完整藏文原文 · 德格版页 当前仅加载第 50 函德格 39b 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་ཏུ་རབ་འཁོར་བ། །དེ་བཞིན་ཕུང་པོའི་ཤིང་རྟ་སྟེ། །སྟོང་ཞིང་བག་ཆགས་བྱུང་བ་འཁོར། །རྩྭ་དང་འཇིམ་པ་ཤིང་སྨིག་དང་། །ཐག་པ་རྣམས་སུ་འདུས་ཚོགས་ལས། །ཁྱིམ་དུ་ཇི་ལྟར་སྣང་གྱུར་པ། །དེ་བཞིན་ཕུང་པོའི་གཟུགས་འདིའོ། །ལྕགས་དང་ཁབ་ལོང་
D110.050.0039b01.01རོ་ལངས་ལ། །སེམས་ཅན་ཉེ་བར་དམིགས་མེད་ཀྱང་། །ཐམས་ཅད་སེམས་ཅན་ལྟ་བུར་གཡོ། །དེ་བཞིན་ཕུང་པོ་བདག་མེད་པའོ། །རྒྱལ་སྲས་ཕྱག་ན་རིན་ཆེན་གྱིས། །གཟུགས་མང་རྒྱལ་མཆོག་ལ་སྨྲས་པ། །མཉམ་བཞག་རྡོ་རྗེའི་སྙིང་པོ་ལ། །རྒྱལ་པོ་ཁྱོད་ཀྱིས་དྲི་
D110.050.0039b02.01བར་བྱོས། །རྒྱལ་སྲས་འཇིགས་མེད་མཁས་པའི་རྣམས། །ཀུན་གྱིས་ཐོས་པར་འགྱུར་བ་ནི། །བརྟག་བྲལ་བརྟག་པར་མི་ནུས་པ། །བརྗོད་པས་རྣམ་པར་སྤངས་པ་སྟེ། །མིང་དང་མིང་ཅན་རྣམ་བྲལ་བ། །འོན་ཀྱང་འདུ་བ་དེ་བཞིན་ཏེ། །སྣ་ཚོགས་གྱུར་པའི་ས་འདི་
D110.050.0039b03.01ཡི། །རང་བཞིན་ཅི་དང་ཅིར་གནས་པ། །དེ་ནས་གཟུགས་མང་རྒྱལ་པོ་ཡིས། །རྡོ་རྗེ་སྙིང་པོ་འཇིགས་མེད་ལ། །རྗེས་སུ་འབྲེལ་བའི་སྐབས་དྲིས་པ། །དངོས་པོ་དོན་གཞན་བརྟག་པ་སྟེ། །རྡོ་རྗེའི་དབང་པོའི་དངོས་པོ་གང་། །ལ་ལ་རབ་ཏུ་བརྟག་བྱ་བ། །མིང་དང་འདུ་
D110.050.0039b04.01ཤེས་སོགས་པའི་ཡུལ། །ཡོད་དམ་རྡོ་རྗེ་སྙིང་པོས་སྨྲོས། །མིང་རྣམས་སུས་བྱས་ཇི་ལྟ་བུ། །མིང་ནི་ཅི་ལ་རབ་ཏུ་གནས། །མི་མགོན་ཚིག་ནི་ཐོས་པ་དང་། །རྡོ་རྗེའི་སྙིང་པོས་དེ་ལ་སྨྲས། །འདི་དག་ཐམས་ཅད་མིང་ཙམ་སྟེ། །འདུ་ཤེས་ཙམ་ལ་རབ་ཏུ་གནས། །
D110.050.0039b05.01བརྗོད་ལས་ཐ་དད་གྱུར་པ་ཡི། །བརྗོད་པར་བྱ་བ་ཡོད་པ་མིན། །ཕུང་པོ་བཞི་པོ་མིང་ཡིན་ཏེ། །གཟུགས་ཀྱང་ཙམ་ཞེས་རྣམ་པར་བརྟག །ཙམ་ལ་མིང་དུ་བཏགས་པ་ནི། །སྐྱེས་བུ་འདི་ཞེས་བྱ་བ་སྟེ། །ཙམ་ལ་མཚན་མ་ཞེས་བྱ་བར། །རྒྱལ་བ་རྒྱལ་སྲས་དག་གིས་
D110.050.0039b06.01གསུངས། །མཚན་མ་མེད་པར་མིང་དུ་ནི། །དེ་དག་རྣམ་པར་རྟོག་མི་ནུས། །དེ་བས་མཚན་མ་རྟེན་བྱས་ཤིང་། །མིང་དུ་ཀུན་ནས་བརྟག་པ་ཡིན། །ཇི་ལྟར་ལྡིང་དང་ལྔ་བྱིད་དང་། །བར་པ་ང་ཡང་ཡོད་པ་མིན། །མཚན་མ་མེད་པར་ཅི་ཡང་རུང་། །བྱིས་པས་དེ་ལ་
D110.050.0039b07.01