完整藏文原文 · 德格版页 当前仅加载第 50 函德格 36b 版页；藏文 NFD、目录标记与异常页序保留在来源切片中，重复版页行以稳定序号区分。
ཅི་བཞིན་ནོ། །སྨིག་རྒྱུ་ནམ་མཁའ་སྒྱུ་མ་དང་། །རྨི་ལམ་མ་ཡིན་ནོར་བའང་མིན། །སྦལ་པ་རུས་སྦལ་སྤུ་དག་དང་། །རི་བོང་རྭ་དང་མཉམ་པའང་མིན། །མེ་ནི་ཤིང་ལས་སྐྱེ་བར་འགྱུར། །གློག་ནི་དེ་བཞིན་སྤྲིན་ལས་སོ། །མེད་ལ་སྐྱེད་པ་སུ་ཡང་མེད། །རྫ་སོགས་རྫ་མཁན་
D110.050.0036b01.01ལྟ་བུའོ། །ཇི་ལྟར་རྩྭ་དང་ཤིང་དག་ལ། །བརྟེན་ཅིང་ལྷན་ཅིག་སྒྱུ་འབྱུང་བ། །དེ་བཞིན་མོས་ལ་སོགས་པ་ཀུན། །སེམས་དང་སེམས་བྱུང་ལྷན་ཅིག་གནས། །སེམས་ཀྱི་ཡུལ་ནི་བསམ་དུ་མེད། །སྟུག་ན་གནས་པས་ལེགས་པར་མཐོང་། །ལྷ་རྫས་སྔོན་མེད་ལྷན་ཅིག་སྐྱེས། །
D110.050.0036b02.01མྱ་ངན་འདས་དང་ནམ་མཁའ་བཞིན། །སོ་སོར་མ་བརྟགས་འགོག་པ་ལྟར། །དུས་གསུམ་རྣམ་པར་སྤངས་པ་སྟེ། །འོད་ཅན་རྟག་ཏུ་དག་པ་ནི། །ལུས་ཅན་ཀུན་གྱི་ཀུན་གཞིའོ། །དང་པོ་ཚེས་པའི་ཟླ་མདོག་ལྟར། །བྱེ་བའི་ཞིང་དུ་སྣང་བ་སྟེ། །རི་རབ་གནས་ཤིང་འཁོར་བ་ཡང་། །
D110.050.0036b03.01དངོས་པོ་འཇིག་པ་མ་ཡིན་ནོ། །དེ་བཞིན་ཡིད་སེམས་རྣམ་པར་ཤེས། །སེམས་ཅན་ཁམས་ན་འཁོར་མོད་ཀྱི། །དེ་ལ་འཕེལ་ཞིང་འབྲི་མེད་དེ། །རྟག་ཏུ་རང་བཞིན་འོད་སྣང་བའོ། །ཇི་ལྟར་ཟླ་བ་སྐྱེ་འབྲི་བར། །མི་ཤེས་འགྲོ་བ་རྣམ་རྟོག་ཀྱང་། །སྐྱེ་འབྲི་ཟླ་ལ་ཡོད་པ་མིན། །
D110.050.0036b04.01གླིང་དང་གླིང་དུའང་རབ་ཏུ་སྣང་། །དེ་བཞིན་ཀུན་གཞི་རྣམ་ཤེས་ལ། །བྱིས་པ་མི་ཤེས་འགྲོ་རྣམས་ཀྱང་། །རྟག་ཏུ་སྐྱེ་བྲིར་རྣམ་རྟོག་སྟེ། །དེ་ནི་ཟག་མེད་སངས་རྒྱས་སོ། །ཀུན་གཞི་འདི་ལ་ཇི་ལྟར་ཡང་། །འབྱུང་བས་ཐ་དད་མི་འགྱུར་ཏེ། །འཇུག་པའི་རྣམ་ཤེས་སོང་གནས་
D110.050.0036b05.01པ། །བག་ཆགས་ཀྱིས་ནི་ཟླ་བ་བཞིན། །ཆུ་ཀླུང་དབུས་ཀྱི་ཤིང་ལྟ་བུར། །ཆུ་བོའི་ཀླུང་དང་འགྲོགས་མོད་ཀྱི། །ཐ་དད་མཚན་དུའང་རབ་ཏུ་གྲུབ། །རྒྱ་མཚོ་ཆེན་པོར་དེ་བཞིན་འགྲོ། །དེ་ལྟར་ཀུན་གཞི་རྣམ་ཤེས་ཀྱང་། །རྟག་ཏུ་བག་ཆགས་ལྡན་འགྱུར་བ། །རྣམ་པར་ཤེས་པ་བདུན་
D110.050.0036b06.01པོ་དང་། །འགྲོགས་ཀྱང་འདྲེ་བ་མེད་པ་སྟེ། །ཀུན་ནས་ཉོན་མོངས་རྣམ་བྱང་དང་། །རྣམ་པར་དག་པའི་རྒྱུ་ཡང་དེ། །ཆོས་མཐོང་འཕགས་པ་རྣམས་ཀྱི་ཡང་། །དེ་ནི་རྣལ་འབྱོར་མཉམ་བཞག་པ། །བྱོལ་སོང་མི་དང་ལྷར་སྐྱེས་དང་། །ཤ་ཟ་ལྟོ་འཕྱེ་ཡི་དྭགས་དང་། །ལྷ་མིན་དྲི་
D110.050.0036b07.01