完整藏文原文 · 德格版页 当前仅加载第 81 函德格 197b 版页；藏文 NFD、目录标记与异常页序保留在来源切片中，重复版页行以稳定序号区分。
མོ་དག་ལ་གནས། །དེ་རྣམས་ཕྱག་རྒྱ་སྟོན་བྱེད་ཅིང་། །སྔགས་ནི་བྱེ་བ་མཐའ་ཡས་པ། །འདི་ཉིད་དུ་ནི་ཉི་ཟླ་དང་། །སྦྱིན་སྲེག་ལས་ཅན་མེ་དང་ནི། །ལོ་དང་ཟླ་བའི་སྦྱོར་བ་དང་། །རྟག་ཏུ་འཆར་དང་འཕེལ་འགྲིབ་དང་། །དེ་ཉིད་གསུམ་གྱི་སྦྱོར་སྐྱེས་འདི། །དེ་ཉིད་གཅིག་པུ་རྣམ་
D444.081.0197b01.01པར་གནས། །ཞི་བ་ཉིད་ཀྱི་སྦྱོར་ཆོས་ལ། །དེ་ཡང་གཅིག་དང་དུ་མ་སྤངས། །ཁྱེད་ཀྱི་ཐལ་མོ་ལས་བྱུང་བ། །དེ་བས་དེ་ནི་འདའ་མི་བྱ། །དེ་བཞིན་གཤེགས་ཀུན་སྤངས་འགྱུར་བས། །དེ་ནི་སྤང་བར་མི་བྱ་ཞིང་། །འདི་དག་དངོས་མེད་ལ་ལྟོས་པས། །རྣལ་འབྱོར་པ་ནི་
D444.081.0197b02.01མཆོག་ཏུ་འདོད། །གཞན་དུ་རྣམ་རྟོག་ཉིད་ལས་ནི། །དངོས་གྲུབ་འབྲས་བུའི་སྣོད་མི་འགྱུར། །དེ་བས་ཐལ་མོ་སྦྱར་བ་འདི། །སེམས་ཅན་རྗེས་བཟུང་དམ་པ་ཡིན། །མ་བསྡུས་པ་ཡི་སེམས་ཅན་རྣམས། །བསྡུ་བའི་དོན་དུ་ཁྱོད་ཀྱིས་བྱ། །སྨད་བྱ་འོན་པ་ལྐུགས་པ་དང་། །
D444.081.0197b03.01དེ་བཞིན་ལོང་བར་གྱུར་པ་དང་། །གང་ཞིག་འཕྱེ་བོ་ལ་སོགས་གྱུར། །དེ་རྣམས་ལ་ནི་ཕན་ཕྱིར་བྱ། །དེ་ལ་སོགས་པ་མདོར་བསྡུས་པ། །དེ་ནི་ཁྱེད་ཀྱི་ཐལ་མོར་གནས། །དེ་ནི་འཇིག་རྟེན་འདས་གཙོར་གྱུར། །དེ་ཉིད་བསྡུས་པའི་རྒྱུ་ཅན་ནོ། །དེ་ནི་ནང་མིན་ཕྱི་མ་ཡིན། །གཉིས་
D444.081.0197b04.01མིན་གཞན་གྱི་རྒྱུ་ལས་མིན། །ཕྱག་རྒྱ་ཚོགས་པ་ལས་སྐྱེས་མིན། །འཇིག་རྟེན་རྐྱེན་ལས་བྱུང་བ་མིན། །རྡོ་རྗེ་ཐལ་མོ་བསྡམས་པས་ན། །མིང་ནི་རྡོ་རྗེ་ཐལ་མོར་གྱུར། །སེམས་ཅན་རྣམས་ཀྱིས་རྟོགས་དཀའ་བའི། །སྙིང་པོ་རྟོགས་པར་བྱ་བའི་མཆོག །ཕྱག་རྒྱ་འདི་ལྟ་བུ་
D444.081.0197b05.01འདི་ཡིན། །ཕྱི་ནང་གཉིས་ཀྱི་མིང་ཅན་ནོ། །མི་བསྐྱོད་རིན་ཆེན་དཔག་མེད་དེ། །དངོས་གྲུབ་རྣམ་སྣང་དེ་བཞིན་གཤེགས། །འདི་དག་ལག་པ་གཡས་པ་ཡི། །མཐེའུ་ཆུང་ལ་སོགས་རྣམས་ལ་གནས། །གཉིས་པོར་གཅིག་འགྱུར་དགེ་འདུན་ཏེ། །དེ་འདི་སྐྱབས་ནི་
D444.081.0197b06.01གསུམ་ཡིན་ཏེ། །སངས་རྒྱས་ཆོས་དང་དགེ་འདུན་རྣམས། །གཅིག་དང་གསུམ་དུ་བརྟགས་པ་ཡིན། །ཕན་ཚུན་བཅིངས་པའི་རྡོ་རྗེ་ཉིད། །ཤེས་རབ་ཐབས་ཀྱི་གནས་མཐོང་ཡིན། །ཐལ་མོ་བཅིངས་པ་ཙམ་གྱིས་ཀྱང་། །སངས་རྒྱས་ཐམས་ཅད་ཉིད་ཐོབ་འགྱུར། །
D444.081.0197b07.01