完整藏文原文 · 德格版页 当前仅加载第 50 函德格 22b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱ་མཚོའི་དབའ་རླབས་ཇི་བཞིན་དུ། །རླུང་གི་རྐྱེན་གྱིས་བསྐྱོད་པ་ལྟར། །གར་བྱེད་ཅིང་ནི་རབ་ཏུ་འབྱུང་། །རྣམ་པར་རྒྱུན་ཀྱང་མི་འཆད་དོ། །བློ་ཡི་འོད་པ་དེ་བཞིན་རྟག །ཡུལ་དང་རེག་པས་བསྐུལ་བའི་ཕྱིར། །སྣ་ཚོགས་བདག་རྟོག་རྣམ་ཤེས་ཀྱིས། །བདག་ལ་
D110.050.0022b01.01བདག་གིར་འཛིན་པར་བྱེད། །ཇི་ལྟར་ས་ལ་རྣམ་རྟོག་མེད། །འགྱུར་མེད་རྣམ་པ་སྣ་ཚོགས་གཟུགས། །དགོས་པའི་རྣམ་པར་གྱུར་པ་ནི། །དེ་འདྲ་ཀུན་གཞི་རྣམ་ཤེས་ལའོ། །ཇི་ལྟར་མི་ཞིག་ལག་པ་ཡིས། །རང་གི་ལུས་ལ་མཉེད་པ་དང་། །ཕྱོགས་ཀྱི་གླང་པོ་བདག་ལུས་
D110.050.0022b02.01ལ། །བདག་གིས་སྣ་ཡིས་ཆུ་འཐོར་དང་། །ཇི་ལྟར་ཤེད་ཅན་ལ་ལ་དག །བདག་གི་ལུས་ལ་སོས་འདེབས་པ། །དེ་བཞིན་བློ་ནི་བརྟགས་དོན་ལ། །དོན་གཉིས་ཚུལ་དུ་འཇུག་པའོ། །བློ་ཡི་ཡུལ་དུ་བྱ་བ་འདི། །ཁམས་གསུམ་རྣམ་པར་ཁྱབ་པར་གནས། །ཕྱི་དང་ནང་གི་བྱ་
D110.050.0022b03.01བར་ཡང་། །རྣལ་འབྱོར་མཁས་པས་མཐོང་བ་ཡིན། །སངས་རྒྱས་རྣམས་ཀྱིས་འདི་ཀུན་གཟིགས། །ས་ལ་ཇི་སྙེད་སྣང་བ་དག །རྣམ་པ་སྣ་ཚོགས་དབྱིབས་ཀྱི་གཟུགས། །ས་ལ་རྣམ་པ་སྣ་ཚོགས་སོ། །ཆོས་འདི་ཡང་དག་བཤད་པ་དང་། །རྡོ་རྗེ་སྙིང་པོ་འཇིགས་མེད་པ། །
D110.050.0022b04.01མི་སྨྲའི་དངོས་ལ་དགར་གྱུར་ཏེ། །བསམ་གྱིས་མི་ཁྱབ་ཆོས་དབྱིངས་ཀྱི། །ལྷ་ཡི་བསམ་གཏན་མི་གཡོ་བ། །སངས་རྒྱས་སྤྱོད་ཡུལ་ཞུགས་པ་དང་། །སྟུག་པོ་ནས་ནི་འོངས་པའི་གཟུགས། །མཐོང་ནས་རྣལ་འབྱོར་ལམ་གནས་པ། །ཐུབ་པ་དེ་ཡི་ལྷ་རྫས་ལུས། །རྣལ་
D110.050.0022b05.01འབྱོར་བཏང་སྟེ་ཡང་གནས་སོ། །འདོད་དང་གཟུགས་དང་གཟུགས་མེད་དང་། །འདུ་ཤེས་མེད་པའི་གནས་རྣམས་ཀྱི། །མུན་པའི་ཚོགས་ནས་ཕྱིར་བྱུང་སྟེ། །སྟུག་པོ་དེ་ནས་འདིར་འོངས་སོ། །སངས་རྒྱས་རྣམས་ཀྱི་བཞུགས་པའི་གནས། །སངས་རྒྱས་ཞིང་ནི་མཆོག་རབ་
D110.050.0022b06.01ནས། །གཟུགས་ཀྱི་རྣམ་པ་དུ་མ་ཡི། །སངས་རྒྱས་སྐུ་ཡང་རྣམ་བྱུང་ནས། མི་ཡི་ཁམས་ན་རྣམ་པར་འཕྲུལ། །སུ་བློ་ཅི་འདོད་ཕན་པར་རོ། །སྟུག་པོ་ཡི་ནི་མིང་ཕྱུང་ནས། །རྒྱལ་བའི་སྲས་པོ་ཐམས་ཅད་ཀྱང་། །ཕན་ཚུན་གཅིག་ལ་གཅིག་བལྟས་ཏེ། །གཅིག་ལ་
D110.050.0022b07.01