完整藏文原文 · 德格版页 当前仅加载第 50 函德格 54a 版页；藏文 NFD、目录标记与异常页序保留在来源切片中，重复版页行以稳定序号区分。
མངོན་བལྟས་ནས། །ཚིག་དགེ་རྣམ་པར་སྨྲས་པ་ནི། །ཀྱེ་མ་ཐེག་ཆེན་ཐེག་པ་ནི། །སངས་རྒྱས་སྤྱོད་ཡུལ་བསམ་མི་ཁྱབ། །དེ་ལ་གནས་ཤིང་རྒྱལ་སྲས་དང་། །རྒྱལ་བ་བསམ་གྱིས་མི་ཁྱབ་སྟོན། །བྱེ་བའི་ཞིང་བཞུགས་རྒྱལ་བ་དང་། །རྒྱལ་སྲས་དེ་དག་ཐམས་ཅད་ཀྱང་། །དྲི་མེད་
D110.050.0054a01.01བསམ་གྱིས་མི་ཁྱབ་ཆོས། །དགོངས་པས་ཕྱག་བྱ་འོས་པ་ཡིན། །ཐེག་པ་ཆེན་པོའི་ཚུལ་དགེ་ནི། །མཆོག་ཏུ་ཕྲ་ཞིང་དཀོན་པ་སྟེ། །གཞན་དུ་གྱུར་པའི་ཚུལ་གྱི་མཆོག །རྟོག་པ་ཅན་གྱི་ཡུལ་མ་ཡིན། །རྣམ་པར་ཤེས་པ་བརྒྱད་ཀྱི་ཡུལ། །རང་བཞིན་རྣམས་ལ་ཁྱད་པར་བྱེད། །བདག་མེད་ཉིད་ནི་ལྔ་པོ་ཡི། །
D110.050.0054a02.01དེ་བཞིན་ཁྱད་པར་བྱེད་པས་ན། །བག་ཆགས་སྤྲོས་པས་འཕངས་པ་དེ། །ཡུན་རིང་གནས་ངན་ལེན་པ་དང་། །སེམས་དང་སེམས་ལས་བྱུང་ལྡན་ཞིང་། །རྣམ་ཤེས་རྣམས་ལས་རབ་ཏུ་བྱུང་། །ལྷ་རྫས་ཚུལ་འདི་མཐོང་བ་དང་། །གསེར་བཞིན་རྣམ་པར་བྱང་བར་འགྱུར། །རྣམ་དག་རིགས་ལ་
D110.050.0054a03.01གནས་པ་དག །སངས་རྒྱས་རིགས་སུ་དེ་དག་འགྱུར། །དེ་བཞིན་གཤེགས་པའི་ལྷ་རྫས་རིགས། །མུར་འདུག་ཉན་ཐོས་རྣམས་སྤངས་པ། །ཐོབ་ནས་སངས་རྒྱས་ཞིང་གི་མཆོག །སྟུག་པོར་དེ་བཞིན་འདོང་བར་འགྱུར། །ཏིང་འཛིན་འདི་ཡི་ཡུལ་ནི་གང་། །ཏིང་འཛིན་འདི་ཡི་མིང་ཡང་ཅི། །རྡོ་རྗེའི་
D110.050.0054a04.01སྙིང་པོས་གང་ཐོབ་ཕྱིར། །ཚུལ་དགེ་འདི་ནི་སྟོན་པར་འགྱུར། །རྡོ་རྗེའི་སྙིང་པོའི་རྐང་གཉིས་ལ། །ཐུབ་པ་རྣམས་ཀྱིས་ཕྱག་བྱས་ནས། །རྡོ་རྗེའི་སྙིང་པོ་འཇིགས་མེད་ཀྱི། །རྡོ་རྗེའི་བློ་ལ་བཤད་པར་མཛོད། །ཏིང་འཛིན་ཡུལ་ནི་གང་ཞིག་ཡིན། །ཏིང་འཛིན་འདི་ཡི་མིང་ཡང་ཅི། །གང་
D110.050.0054a05.01ལ་གནས་ཤིང་ཚུལ་འདི་ཡང་། །རྒྱལ་སྲས་ཁྱོད་ནི་བཤད་པ་མཛད། །རྒྱལ་བའི་སྲས་རྣམས་ཉན་པར་འདོད། །དབང་སྒྱུར་བདག་ཀྱང་དེ་བཞིན་ནོ། །རྡོ་རྗེའི་སྙིང་པོ་འཇིགས་མེད་ཀྱིས། །འཁོར་དུ་འདུས་པ་ཐམས་ཅད་དང་། །ཚུལ་འདི་བསམ་གྱིས་མི་ཁྱབ་དང་། །རྒྱལ་བའི་སྲས་ཀྱི་མཐུ་
D110.050.0054a06.01སྟོབས་དང་། །བློ་ལ་འཛིན་པའི་མཐུ་ཀུན་དང་། །ནུས་སམ་མི་ནུས་ཞེས་བལྟས་ནས། །བློ་འཛིན་མཐུ་ལྡན་མཐོང་བ་དང་། །རྒྱལ་སྲས་ཐམས་ཅད་མཐུ་ལྡན་གྱིས། །ཐམས་ཅད་མ་འགྱུར་མཉན་པར་བྱོས། །གཞན་དུ་གྱུར་པའི་ཚུལ་དགེ་བ། །དབང་སྒྱུར་ལྷ་ཡུལ་གནས་པ་དང་། །ཐུབ་
D110.050.0054a07.01