完整藏文原文 · 德格版页 当前仅加载第 50 函德格 17a 版页；藏文 NFD、目录标记与异常页序保留在来源切片中，重复版页行以稳定序号区分。
མཐོང་བའི་ཆོས་ལ་བདེ་བར་གནས། །རྒྱལ་པོ་རྣལ་འབྱོར་ཅན་གྱི་ཡུལ། །རྣལ་འབྱོར་འདི་ཡིན་བརྩམ་པར་གྱིས། །དེ་སྟེ་རྒྱལ་སྲས་དགེ་བའི་གནས། །སྟུག་པོར་འགྲོ་བར་འདོད་ན་སྟེ། །སངས་རྒྱས་ཐམས་ཅད་བཞུགས་པའི་གནས། །ཞིང་གི་
D110.050.0017a01.01མཆོག་ནི་སྟུག་པའོ། །དེ་ཕྱིར་རྒྱལ་པོ་དགེ་བར་རྩོམས། །རྒྱལ་པོ་རྣམས་ལའང་དགེ་བར་བགྱིས། །མིང་ནི་མཚན་མའི་མཐུ་ལས་བྱུང་། །མཚན་མ་རྐྱེན་ལས་བྱུང་བ་སྟེ། །མཚན་མ་ལས་ཀྱང་རྣམ་རྟོག་འབྱུང་། །གྲུབ་པ་རྣམས་ནི་མ་གཏོགས་པར། །རྫ་ལས་
D110.050.0017a02.01སོགས་པ་དབང་པོའི་ཡུལ། །ཕུང་པོ་ཡོན་ཏན་ལྡན་པའི་རྣམས། །རྣམ་པར་རྟོག་པའི་མཚན་མ་འདི། །སྐྱེ་བ་ལ་ནི་རྒྱུ་ཡིན་ནོ། །ཁྱད་པར་བྱེད་པ་རྣམ་རྟོག་སྟེ། །གནས་ཀྱང་རྣམ་པར་ཤེས་པར་བྱེད། །འགྲོ་དང་མི་འགྲོ་འགྲོ་བ་ཡི། །གཏི་མུག་རྣམས་ཀྱང་ཤིན་ཏུ་
D110.050.0017a03.01སྐྱེ། །རིང་པོ་ཐུང་ངུ་ཁ་དོག་དང་། །རྩུབ་པ་དག་དང་འཇམ་པའི་རྣམས། །སྒྲ་དང་དྲི་ལ་སོགས་པའི་ཡུལ། །མངར་དང་ཁ་དང་ཚ་བ་དང་། །ཡིད་ཀྱི་རྣམ་པར་ཤེས་པའི་ཡུལ། །ཇི་སྙེད་དགེ་དང་མི་དགེ་དང་། །འདུས་བྱས་ཆོས་དང་འདུས་མ་བྱས། །མྱ་ངན་འདས་
D110.050.0017a04.01པ་ཡེ་ཤེས་ཡུལ། །སྐད་ཅིག་སྐད་ཅིག་རབ་ཏུ་འབྱུང་། །བྱུང་ཞིང་ཕྱིར་ཡང་ལྡོག་པ་སྟེ། །དེ་ནི་མགྱོགས་པར་ཤིན་ཏུ་འགྲོ། །རྣམ་པར་ཤེས་པ་རྒྱུ་ལས་བྱུང་། །ཡིད་དང་ཀུན་གཞི་རབ་འབྲེལ་བས། །ཁབ་ལོང་ལྟ་བུར་ཤིན་ཏུ་འཁོར། །ཁ་གཉིས་སྦྲུལ་ནི་ཇི་
D110.050.0017a05.01བཞིན་པ། །ཡིད་ཀྱི་སྤྱོད་པ་དེ་བཞིན་ཏེ། །ཀུན་གཞི་རྣམ་ཤེས་ཡོག་པར་བྱེད། །གཅིག་ཏུ་འོན་ཀྱང་རབ་ཏུ་འབྱུང་། །ཡིད་ཀྱི་རྣམ་པར་ཤེས་དང་བཅས། །རྒྱུ་ཡི་དགོས་པ་བྱས་ནས་ལྡོག །བདག་ཏུ་དགོས་པའང་ཤིན་ཏུ་བྱེད། །བདག་གིར་བྱ་བའང་
D110.050.0017a06.01འཕེལ་བར་བྱེད། །ལུས་ལ་དྲོད་ཀྱང་སྐྱེས་པ་སྟེ། །སྣ་ཚོགས་རྣམ་པར་རབ་ཏུ་སྤྱོད། །ཟས་དང་སྐོམ་དང་ལོངས་སྤྱོད་དང་། །གོས་དང་སྤོས་སོགས་རྣམ་སྤྱོད་དང་། །མཆོད་པ་དག་དང་རྒྱུག་པར་ཡང་། །མི་ཡི་ལུས་ནི་འཛིན་པ་ཡིན། །གར་དང་གད་མོ་རྩེད་མོ་དང་། །
D110.050.0017a07.01