完整藏文原文 · 德格版页 当前仅加载第 81 函德格 179a 版页；藏文 NFD、目录标记与异常页序保留在来源切片中，重复版页行以稳定序号区分。
པ། །ལྷ་ཉིད་དུ་ནི་རྟག་ཏུ་བསྒོམ། །དེ་བཞིན་རིགས་སུ་བསྒོམ་པ་ནི། །བསྒོམ་པས་དེར་ནི་བསྒོམ་པར་བྱ། །ནམ་མཁའི་རྡོ་རྗེ་སྦྱོར་བ་ནི། །སངས་རྒྱས་རྗེས་སུ་དྲན་པར་བཤད། །སངས་རྒྱས་རྗེས་དྲན་སྦྱོར་བས་ཀྱང་། །ཆོས་ནི་རྗེས་སུ་དྲན་པ་
D444.081.0179a01.01བསྒོམ། །རྡོ་རྗེ་གསུམ་བསྒོམ་རྣལ་འབྱོར་པས། །རྡོ་རྗེ་རྗེས་དྲན་བསྒོམ་པའོ། །རིགས་དབྱེ་ཇི་སྐད་བཤད་པས་ཀྱང་། །ཆོས་དང་ལོངས་སྤྱོད་སྤྲུལ་སྐུར་བྱུང་། །རིགས་ནི་རྗེས་དྲན་སྦྱོར་གྱུར་བ། །དེ་བཞིན་ཁྲོ་བོ་རྗེས་དྲན་པའོ། །དེ་ཉིད་གསུམ་ཡོངས་གྱུར་པ་
D444.081.0179a02.01གཅིག །རྡོ་རྗེ་གསུམ་ཉིད་མེད་ཆོས་ཉིད། །ལྷ་རྣམས་རྗེས་དྲན་སྦྱོར་བ་སྟེ། །དེ་བསྒོམ་བྱང་ཆུབ་འཐོབ་པར་འགྱུར། །བཞི་པོ་དག་ནི་རེ་རེ་བཞི། །ཇི་ལྟ་ཇི་ལྟར་མགུ་བཅས་སོགས། །དེ་ཉིད་ལོ་ཡི་གྲངས་ཡིན་ཏེ། །བཅུ་དྲུག་པར་ནི་ཡོངས་སུ་བརྟག །
D444.081.0179a03.01སངས་རྒྱས་ཀུན་གྱིས་བསྟེན་པ་ཡི། །བུད་མེད་ལོ་གྲངས་བཅུ་དྲུག་པ། །གཟུགས་བཟང་ཕྲ་དང་མཆོད་པ་ནི། །དབེན་པ་ཞེས་བྱ་བརྩམ་པར་བྱ། །བྱིན་གྱིས་བརླབས་ནས་ཡིད་འོང་བ། །ཁྱད་པར་གསུམ་ཞེས་བྱ་བ་ཡིས། །དེ་བཞིན་གཤེགས་པ་བཙུན་མོ་
D444.081.0179a04.01ཆེ། །སྤྱན་སོགས་ཉིད་ནི་བསྒོམ་པར་བྱ། །བསྒྲུབ་བྱ་དེ་ཉིད་ཡང་དག་སྦྱོར། །དབང་པོ་གཉིས་ནི་མཉམ་སྦྱོར་བའི། །དང་པོར་སྦྱོར་བ་འདི་བསྒོམས་ན། །སངས་རྒྱས་དངོས་གྲུབ་ཐོབ་པར་འགྱུར། །ཡི་གེ་ཧཱུྃ་དང་དེ་བཞིན་ཨོཾ། །ཕཊ་ཀྱང་དེར་ནི་བསྒོམ་པར་བྱ། །
D444.081.0179a05.01དེ་ཉིད་གསུམ་ཚུལ་གསུམ་བདག་ཉིད། །ཅི་རིགས་པར་ནི་རྣམ་པར་སྤྲོ། །འོད་ཟེར་རྣམ་པ་ལྔས་ཁྱབ་པའི། །རྡོ་རྗེ་པདྨ་འདི་མཆོག་སྟེ། །གསང་དང་སྙིང་ག་སྣ་རྩེ་རུ། །རྣལ་འབྱོར་པས་ནི་འདི་བསྒོམ་བྱ། །འབར་བཅས་ཟླ་འོད་བཞིན་དཀར་བར། །ཤེས་རབ་
D444.081.0179a06.01དེ་ནི་རྟག་ཏུ་བསྒོམ། །གང་ཕྱིར་ཡིད་ནི་དགར་གྱུར་པས། །དེ་བས་དེ་ནང་ཡིད་འོང་བའོ། །གནས་མེད་གནས་པར་ལེགས་སྦྱོར་བས། །བཞི་མཚུངས་གཅིག་ཏུ་སྦྱོར་བ་རིག །སངས་རྒྱས་རྗེས་དྲན་སྦྱོར་ལ་སོགས། །བྱང་ཆུབ་འདོད་པས་བསྒོམ་པར་བྱ། །
D444.081.0179a07.01