完整藏文原文 · 德格版页 当前仅加载第 50 函德格 37b 版页；藏文 NFD、目录标记与异常页序保留在来源切片中，重复版页行以稳定序号区分。
སུམ་ཅུ་རྩ་གཉིས་མཚན་ལྡན་ཞིང་། །རྣམ་པ་སྣ་ཚོགས་གཟུགས་མངའ་བའི། །རྒྱལ་བ་འཁོར་ལོ་འཁོར་བར་ཡང་། །ས་རྣམས་ལ་ལར་འགྲོ་བས་མཐོང་། །ཇི་ལྟར་ཟླ་བ་སྐར་ཚོགས་དང་། །ལྷན་ཅིག་མཁའ་ལ་གནས་པ་ལྟར། །རྣམ་ཤེས་རྣམས་དང་ཀུན་གཞི་ཡང་། །
D110.050.0037b01.01དེ་བཞིན་ལྷན་ཅིག་ལུས་ལ་གནས། །ཇི་ལྟར་དབང་གིས་སྒྱུར་བའི་ལྷ། །ལྷ་ཡི་བུ་མོས་མདུན་བདར་ཅིང་། །རིན་ཆེན་དབུས་ན་རྣམ་མཛེས་པ། །དེ་བཞིན་ཀུན་གཞི་ས་རྣམས་ལ། །ཇི་ལྟར་ཆུ་དབང་ཆུ་ཡི་ལྷ། །ཆུ་ཀླུང་རྒྱ་མཚོ་མཆིང་རྣམས་ལ། །ཇི་བཞིན་སྐྱེ་ལྡན་ས་ཡང་སྟེ། །དེ་བཞིན་
D110.050.0037b02.01སེམས་ནི་རྣམ་པར་མཛེས། །ཇི་ལྟར་གཞལ་མེད་གནས་པའི་ཉི། །རི་རབ་ལོགས་ན་རྣམ་པར་མཛེས། །ལྷ་རྣམས་ཀྱིས་ནི་ཕྱག་ཀྱང་བྱ། །དེ་བཞིན་ཀུན་གཞི་སངས་རྒྱས་སར། །ས་བཅུ་དག་ལ་ལྷན་ཅིག་ཏུ། །སྤྱད་པ་སྤྱོད་པ་རྒྱལ་བའི་སྲས། །ཐེག་པ་ཆེན་པོས་ཕྱུང་བ་སྟེ། །
D110.050.0037b03.01ལུས་ལ་གནས་པ་རྣམ་པར་མཛེས། །རྗོད་པའི་ཞལ་གྱིས་རྟག་པར་ཡང་། །རྒྱལ་བ་རྣམས་ནི་ཀུན་ནས་བསྟོད། །ཉན་ཐོས་རྣམས་དང་རང་རྒྱལ་དང་། །རྒྱལ་བའི་སྲས་རྣམས་ཁྱད་པར་དུ། །ས་དང་ས་ལ་རྣམ་དག་པ། །རྒྱལ་བའི་སྲས་ཞེས་མངོན་བསྒྲགས་དང་། །
D110.050.0037b04.01རྒྱལ་བ་དག་དང་རྒྱལ་བའི་སྲས། །དེ་དག་ཀུན་གཞི་འདི་ལ་བརྗོད། །ལུང་སྟོན་ལུང་བསྟན་འགྱུར་བ་ཡི། །རྒྱལ་སྲས་རྒྱལ་བ་དེ་བཞིན་ཏེ། །ཀུན་གཞི་དྲི་མེད་བསོད་ནམས་ཀྱིས། །དེ་བཞིན་གཤེགས་པར་འགྱུར་བ་ཡིན། །འདི་ལྟ་བུ་ཡི་ཀུན་གཞིའི་ཡུལ། །སྟུག་ན་གནས་
D110.050.0037b05.01པའི་རྣལ་འབྱོར་ཅན། །ཐུབ་བརྩོན་རྣལ་འབྱོར་སྤྱོད་པ་ཡིས། །རབ་ཏུ་མཐོང་ཞིང་རྣལ་འབྱོར་གྱིས། །སངས་རྒྱས་དག་དང་རང་སངས་རྒྱས། །ཉན་ཐོས་རྣམས་དང་མུར་འདུག་གཞན། །དེ་ཉིད་རྟོགས་ནས་མཐོང་བ་ནི། །རྣལ་འབྱོར་འཇིགས་མེད་རྣལ་འབྱོར་རོ། །རྣམ་པར་
D110.050.0037b06.01ཤེས་པའི་སྤྱོད་ཡུལ་གང་། །འདི་ལྟར་སྣང་བ་ཅི་ཡང་རུང་། །རྣམ་པར་ཤེས་པར་གྱུར་པ་སྟེ། །རྫ་ལ་སོགས་པ་ས་མ་ཡིན། །འདི་ལྟར་ནོར་པ་གང་སྣང་བ། །སྣ་ཚོགས་རྫ་གྲགས་ཅི་ཡང་རུང་། །དེ་ནི་ཀུན་གཞི་གྱུར་པ་སྟེ། །སྣང་བ་ནོར་པའི་མཚན་ཉིད་དོ། །ཀུན་གཞི་ཆུ་ཀླུང་དེ་
D110.050.0037b07.01