完整藏文原文 · 德格版页 当前仅加载第 50 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
ལམ་པོ་དེ་ཉིད་ཀྱང་། །མཐའ་བཞི་རྣམ་པར་སྤངས་པ་སྟེ། །རྣམ་པར་རྟོག་མེད་དམིགས་མེད་པ། །སྟུག་ན་གནས་པས་ཤིན་ཏུ་མཐོང་། །ཐུབ་ཆེན་དེ་ཉིད་ལམ་ཤེས་པ། །བདག་མེད་ཡེ་ཤེས་མཁས་རྣམས་ཀྱིས། །བླ་མའི་ཚིག་འདི་ཐོས་པ་དང་། །
D110.050.0025a01.01རྣལ་འབྱོར་ཅན་རྣམས་ཐམས་ཅད་ཀྱང་། །རྐང་པ་གཉིས་ལ་མཉམ་བཏུད་ནས། །རྡོ་རྗེ་ཞེས་ལ་སྨྲས་པ་ནི། །རྣལ་འབྱོར་ཅན་རྣམས་ཉན་པར་བརྩོན། །སྐོམ་པ་རྣམས་ནི་ཆུ་ཚོལ་བཞིན། །ཁྱོད་ཀྱི་ཞལ་ནས་བཏུང་འདོད་པ། །ཚིག་གི་སྦྲང་རྩི་བུང་བ་བཞིན། །རྣལ་འབྱོར་
D110.050.0025a02.01དབང་པོ་ཡང་དག་གསུངས། །རྒྱལ་བའི་སྲས་རྣམས་ཤིན་ཏུ་ཉན། །རྣལ་འབྱོར་ཅན་རྣམས་རྣལ་འབྱོར་བློ། །ཡེ་ཤེས་དབང་པོ་འཕྲུལ་ཆེན་རྣམས། །ཞིང་གི་བདག་པོ་རྒྱལ་ཆེན་རྣམས། །རྣལ་འབྱོར་ལམ་ལ་རྟོག་བྱེད་པ། །བདེ་གཤེགས་བཀའ་ནི་ཉན་པར་རོ། །ཁྱོད་
D110.050.0025a03.01ཀྱི་ཞལ་ནས་རྣམ་བྱུང་བ། །རྣམ་པ་སྣ་ཚོགས་དཀའ་བའི་སྒྲ། །ཁོང་དུ་ཆུད་བྱེད་མཚན་བཟང་དང་། །ཚངས་པའི་ཡང་དག་གཤེགས་པ་དང་། །དབང་པོའི་དོན་གྲགས་ཁྱད་པར་དུའོ། །སྣ་ཚོགས་ཐུབ་པ་དེ་ཡི་གསུང་། །སྒྲ་ཡི་དོན་ལ་མཁས་པ་ཡི། །དེ་ཕྱིར་བདག་ནི་སྨྲར་
D110.050.0025a04.01མ་མོས། །བརྟག་བྱ་རྟོག་པ་རྣམ་པར་སྤངས། །བར་སྣང་རི་མོ་ཇི་བཞིན་དང་། །གྲིབ་མ་སྟོང་ལ་སོགས་པས་སྤངས། །དེ་སྟེ་སྣང་ན་རྨད་དུ་རུང་། །དེ་བཞིན་གཤེགས་པ་ཐུབ་པའི་བཀའ། །མཁའ་ལ་བྱ་རྗེས་ཇི་བཞིན་དུ། །བལྟ་བར་ཤིན་ཏུ་དཀོན་པ་བཞིན། །དེ་བཞིན་གཤེགས་
D110.050.0025a05.01པ་ཐུབ་པའི་བཀའ། །དེ་ནི་བསྟན་པར་མི་ནུས་སོ། །ས་རྣམས་གསུམ་དུ་མཁས་པ་ཡིས། །དཔེ་ཡིས་ཀུན་ཏུ་རབ་བསྟན་གྱིས། །དཔེ་དང་བྲལ་བའི་དེ་བཞིན་ཉིད། །ཐུབ་པའི་ཞལ་ནས་རྣམ་པར་འབྱུང་། །དེ་ཡི་ཚིག་ལ་དཔེ་མེད་དེ། །རྨི་ལམ་ལྟ་བུར་བདག་ལ་སྣང་། །
D110.050.0025a06.01རབ་རིབ་མགལ་བ་བསྐོར་བ་དང་། །སྐྲ་ཡི་ཚོགས་དང་དེ་བཞིན་འདྲ། །ཇི་ལྟར་སྒྱུ་མའི་གྲོང་ཁྱེར་དང་། །རླུང་ནི་ཤིན་ཏུ་བལྟ་དཀའ་དང་། །སྒྱུ་མ་སྨིག་རྒྱུ་འདྲ་བ་སྟེ། །རྣམ་རྟོག་གཉིས་པོ་རབ་ཏུ་སྤངས། །འོན་ཏམ་རྣལ་འབྱོར་སྣ་ཚོགས་པ། །ཐུབ་པའི་གསུང་ནི་དེ་བཞིན་ཏེ། །
D110.050.0025a07.01