完整藏文原文 · 德格版页 当前仅加载第 50 函德格 33b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ཏེ། །རྟོག་པས་དེ་བསྒྲུབ་མ་ཡིན་ནོ། །འདི་ནི་ལྷ་རྫས་གནས་ཡིན་ཏེ། །ཐུབ་པ་རྣལ་འབྱོར་ལྡན་པ་ཡི། །དེ་བས་ཞིང་མཆོག་དེ་འདོད་ན། །ཐུབ་པས་བསམ་གཏན་དེ་ལ་གྱིས། །འདོད་ཆགས་ཞེ་སྡང་རྣམ་བཅོམ་སྟེ། །ང་མེད་ང་ཡི་འགྲོ་མེད་དུ། །འདོད་ཆགས་ཞེ་སྡང་
D110.050.0033b01.01མི་བསམ་པར། །བསམ་གཏན་མཆོག་ལ་བསྒོམ་པར་གྱིས། །ཕན་ཚུན་ཡུལ་ལ་འཛིན་པའི་ཕྱིར། །གཉིས་ཀྱི་བློ་ནི་རབ་ཏུ་འབྱུང་། །ཡོད་མེད་རྟོག་པས་དེ་བཞིན་དུ། །རྣམ་ཤེས་རྣམས་ལ་ཀུན་གཞིའོ། །བུད་མེད་རོ་སྨད་ཤས་རྒྱས་ཤིང་། །སྐྲ་བཟང་མིག་ཀྱང་མཛེས་པ་
D110.050.0033b02.01དང་། །སྣ་ལེགས་འཕྲལ་བའི་དབྱིབས་སྡུག་ལ། །སྨིན་མ་སྟུག་ཅིང་བལྟ་མཛེས་པ། །ཇི་ལྟར་ལ་ལ་དེར་ཆགས་པའི། །ཡིད་ཀྱིས་རྣམ་པར་མྱོས་པའི་སེམས། །ལྟ་ཞིང་རྣམ་པར་རྟོག་པའི་ཚེ། །མཁས་མིན་དེ་ལ་ཤིན་ཏུ་མྱོས། །འགྲོ་འདུག་འགྲེང་ཡང་དེ་བཞིན་ཏེ། །སྣོམ་
D110.050.0033b03.01ཟ་གཉིད་ཀྱིས་ལོག་པ་ནའང་། །འདོད་ཅན་གཞན་དུ་མི་སེམས་ཏེ། །འདོད་པ་ཅན་མོ་ཡིད་ལ་བྱེད། །དེ་བཞིན་ཁྱོད་བློ་རྙོག་པ་ཅན། །རྣམ་པ་ཀུན་ཏུ་ཡིད་ལ་གནས། །རྫབ་ཡུལ་རྙོག་དང་ལྡན་པ་ཡི། །བཅིངས་པའི་དབང་དུ་མ་འགྲོ་ཤིག །ཇི་ལྟར་ལ་ལ་རྟོག་པ་ཅན། །བློ་ཡི་
D110.050.0033b04.01སྤྱོད་ཡུལ་རྣམ་འཁྲུལ་བ། །མ་ཧེ་དག་དང་བ་གླང་དང་། །གླང་པོ་དག་དང་བསེ་རྣམས་དང་། །རང་ག་ཀྲྀ་ཥྞ་ས་ར་དང་། །ཤ་ར་བ་དང་སུ་ར་དང་། །སྨྱན་དང་གཡག་ཀྱང་དེ་བཞིན་ཏེ། །མགོ་དཀར་རྣ་དང་ཁྱུ་མཆོག་གི། །རུ་ཆེན་རྣམ་པར་མཐོང་བ་དང་། །འདི་བདེན་གཞན་དུ་མི་འགྱུར་
D110.050.0033b05.01ཞེས། །སེང་སྟག་བོང་བུ་སོགས་པ་ཡི། །རྭ་རྣམས་ལ་ནི་མེད་ཅེས་ཏེ། །ཡོད་དང་མེད་པའི་ལྟ་བ་ཡང་། །མི་མཁས་རྣམས་ལ་རབ་ཏུ་འབྱུང་། །དེ་ལྟར་གཞན་གྱི་རྭ་མཐོང་ཞིང་། །བོང་བུའི་མེད་ཅེས་རྣམ་རྟོག་འབྱུང་། །ཇི་སྟེ་གཞན་གྱིས་མ་མཐོང་ན། །བོང་རུ་མེད་སྙམ་དེ་
D110.050.0033b06.01མི་འབྱུང་། །ལོག་པར་དམིགས་པའི་རྒྱུ་ཡི་ཕྱིར། །འདི་ན་མེད་ཅེས་རྟོག་པ་འབྱུང་། །དེ་ལ་དམིགས་པ་མེད་པས་ཀྱང་། །གདོན་མི་ཟ་བར་མེད་ལ་རྟེན། །རྙོག་ཅན་ང་རྒྱལ་རྟོག་ཡུལ་ལ། །བློ་གྲོས་སྤྱོད་ཡུལ་མ་རྟོག་ཅིག །བ་ལང་བ་མན་མ་ཧེ་རྣམས། །རྟོག་པས་བརྟགས་པ་
D110.050.0033b07.01