完整藏文原文 · 德格版页 当前仅加载第 81 函德格 184a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར། །མ་འོངས་སྐྱེ་བོའི་དོན་དུ་ནི། །དེ་ཉིད་བཅོམ་ལྡན་བཤད་དུ་གསོལ། །དེ་ནས་རྡོ་རྗེ་འཛིན་སྨྲ་བའི། །འགྲོ་ལ་ཕན་པའི་ཚིག་གསན་ནས། །དེ་ནས་གཙོ་བོ་རྡོ་རྗེ་འཆང་། །ཁྱབ་བདག་གིས་ནི་སླར་གསུངས་པ། །ལེགས་སོ་བུ་ཁྱོད་ཆེར་ལེགས་ཏེ། །ཀུན་དུ་བཟང་པོ་ཁྱོད་ལེགས་
D444.081.0184a01.01སོ། །དགོངས་པས་བཤད་པའི་དོན་དུ་ནི། །ཁྱོད་ཀྱིས་ང་ལ་གང་དྲིས་པ། །གསུངས་དོན་ཇི་ལྟ་ཇི་ལྟ་བར། །དེ་ནི་ང་ཡི་བཤད་པར་བྱ། །ཕུང་སོགས་ཡན་ལག་གང་གྱུར་པ། །སངས་རྒྱས་སེམས་ཅན་རབ་བརྟན་ཞིང་། །སྔགས་དང་ཕྱག་རྒྱའི་སྦྱོར་བ་ཡང་། །དབྱེ་བ་སྣ་ཚོགས་རབ་ཏུ་བརྟན། །འཁོར་
D444.081.0184a02.01བ་མི་བསྐྱོད་མིང་ཅན་ཏེ། །དེ་སྔགས་རྡོ་རྗེ་ཞེས་བྱ་བ། །མི་གསལ་རྡོ་རྗེ་ཞེས་བཤད་དེ། །དངོས་མེད་གཅིག་པུ་རྡོ་རྗེ་ཉིད། །དེས་བཤིག་པ་ནི་བསད་པ་སྟེ། །སངས་རྒྱས་སེམས་ཅན་ཁྱད་པར་དུ། །སྣ་ནི་ཚོགས་ཀྱི་དབང་པོ་ཡི། །ཁ་ནི་རང་བཞིན་ཉིད་དུ་གཡོ། །རྣལ་འབྱོར་པ་ཡི་ལག་གྱུར་པ། །
D444.081.0184a03.01འགྲོ་བ་རླུང་གི་མིང་ཅན་ནོ། །མི་བསྐྱོད་རྡོ་རྗེའི་སྤྱོད་པ་ཉིད། །ལག་ཏུ་རྡོ་རྗེ་བཞག་ནས་ནི། །དེ་ཚེ་མྱུར་ལ་སོགས་བྱ་བ། །ཀླུ་ཡི་རང་བཞིན་སྣ་ཚོགས་ཉིད། །ཕུང་སོགས་བརྟགས་པའི་སངས་རྒྱས་རྣམས། །སྐུ་གསུང་ཐུགས་ལས་ཡང་དག་བྱུང་། །དེ་ཡི་ཡན་ལག་ཕུང་པོར་བཤད། །དེ་
D444.081.0184a04.01ནི་ཕྱེར་གྱུར་བསད་པ་ཡིན། །འདི་ནི་ཞེ་སྡང་རིགས་ཡིད་འོང་། །མི་བསྐྱོད་ཡེ་ཤེས་རྡོ་རྗེ་ཉིད། །དེ་བཞིན་སྐྱེ་བ་དམ་པ་ཡིན། །དངོས་གྲུབ་ཆེན་པོ་དེས་ཐོབ་འགྱུར། །དེ་ནས་དཔལ་ལྡན་བདེ་ཆེན་པོ། །ཡེ་ཤེས་ཐར་པ་རབ་སྒྲུབ་པ། །རང་བཞིན་དག་གིས་གོས་མེད་པ། །བྱང་ཆུབ་སྤྱོད་པ་
D444.081.0184a05.01རབ་བསྒྲུབས་པས། །ཕྱག་ན་རྡོ་རྗེ་འོད་ཆེན་པོ། །གསང་བ་གསུམ་གྱི་གཙོ་བོ་ལ། །བོས་ནས་ཡང་དག་རྫོགས་སངས་རྒྱས། །སྒྲུབ་པའི་དམ་ཚིག་དེ་ཉིད་གསུངས། །ནམ་མཁའི་དབྱིངས་ཀྱི་དབུས་གནས་པར། །རྡོ་རྗེ་དཀྱིལ་འཁོར་དམ་པ་ལ། །རྣམ་པར་སྣང་མཛད་བསྒོམ་བྱ་ཞིང་། །
D444.081.0184a06.01སངས་རྒྱས་ཐམས་ཅད་རྣམ་པར་བསྒོམ། །རིན་ཆེན་ཀུན་གྱི་སྦྱོར་བ་ཡིས། །རྡོ་རྗེ་གཟུགས་ནི་རྣམ་པར་བསྒོམ། །རྡོ་རྗེ་གསུམ་མཉམ་སྦྱོར་བ་ཡིས། །རྫས་རྣམས་ཐམས་ཅད་དབྲོག་པར་བྱ། །ཤེས་དང་དབང་པོ་ལྡོག་པར་འགྱུར། །རྣམ་སྨིན་དངོས་པོ་མེད་པ་ཡི། །དེ་ཉིད་འཕྲོག་པའི་རྡོ་རྗེ་
D444.081.0184a07.01