完整藏文原文 · 德格版页 当前仅加载第 50 函德格 4b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྲ་བ་དང་དམིགས་སུ་ཕེབས་པ་དང་། རྣམ་པར་གདོན་མི་ཟ་བའི་གཏམ་ཟློས་པ་སྟན་ལས་ལངས་ཏེ་བླ་གོས་ཕྲག་པ་གཅིག་ལ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་གང་ན་བ་དེར་ཐལ་མོ་སྦྱར་བས་ཕྱག་འཚལ་ཏེ། བཅོམ་ལྡན་འདས་
D110.050.0004b01.01ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱོགས་གཅིག་ཅིག་བཅོམ་ལྡན་འདས་ཀྱིས་བདག་ལ་ཞུ་བ་ཞུས་པ་ལུང་བསྟན་པའི་སླད་དུ་སྐབས་དབྱེ་བར་གནང་ན་བདག་གིས་ཞུའོ། །བཅོམ་
D110.050.0004b02.01ལྡན་འདས་ཀྱིས་བཀའ་སྩལ་པ། རྡོ་རྗེའི་སྙིང་པོ་ཁྱོད་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་དྲིས་ཤིག་དང་། ངས་ཅི་དང་ཅི་འདོད་པ་དེ་དང་དེའི་དྲི་བ་དྲིས་པ་ལུང་བསྟན་པས་སེམས་མགུ་བར་བྱས་ཁྱོད་ཀྱིས་ཇི་ལྟར་བཟོད་པ་དེ་ལྟར་སྨྲོས་
D110.050.0004b03.01ཤིག །དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་སྙིང་པོ་ལ་བཅོམ་ལྡན་འདས་ཀྱིས་སྐབས་ཕྱེ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སངས་རྒྱས་སངས་རྒྱས་ཞེས་བགྱི་བ་དང་། འཚང་རྒྱ་
D110.050.0004b04.01བར་བགྱི་བ་ཞེས་བྱ་བའི་དོན་ཅི་ལགས། བཅོམ་ལྡན་འདས་དོན་དམ་པ་འཕགས་པའི་ཡུལ་ཆོས་ཉིད་ཀྱི་སངས་རྒྱས་ཀྱི་རིགས་སྟོན་པ་འདས་པ་དང་། མ་འོངས་པ་དང་། ད་ལྟར་བྱུང་བའི་སྤྱོད་པའི་ས་ལ་སྤྱོད་པ་དང་། གཟུགས་དང་། མཚན་ཉིད་དང་། ཡང་དག་པར་བསྡུ་བའི་
D110.050.0004b05.01ལྟ་བར་ལྟུང་བ་རྣམས་དང་མུར་འདུག་གཞན་གྱི་སྨྲ་བ་ལ་མངོན་པར་ཆགས་པའི་བློའི་སྤྱོད་ཡུལ་ལ་སྤྱོད་པ་རྣམས་དང་། རྡུལ་དང་། གཅེས་པ་དང་། དབང་པོ་དང་། ཕྱོགས་དང་། དུས་དང་། ནམ་མཁའ་དང་། བདག་དང་། ཡིད་དང་། དབང་པོ་དང་། དོན་ཉེ་བར་འདུ་བའི་ལྟ་
D110.050.0004b06.01བར་ལྟུང་བ་རྣམས་ཀྱི་བློ་རྣམ་པར་བཟློག་པའི་སླད་དུ་བཤད་དུ་གསོལ། བདེ་བར་གཤེགས་པ་བསྟན་དུ་གསོལ། མ་རིག་པ་དང་། སྲེད་པ་དང་། ལས་དང་། མིག་དང་། གཟུགས་དང་། སྣང་བ་དང་། དེ་ལས་སྐྱེ་བའི་ཡིད་ལ་བྱེད་པ་དང་། གསུམ་འདུ་བའི་རྣམ་པར་རྟོག་པའི་
D110.050.0004b07.01