完整藏文原文 · 德格版页 当前仅加载第 50 函德格 31a 版页；藏文 NFD、目录标记与异常页序保留在来源切片中，重复版页行以稳定序号区分。
འབྱུང་ཇི་བཞིན་དུ། །བུ་རྙེད་པ་ཡི་དགའ་བ་དང་། །རྨི་ལམ་རྨི་ཚེ་དེ་ཉིད་ལྡན། །དེ་ནི་ཤིར་གྱུར་དེ་ནས་དེ། །རྨི་ལམ་ཤེས་ནས་སད་པ་དང་། །རྨི་ལམ་གྱི་ནི་བུ་ཤི་མེད། །གང་ཡང་སྐྱེ་བ་ཡོད་པ་མིན། །ཆུ་བོ་རབ་ཚལ་བུ་དང་ནི། །གྲོང་ཁྱེར་དག་དང་རི་རྣམས་
D110.050.0031a01.01དང་། །གྲོང་དང་ཚོང་འདུས་ཕྱུགས་སླས་དང་། །དཀའ་ཐུབ་ཚལ་བུའི་གནས་རྣམས་དང་། །འགྲོ་བ་དག་གིས་རྒྱས་པའི་ཡུལ། །ཞིང་དང་བ་ལང་ལུག་གིས་གང་། །འཇིག་རྟེན་གྱི་ནི་ལོངས་སྤྱོད་ཀྱང་། །དེ་དང་འདི་དང་གཞན་དུའང་སྣང་། །ཇི་ལྟར་འཇིག་རྟེན་འདིར་རྒྱུག་པ། །
D110.050.0031a02.01རྨི་ལམ་རྒྱུག་པ་དེ་བཞིན་ཏེ། །གདེག་དང་བསྐུམ་ལ་སོགས་པ་ཡང་། །དེ་དང་འདིར་ཡང་སྣང་བ་ཡིན། །མཁས་པས་རྨི་ལམ་གང་མཐོང་བ། །སྐྱེ་བ་མེད་ཅིང་འཆི་མེད་པར། །སླར་སད་ནས་སུ་སེམས་པ་ནི། །བུ་མོ་མཁས་པ་དག་ཡིན་ནོ། །ཇི་ལྟར་རི་དང་དེའུ་རྣམས་ཀྱི། །
D110.050.0031a03.01གྲིབ་མ་ཀུན་དུ་སྣང་བ་བཞིན། །དེ་ལྟར་འཇིག་རྟེན་རྨི་ལམ་ཡང་། །མཁས་པ་རྣམས་ནི་དེ་བཞིན་བསམ། །ཇི་ལྟར་སྐྱེས་བུ་ཉལ་བ་ཞིག །བུད་མེད་ལྷན་ཅིག་རྩེ་དགའ་རྨི། །སྣ་ཚོགས་ཡིད་དུ་འོང་བ་དང་། །ལྷ་རབ་བཙུན་མོ་མཉམ་པ་དང་། །གཞན་ཡང་སྣ་ཚོགས་དངོས་
D110.050.0031a04.01པོས་ཏེ། །སད་ནས་རྣམ་པར་སེམས་པ་ནི། །ཅི་ཞིག་བདེན་ནམ་རྨི་ལམ་ཡིན། །རྨི་ལམ་བུད་མེད་ལྷན་ཅིག་ཏུ། །རྩེས་ནས་ཕྱིར་ནི་བདག་སད་དེ། །འདི་{བརྫུན་,རྫུན་}བུས་པ་སླུ་བ་ཡིན། །དེ་བཞིན་བདག་གི་གཉེན་པ་ཀུན། །རྒྱལ་སྲིད་སྟོབས་ཀྱང་དེ་བཞིན་ནོ། །དམག་པ་གྱོས་
D110.050.0031a05.01པོ་བུ་དག་དང་། །མ་དང་ཕུ་ནུ་ཕ་དག་ཀྱང་། །རྨི་ལམ་ལྟ་བུར་རིག་བྱ་སྟེ། །རྣལ་འབྱོར་སྦྱར་བར་ཇིར་མི་བྱ། །དཀའ་ཐུབ་ཚལ་དང་ཞིང་རྣམས་དང་། །རི་དང་རི་ཡི་སྨན་གཤོང་དང་། །འོ་མ་འབྱུང་དང་མཱ་ལ་ཡ། །ལྷུན་པོ་བྱིན་དང་དབང་ཆེན་དང་། །གངས་ཀྱི་རི་དང་ཀཻ་ལཱ་ས། །
D110.050.0031a06.01ཆར་འབབ་ལ་ཡང་གང་གནས་དང་། །འཛམ་བུ་འབྲས་བུའི་ཁུ་བ་དང་། །གང་དག་བདུད་རྩི་ཟ་བ་དང་། །ཕན་དུ་ཀམ་བལ་པར་ཡ་ཏྲ། །ཀོ་བི་དར་ན་གང་འཁོད་དང་། །རི་རབ་ནང་ན་གང་གནས་དང་། །དཔག་བསམ་ཤིང་ལ་གང་གནས་དང་། །རང་རྒྱལ་རྒྱལ་བའི་སྲས་རྣམས་དང་། །
D110.050.0031a07.01