完整藏文原文 · 德格版页 当前仅加载第 81 函德格 175a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིད་འོང་རྡོ་རྗེ་ཚིག་གཅིག་པུ། །འགྲོ་བའི་བསམ་པའི་དབྱེ་བ་ཡིས། །བྱེ་བྲག་མང་པོར་གྱུར་བ་ཡིན། །ནམ་མཁའ་མཐའ་ཡས་སྦྱོར་བ་ཡིས། །གཟུགས་ལ་སོགས་པ་མཐའ་ཡས་ཏེ། །དེ་ཡང་དེ་བཞིན་གཤེགས་མཆོག་དང་། །བྱང་ཆུབ་སེམས་དཔའ་
D444.081.0175a01.01ཉིད་དུ་གྱུར། །དེ་ལས་སྤྲོ་ཞིང་བསྡུ་བ་དང་། །ཞི་བ་ཉིད་ལས་རབ་སྦྱོར་བས། །ཡེ་ཤེས་ལུས་ཅན་ཡེ་ཤེས་ཅན། །བརྒྱལ་ལོ་ཞེས་ནི་ཤེས་པ་ནི། །ཡན་ལག་དབྱེ་བ་གང་དང་གང་། །འགྲོ་བ་ཞེས་ནི་གྲགས་བདག་པ། །དེ་དེ་རང་ལྷའི་སྦྱོར་བ་ལས། །དཀྱིལ་འཁོར་
D444.081.0175a02.01མཆོག་ནི་འབྱུང་བར་འགྱུར། །དཀྱིལ་འཁོར་རང་ལུས་གང་ཡིན་པ། །དེ་ཉིད་བསྡུས་པ་འདི་ལྟ་བུ། །འདི་ནི་འཇིག་ཚོགས་ལུས་རྟོག་ལ། །བྱང་ཆུབ་སེམས་དཔའ་བརྒྱལ་བར་གྱུར། །དེས་ནི་བདེན་འདི་མ་ཤེས་པས། །དབྱངས་བཅས་རྒྱལ་ལ་བསྐུལ་བ་ནི། །བྱང་ཆུབ་
D444.081.0175a03.01སེམས་དཔའ་སེམས་དཔའ་ཆེ། །བརྒྱལ་བ་ཞེས་ནི་བཤད་པ་ཡིན། །དེ་ནས་གསུང་བ་རྡོ་རྗེ་གསུམ། །དགོངས་པའི་ཚིག་གིས་བཤད་པ་དག །རྡོ་རྗེ་འཛིན་པའི་ཚིག་གསན་ནས། །ཏིང་ངེ་འཛིན་ནི་མངོན་དུ་མཛད། །གཉིས་སུ་མེད་པར་མཉམ་རྡོ་རྗེ། །འགྲོ་
D444.081.0175a04.01ལ་གཟིགས་པ་ཞེས་བྱ་བའི། །འདི་ཉིད་གསུམ་ཡུལ་འཇིག་པ་པོ། །ཏིང་ངེ་འཛིན་ལ་སྙོམས་པར་ཞུགས། །མགོན་པོ་སྙོམས་པར་ཞུགས་པ་ཡིས། །འོད་གང་ཆེན་པོར་གྱུར་པ་ཡིན། །བྱང་ཆུབ་སེམས་དཔའ་ངེས་རེག་པས། །རང་གི་སྟན་ལ་གནས་པར་གྱུར། །དེ་
D444.081.0175a05.01ནས་དེ་བཞིན་གཤེགས་པ་ཀུན། །ངོ་མཚར་རྨད་དུ་གྱུར་སྤྱན་དང་། །དགྱེས་ཤིང་མགུ་བ་སྐྱེས་གྱུར་ནས། །ཆོས་ཀྱི་དབྱངས་ནི་འདི་སྐད་གསུངས། །ཨེ་མའོ་ཆོས་ཨེ་མའོ་ཆོས། །ཨེ་མའོ་ཆོས་ཀྱི་དོན་བྱུང་བ། །བདག་མེད་ཆོས་ནི་ཡང་དག་དག །ཆོས་ཀྱི་རྒྱལ་པོ་ཕྱག་
D444.081.0175a06.01འཚལ་ལོ། །རྡོ་རྗེ་གསུང་གཅིག་དག་པའི་དོན། །དྲི་མེད་མཁའ་དང་མཉམ་པའོ། །མི་འགྱུར་དོན་ལས་ཡང་དག་བྱུང་། །རྡོ་རྗེ་སྐུ་ལ་ཕྱག་འཚལ་ལོ། །ཐུབ་མཆོག་གཅིག་པུ་དེ་བཞིན་གཤེགས། །དུས་གསུམ་དག་གི་ལམ་དུ་བྱུང་། །རྡོ་རྗེ་དབྱིངས་གཅིག་རྫོགས་ལོངས་
D444.081.0175a07.01