完整藏文原文 · 德格版页 当前仅加载第 81 函德格 186a 版页；藏文 NFD、目录标记与异常页序保留在来源切片中，重复版页行以稳定序号区分。
ནི། །དམ་པ་ཡིས་ནི་མིག་གདངས་ཏེ། །ཚིག་ནི་འདི་སྐད་ཅེས་གསོལ་ཏོ། །ཆོས་འདི་ངོ་མཚར་རྨད་བྱུང་སྟེ། །ནམ་མཁའ་དང་ནི་མཚུངས་པ་ཡི། །མི་རྟོག་རྣམ་པར་དག་པ་ཡང་། །ཀུན་རྫོབ་ཏུ་ནི་བཤད་པར་མཛད། །དམ་ཚིག་ཆེན་པོ་ཡང་དག་གནས། །དགོངས་པ་ལུང་
D444.081.0186a01.01སྟོན་མཆོག་ལ་ནི། །གང་ཞིག་ཡིད་འོང་བཟོད་གྱུར་པ། །དེ་ནི་དེ་བཞིན་སྤྱོད་པ་ཡིན། །མཆོག་དུ་དག་པའི་དེ་ཉིད་དོན། །གསང་བ་ཆེན་པོ་ཞེས་བྱ་བ། །དམ་ཚིག་ཚུལ་ནི་ཡང་དག་བཤད། །ལེའུ་དགུ་པ་རྫོགས་པ་ཡིན།། །།དེ་ནས་དེ་བཞིན་གཤེགས་པ་ཀུན། །རྡོ་རྗེ་
D444.081.0186a02.01གསུམ་འབྱུང་བཅོམ་ལྡན་འདས། །སླར་ཡང་དགོངས་པ་འདུས་ནས་ནི། །བླ་མ་ཆེན་པོ་བཅོམ་ལྡན་འདས། །དམ་ཚིག་རྡོ་རྗེ་དེ་ཉིད་གནས། །མངོན་པར་བྱང་ཆུབ་དེད་དཔོན་ཉིད། །སྐུ་དང་གསུང་ཐུགས་གཙང་གཙོ་ལ། །བཏུད་དེ་དེ་བཞིན་གཤེགས་པས་གསོལ། །སྙིང་པོ་སྔགས་ནི་ཀུན་
D444.081.0186a03.01བསྡུས་པ། །གསང་བ་ཡང་དག་རྡོ་རྗེ་གསུམ། །དངོས་གྲུབ་ཆེན་པོའི་ཚུལ་གྱི་མཆོག །དེ་ཉིད་བཅོམ་ལྡན་བཤད་དུ་གསོལ། །དེ་བཞིན་གཤེགས་པ་ཀུན་ཡེ་ཤེས། །སྐུ་གསུང་ཐུགས་ཀྱི་དངོས་གྲུབ་གསོལ། །གསུང་གཅིག་དུ་མའི་རྣམ་པར་རྟོག །ཡང་དག་བསྡུས་དོན་དེ་བཞིན་གཤེགས། །
D444.081.0186a04.01དེ་ནས་བདག་པོ་བཅོམ་ལྡན་འདས། །ཉོན་མོངས་ཀུན་གྱི་རྒྱ་མཚོ་གཙོ། །འབར་བ་དྲག་པོ་སྤྱན་ཡངས་པས། །གསུང་ནི་འདི་སྐད་བཀའ་སྩལ་ཏོ། །སྐུ་ལ་སོགས་པའི་རྡོ་རྗེ་གསུམ། །སྐུ་དང་གསུང་ཐུགས་བསྒོམ་པ་ནི། །མཉམ་ཞིང་རྣམ་པར་མི་རྟོག་པ། །དམིགས་པ་མེད་ཅིང་གནས་མེད་
D444.081.0186a05.01པའོ། །དེ་ནས་མགོན་པོ་བཅོམ་ལྡན་འདས། །རང་བཞིན་དག་པའི་དེ་བཞིན་གཤེགས། །ཕ་རོལ་ཕྱིན་པ་སྔགས་ཚུལ་གྱི། །རྡོ་རྗེ་ཞེས་བྱའི་ཏིང་འཛིན་ལ། །དཔའ་བོ་ཆེན་པོ་སྙོམས་ཞུགས་ཏེ། །དེ་བཞིན་གཤེགས་ཀུན་ལ་གསུངས་པ། །གང་ཕྱིར་སངས་རྒྱས་བཅོམ་ལྡན་འདས། །
D444.081.0186a06.01དེ་བཞིན་གཤེགས་པ་ཀུན་འདི་ན། །མགོན་པོ་མི་བསྐྱོད་ལ་སོགས་པའི། །དེ་བཞིན་གཤེགས་པ་དུ་མ་དང་། །རིག་པ་བྱེ་བ་ཁྲག་ཁྲིག་ནི། །བརྒྱ་སྟོང་དུ་མ་ཞེས་བྱ་དང་། །སེམས་ཅན་དོན་བྱ་ལ་རོལ་དང་། །མཆོག་ནི་དེ་རྣམས་སྟོན་པར་མཛད། །ཕྱོགས་བཅུའི་འཇིག་
D444.081.0186a07.01