完整藏文原文 · 德格版页 当前仅加载第 81 函德格 188a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་འདིར་ཇི་ལྟ་བུར། །མགོན་པོ་དེ་ནི་ཕྱི་དུས་ན། །ཇི་སྐད་གསུངས་པ་མི་རྟོག་པ། །གཅིག་པུ་མཁའ་མཉམ་སངས་རྒྱས་དང་། །བྱང་ཆུབ་སེམས་དཔའ་མཐུ་ཆེན་རྣམས། །རབ་ཏུ་འདར་ཞིང་བརྒྱལ་གྱུར་ཅེས། །བྱིས་པ་རྣམས་ཀྱིས་མི་རྟོགས་སོ། །ལན་བརྒྱ་སྟོང་དང་བྱེ་བ་ཡི། །གྲངས་
D444.081.0188a01.01དག་ཏུ་ནི་སྟོན་མཛད་ཅིང་། །སྟོན་པ་སྣ་ཚོགས་སྟོན་མཛད་ཀྱང་། །འདར་ཞིང་བརྒྱལ་བར་དེ་མ་གྱུར། །མ་འོངས་དུས་ནའང་འབྱུང་འགྱུར་བ། །མི་མཁས་པ་ཡི་ང་རྒྱལ་ཅན། །བླ་མའི་ལུང་ནི་བླངས་ནས་སུ། །རྟགས་ནི་རང་ཉིད་འཛིན་པར་བྱེད། །དེ་ནི་སྔགས་དོན་གསུངས་པ་ཡི། །མཚན་ཉིད་གསང་འདི་
D444.081.0188a02.01མི་ཤེས་པར། །སྔགས་དོན་དེ་ཉིད་མཁས་པ་ཡི། །གཞན་རྣམས་ལ་ནི་མི་སྙན་སྒྲོགས། །འཁྲུལ་པ་ཅུང་ཟད་ཙམ་མཐོང་ན། །བཞད་གད་དག་ནི་བྱེད་པར་འགྱུར། །རེག་ན་དུག་དང་མཚུངས་པ་ཡི། །མི་དེ་ཞི་བར་མི་འགྱུར་རོ། །གང་ཞིག་ཡིད་ནི་རིན་ཆེན་འདྲའི། །འགྲོ་ལ་ཕན་པའི་
D444.081.0188a03.01སྔགས་པ་རྣམས། །འདི་ནི་མ་འོངས་དུས་སུ་ཡང་། །དངོས་གྲུབ་མཆོག་ནི་ཐོབ་པར་འགྱུར། །དེ་རྣམས་ཡང་དག་བསྡུ་བའི་ཕྱིར། །སྐད་ཅིག་རྗེས་གསུང་གྲུབ་དོན་དུ། །སྦྱོར་བར་དགོངས་པའི་བསམ་པ་ཅན། །བཅོམ་ལྡན་འདི་ནི་བཤད་དུ་གསོལ། །དེ་ནས་སྟོན་པ་བཅོམ་ལྡན་འདས། །འགྲོ་
D444.081.0188a04.01ཕན་ཕྱག་ན་རྡོ་རྗེ་ལ། །དེ་ལྟར་སྦྱོར་བ་ཡང་དག་སྦྱོར། །བསྒོམ་པའི་དངོས་པོ་རྟོག་བྱེད་པ། །དབང་པོ་ཉི་མ་ཐུབ་པ་ཉིད། །གང་ཞིག་ཕྱོགས་བཅུར་གནས་པ་རྣམས། །སྲས་བཅས་སངས་རྒྱས་ཞེས་བྱ་བའི། །དེ་བཞིན་གཤེགས་པ་ཐམས་ཅད་གྱུར། །ཕུང་པོ་ལ་སོགས་གྲངས་མཉམ་པའི། །
D444.081.0188a05.01ལུས་ལས་སྐྱེས་ཏེ་ཡོད་པ་འདི། །སྟོང་པའི་རྐྱེན་དུ་སྦྱོར་བ་ལས། །སངས་རྒྱས་སྲས་དང་བཅས་འགྱུར་འདོད། །སྔགས་དེ་སྔགས་པ་སངས་རྒྱས་དེ། །བདག་ཉིད་དེ་སྲས་ཡང་དག་སྦྱོར། །ཞི་སོགས་མཉམ་པའི་སྦྱོར་བ་ལས། །ཞི་བའི་བདེ་བ་དེ་ནས་བརྩམ། །བདག་ཉིད་རང་བཞིན་གྱིས་
D444.081.0188a06.01དག་ཅིང་། །རང་བཞིན་དྲི་མ་མེད་བྱས་ལ། །དལ་དང་མྱུར་དང་གནས་པ་ཡི། །སྣ་ཚོགས་དེ་གཅིག་དག་ལ་བཞུགས། །ཡིད་དམན་རིམ་ལ་སོགས་པས་ཀྱང་། །སྦྱོར་བ་དེ་ཉིད་དག་ལ་གནས། །དེ་ནས་དབང་པོ་མེད་གྱུར་པ། །གང་ཚེ་ཞི་བའི་བདེ་གཅིག་པུ། །རང་བཞིན་དག་པའི་སྦྱོར་བ་སྟེ། །
D444.081.0188a07.01