完整藏文原文 · 德格版页 当前仅加载第 81 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་ལྡན་པ། །དེ་ནི་ཕྱག་རྒྱ་ཡིན་པར་བཤད། །འབད་དེ་བླ་མས་སློབ་མ་ཡི། །རྣ་བའི་དྲུང་དུ་བཤད་པར་བྱ། །མྱུར་བ་དང་ནི་འཇུག་པ་དང་། །གནས་པའི་རྗེས་སུ་སྦྱོར་བ་རྣམས། །སྤྱན་དྲང་བ་དང་གཤེགས་སུ་གསོལ། །འདི་དག་ཕྱག་རྒྱར་ཡང་དག་གྱུར། །སྒྲུབ་པ་ལ་ནི་མྱུར་ལ་
D444.081.0193b01.01སོགས། །ཅི་རིགས་པ་ནི་ངེས་པར་སྦྱར། །ཕུང་པོ་ལ་སོགས་ཆོས་རྣམས་ཀུན། །སྟོང་ཞིང་རྟེན་འབྲེལ་ལས་བྱུང་བ། །མཐོང་ཞིང་དེ་བཞིན་སྦྱོར་བ་ལས། །ཆོས་ཀྱི་སྐུར་ནི་དེ་གནས་འགྱུར། །འདིར་ནི་གསང་སྔགས་སྦྱོར་འགྱུར་མེད། །ཕྱག་རྒྱའང་ཆོས་སྐུ་འདི་ཉིད་ཡིན། །དེ་ལྟ་
D444.081.0193b02.01ན་ཡང་འགྲོ་བའི་དོན། །ཡིད་བཞིན་ནོར་བུ་ལྟ་བུར་བྱེད། །འོན་ཏེ་རྡོ་རྗེ་འཛིན་གང་ཞིག །སྦྱོར་བ་གསུམ་དང་ལྡན་པའི་མི། །སྤྱན་དྲང་བ་དང་གཤེགས་སུ་གསོལ། །དེ་བཞིན་དུ་ནི་གནས་གྱུར་པའོ། །ཉེ་བའི་ཚིག་ནི་སྤྱན་དྲང་བ། །རིང་ནས་ལག་པར་རབ་ཏུ་སྦྱོར། །དེ་བཞིན་གསང་
D444.081.0193b03.01སྔགས་དེ་ཉིད་ཀྱང་། །གཉི་ག་ལ་ནི་ཡང་དག་སྦྱོར། །རིགས་ཀྱི་དབྱེ་བ་སྦྱོར་བ་ཡིས། །ཕྱག་རྒྱ་བུད་མེད་ཡིན་པར་བཤད། །སེམས་ཀྱི་རྐྱེན་སྦྱོར་བདག་ཉིད་ནི། །འཇིག་རྟེན་པར་ནི་རབ་ཏུ་བརྟག །རང་གི་མཚན་མར་ཡང་དག་སྦྱོར། །རིགས་ཀྱི་དབྱེ་བའི་སྦྱོར་བ་ཡིས། །ཕྱག་རྒྱས་ས་
D444.081.0193b04.01གསུམ་ལ་གནས་པ། །ས་འོག་ཀླུ་ཡི་བུ་མོ་ཡང་། །བརྟུལ་ཞུགས་ཅན་གྱི་སེམས་ཀྱིས་དགུག །གཞུག་པའི་རིམ་པ་ཉིད་དང་ནི། །དེ་རྣམས་གནས་པའི་སྦྱོར་བ་ཉིད། །དངོས་མེད་དེ་ཉིད་གཅིག་པུ་ཡིས། །འགྲོ་བ་ཐམས་ཅད་དགུག་པར་བྱ། །གཞན་ཡང་གསང་བ་པོ་ཡི་མཆོག །
D444.081.0193b05.01སེམས་ཀྱི་རྒྱན་ནི་ཉིད་ལྟོས་དང་། །དངོས་མེད་བྱང་ཆུབ་འཐོབ་པ་ལ། །གསང་སྔགས་མེད་ཅིང་ཕྱག་རྒྱ་མེད། །འཇིག་རྟེན་ན་ནི་རྟོག་ཅི་སྙེད། །དུས་གསུམ་དུ་ནི་ཀུན་འབྱུང་བ། །དེ་ནི་དངོས་མེད་སེམས་གཅིག་ལས། །རྣལ་འབྱོར་པས་ནི་སྐད་ཅིག་རྟོགས། །བྱང་ཆུབ་ཀུན་རྫོབ་མ་ཡིན་
D444.081.0193b06.01ལ། །དེ་ལས་གཞན་དུའང་རྙེད་མི་འགྱུར། །གཉི་ག་ལས་མིན་གཞན་ལས་མིན། །མུན་པའི་སྒྲོན་མ་མཚུངས་པར་འགྱུར། །སེམས་ཅན་བསམ་པའི་དབང་གིས་སྔགས། །གསང་བ་འདི་ནི་རབ་སྟོན་ཏེ། །དེ་ནི་སྒྲུབ་དང་བསྒྲུབ་བྱ་དང་། །རྣམ་པར་མི་རྟོག་བརྟགས་པའོ། །
D444.081.0193b07.01