完整藏文原文 · 德格版页 当前仅加载第 50 函德格 34b 版页；藏文 NFD、目录标记与异常页序保留在来源切片中，重复版页行以稳定序号区分。
གང་ནའང་ཡོད་པ་མིན། །གྱུར་པའི་རྒྱུ་ལས་འབྲས་བུ་འབྱུང་། །རྡུལ་ཕྲན་གང་དག་རྒྱུར་འགྱུར་ནི། །དངོས་པོ་འཇིག་པ་མེད་པར་ཏེ། །རྣམ་པར་རྟོག་ལ་མི་རྟོག་ཅིང་། །རྒྱུ་ཡི་བདག་དང་ནང་གི་བདག །བདག་གི་མཆོག་ཀྱང་མེད་པ་སྟེ། །བདག་དང་དབང་པོ་ཡིད་དང་དོན། །
D110.050.0034b01.01འདུས་པའི་རྒྱུ་ནི་མ་ཡིན་ཏེ། །ཕྲད་ལས་འབྱུང་དང་རྣམ་ཤེས་དང་། །རྐྱེན་རྣམས་ཡོད་པ་མ་ཡིན་ནོ། །ཤེས་ཅན་ཤེས་པས་ཡུལ་རྣམས་ལ། །མཁས་པའི་སྟོབས་དང་ལྡན་པས་ནི། །སྡེ་དཔུང་སྟོབས་དང་བཞོན་བཅས་པའི། །ཉོན་མོངས་བདུད་རྣམས་གདུལ་བར་བྱ། །སྲེད་
D110.050.0034b02.01པ་འཇིག་རྟེན་དམའ་བར་བྱེད། །སྦྲང་རྩིས་བད་ཀན་མང་པོ་བཞིན། །སྲེད་པ་བཅོམ་ཞིང་ཐུབ་པའི་རྣམས། །རྣམ་པ་མང་ལས་རྣམ་པར་གྲོལ། །སྲེད་པས་རྣམ་པར་དཀྲུགས་པ་ན། །འཁོར་ལས་རྣམ་པར་མི་འགྲོལ་ཏེ། །སྲེད་དང་རྣམ་བྲལ་འཐར་བར་འགྱུར། །དེ་བས་རྣལ་འབྱོར་
D110.050.0034b03.01སྦྱར་བར་གྱིས། །ཡུན་རིང་ཡོད་པའི་བག་ཆགས་ནི། །སྦྲུལ་གདུག་ཁྲོས་པ་ཇི་བཞིན་ཡང་། །འདི་དང་ཕ་བིར་འདྲིད་པ་ནི། །འཁོར་བའི་ལམ་རྒྱུད་དོག་པར་རོ། །འཕགས་པ་རྒྱན་སྟུག་པོ་ལས་རྣལ་འབྱོར་རྣམ་པར་ཕྱེ་བའི་སྤྱོད་པ་ཞེས་བྱ་བའི་ལེའུ་སྟེ་དྲུག་གོ། །།
D110.050.0034b04.01སངས་རྒྱས་རྣལ་འབྱོར་རྣམ་ཕྱེ་དང་། །བདག་ལྡན་དེ་ཡི་བྱིན་གྱིས་བརླབས། །རྒྱལ་བ་དག་དང་རྒྱལ་བའི་སྲས། །བྱེ་བའི་ཞིང་ན་བཞུགས་པ་དང་། །ཁམས་གསུམ་གནས་པ་ཐམས་ཅད་དང་། །ས་གནས་རྣལ་འབྱོར་ལྡན་པ་དང་། །བདེ་ཡོད་ཞིང་དང་སྟུག་པོ་སྟེ། །རྣལ་
D110.050.0034b05.01འབྱོར་ཅན་གྱི་ཞིང་མཆོག་དང་། །སངས་རྒྱས་པད་མོའི་དབུས་བཞུགས་པ། །རྡུལ་ཕྲན་བཞིན་བཞུགས་བདག་གིས་མཐོང་། །རྣལ་འབྱོར་དེ་ལས་བདག་ལངས་ནས། །ས་ལ་རྒྱལ་བ་དེ་དག་ནི། །སྟུག་པོའི་ཞིང་ན་བདག་བཞུགས་ཤིང་། །རྒྱལ་སྲས་ཐབས་ཅིག་བཞུགས་པ་
D110.050.0034b06.01དག །མེ་ཏོག་ཨ་ཏ་སི་འདྲ་བའི། །མཁའ་ལ་ཟླ་འདྲ་བཞིན་བཞུགས་མཐོང་། །མཐེ་བོའི་ཚིགས་དང་རབ་འདྲ་བ། །ས་རྣམས་དགེ་ལ་རབ་སྦྱོར་བའི། །རྣམ་གྲོལ་སྙིང་པོ་བདག་གིས་མཐོང་། །འདི་ན་བུ་ཁྱོད་སུ་ཞིག་ཅེས། །སྙིང་པོ་དེ་ལྟར་སེམས་གྱུར་ཏེ། །ཐུབ་པ་འདི་ནི་
D110.050.0034b07.01