完整藏文原文 · 德格版页 当前仅加载第 81 函德格 194b 版页；藏文 NFD、目录标记与异常页序保留在来源切片中，重复版页行以稳定序号区分。
བའོ། །ནམ་མཁའི་རྡོ་རྗེ་དབུས་གནས་པར། །སངས་རྒྱས་དཀྱིལ་འཁོར་བསྒོམ་པར་བྱ། །སྐུ་གསུང་ཐུགས་ཀྱི་ཡི་གེ་ཨོྃ། །བསམས་ན་བསྐལ་པ་གཅིག་ཏུ་གནས། །ནམ་མཁའི་རྡོ་རྗེ་དབུས་གནས་པར། །སངས་རྒྱས་དཀྱིལ་འཁོར་བསྒོམ་པར་བྱ། །ལུས་དང་ངག་སེམས་ཡི་གེ་
D444.081.0194b01.01ཨཱཿ། །བསམས་ན་བསྐལ་པ་དག་ཏུ་གནས། །མཁའ་དབྱིངས་རྡོ་རྗེ་དབུས་གནས་པར། །རྡོ་རྗེའི་དཀྱིལ་འཁོར་བསྒོམ་པར་བྱ། །ལུས་དང་ངག་སེམས་ཡི་གེ་ཧཱུྃ། །བསམས་ན་དེ་ནི་བསྐལ་པར་གནས། །བཅོམ་ལྡན་བདག་པོ་རྡོ་རྗེ་གསུམ། །དམ་ཚིག་རྟོགས་པས་དེ་སྐད་གསུངས། །
D444.081.0194b02.01དགུ་མཐའ་ཅན་གྱི་ཡི་གེ་འདི། །སྔགས་ཀྱི་སྐྱེས་བུ་མཆོག་ཏུ་འགྱུར། །བརྗོད་དུ་མེད་ཅིང་མིང་མེད་ལ། །ཤེས་དང་ཤེས་བྱ་རྣམ་སྤངས་པའང་། །ཀུན་རྫོབ་ལ་ནི་ལེགས་གནས་ནས། །ཚིག་གི་སྔགས་སུ་འདི་བརྗོད་དོ། །རྡོ་རྗེ་གསུམ་གྱི་རྡོ་རྗེ་ཅན། །རྣལ་འབྱོར་འདིར་འགྱུར་ཕྱིན་
D444.081.0194b03.01ཅད་ནི། །གང་ཞིག་ཀློག་གམ་སེམས་ཀྱང་རུང་། །རྡོ་རྗེ་ཡེ་ཤེས་ལྟ་བུར་འགྱུར། །ཇི་ལྟར་གསང་བའི་རྒྱལ་དབང་པོ། །དགོངས་པ་ལུང་སྟོན་འདི་གྱུར་པ། །སངས་རྒྱས་ཀུན་གྱིས་དེ་ལུང་བསྟན། །ཁྱད་པར་དུ་ཡང་བྱིན་གྱིས་རློབ། །ཀློག་ཅིང་སྒོམ་དང་ལྡན་པར་ནི། །བྲིས་ནས་གང་དུ་
D444.081.0194b04.01འཇོག་གྱུར་པ། །དེ་ནི་སངས་རྒྱས་ཐམས་ཅད་ཀྱི། །རིགས་སྐྱེས་རྒྱལ་བའི་སྲས་སུ་འགྱུར། །ཁམས་གསུམ་ཐམས་ཅད་བཅོམ་ནས་ནི། །མྱུར་བར་དེ་བཞིན་གཤེགས་འགྱུར་ཞིང་། །འཁོར་ལོས་སྒྱུར་བའི་བུ་བཞིན་དུ། །བྱང་ཆུབ་མྱུར་དུ་དེས་འཐོབ་བོ། །ཁམས་གསུམ་སྐུ་དང་གསུང་
D444.081.0194b05.01ཐུགས་ཀྱི། །སྔགས་པའི་ཡན་ལག་གྱུར་པ་ནི། །སངས་རྒྱས་འདུས་ལ་བརྟེན་པ་ཡིས། །དེ་ནི་དངོས་པོ་མེད་པར་འཇོམས། །དངོས་མེད་གཅིག་ཏུ་རྫོགས་ལོངས་སྤྱོད། །ཕུང་སོགས་ཡན་ལག་དོན་ལས་བྱུང་། །བདེ་གཤེགས་སེམས་ཅན་སྤངས་པ་ནི། །སྔགས་པ་སྔགས་ལས་
D444.081.0194b06.01གྱུར་པ་ཡིན། །ཇི་ལྟར་ནམ་མཁའ་རང་མཚན་ཉིད། །སྐད་ཅིག་ཀྱང་ནི་འདོར་མི་བྱ། །དེ་བཞིན་སངས་རྒྱས་ཐམས་ཅད་ཀྱང་། །རིགས་ལས་སྐྱེས་པ་བྱིན་གྱིས་རློབ། །དགོངས་ལ་ལུང་སྟོན་ལ་གནས་ནས། །གསང་བའི་རིན་ཆེན་ཡང་དག་བསྲུང་། །མིག་གཟུགས་རང་གི་ངོ་བོ་ཉིད། །
D444.081.0194b07.01