号区分。
མི་ཁྱབ་ཅེས་དབེན། །སྡུད་པ་པོར་ནི་གང་གྱུར་པ། །དེ་ཡང་ཕུལ་དུ་གྱུར་པའི་མིང་། །རྡོ་རྗེ་ལ་སོགས་ཡང་དག་སྦྱར། །སེམས་ཅན་རྣམས་ནི་དེ་སྦྱོར་བྱེད། །དམ་ཚིག་ལ་སོགས་སྔོན་དེ་ནི། །དེ་ཉིད་ཀྱིས་ནི་རྡོ་རྗེར་སྦྱར། །སེམས་ཅན་དགོངས་པའི་སྦྱོར་བ་ཡིས། །དེ་ཡི་ཆོས་རྣམས་
D444.081.0198b01.01སྟོན་པར་བྱེད། །རྣམ་པ་དགུ་པོ་ཐོག་མཐའ་ཅན། །སྡུད་པ་པོ་རྣམས་བྱས་པ་ཡིན། །གསང་སྔགས་དེ་ཉིད་གནས་དགོད་པས། །སེམས་ཅན་རྣམས་ནི་དེར་འཇོག་སྟེ། །གསོལ་བ་འདེབས་དང་ཕྱག་འཚལ་དང་། །འཇིག་རྟེན་རྣམས་ལ་གསོལ་བ་དེང་། །རྫོགས་སངས་
D444.081.0198b02.01རྒྱས་རྣམས་མཉེས་བྱེད་དེ། །ཁྱོད་ཀྱི་ཐལ་མོར་གནས་པ་ཡིན། །གང་ཞིག་སེམས་ཅན་སངས་རྒྱས་གྱུར། །དེ་བཞིན་གཉིས་མེད་ཆོས་ཉིད་ཅན། །གནས་མེད་གནས་པའི་སྦྱོར་བ་ཡིས། །ཐམས་ཅད་སངས་རྒྱས་རྣམས་གནས་སོ། །སྣ་ཚོགས་མཚོན་པ་དེ་ཉིད་དོ། །
D444.081.0198b03.01མཐོང་བ་གསལ་བྱེད་ཐལ་མོ་ཡིན། །དེ་བས་དེ་རྣམས་མགུ་གྱུར་པ། །ཆོས་ཀྱི་དེ་ཉིད་རྐྱེན་ལས་སོ། །རྒྱུ་མེད་རང་གི་དེ་ཉིད་འདི། །ཁྱེད་ཀྱི་ཕྱག་རྒྱའི་སྦྱོར་ལས་བྱུང་། །གང་ཞིག་ཤེས་པས་འདོད་འགྲུབ་པའི། །དངོས་གྲུབ་དེས་ནི་ཐོབ་པར་གྱུར། །ཨཱཿཉིད་དེར་ནི་མི་གསལ་
D444.081.0198b04.01བའི། །རྒྱུ་ལས་སྦྱོར་བར་གྱུར་པ་ཡིན། །དོག་པར་དེ་ནི་ཡོངས་བཤད་དེ། །དངོས་པོ་མེད་པར་རས་ཀྱི་མིང་། །འཕགས་པ་གཤིན་རྗེ་གཤེད་བསྒོམས་ལ། །གཞོན་ནུའི་གཟུགས་སུའང་བསྒོམ་པར་བྱ། །དོག་པ་དེ་ཡི་རས་དོན་ལས། །མི་སྣང་བ་ལ་སོགས་
D444.081.0198b05.01གྲུབ་ཅིང་། །ཡིད་བཞིན་ནོར་བུ་འདྲ་བའི་མཆོག །འགྲོ་བའི་དོན་གཅིག་ཡང་དག་བྱུང་། །ཨཱཿཡི་དོག་རས་མཚོན་པས་ནི། །འཇིག་རྟེན་པ་ལ་དགོངས་པས་བཤད། །འདི་ནི་ཆོས་དང་རྫོགས་ལོངས་སྤྱོད། །སྤྲུལ་པས་དེ་ནི་གསུམ་དུ་འགྱུར། །བྱིས་པ་རྟོག་པར་བྱ་བའི་
D444.081.0198b06.01ཕྱིར། །དེ་ནི་རྣམ་པ་ལྔར་ཡང་འགྱུར། །ཐ་མལ་བྱིས་པའི་ཆོས་རྣམས་གང་། །རྣམ་ལྔ་གཅིག་པའི་རྣལ་འབྱོར་པ། །དེ་ཡང་ཤིན་ཏུ་ལྡན་སེམས་ཅན། །སེམས་ཅན་སོགས་ལ་རྣམ་པར་གནས། །རྟག་པ་ལྟར་ནི་སོ་སོར་སྣང་། །འགྲོ་བ་དུས་གསུམ་མཚན་ཉིད་གཅིག །
D444.081.0198b07.01