完整藏文原文 · 德格版页 当前仅加载第 50 函德格 11b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་རྐང་པ་དང་། དབང་གི་གཞལ་མེད་ཁང་གི་གནས་གྱུར་ཏེ། ཡང་དག་པའི་མཐའ་ལ་གནས་པ་སྤངས་ཏེ། སྣ་ཚོགས་ཀྱི་ལུས་ཡིད་བཞིན་གྱི་ནོར་བུ་དང་འདྲ་བའི་རང་བཞིན་དུ་གྱུར་ཏེ། རྒྱལ་པོའི་ཚོགས་ཀྱི་འཁོར་ཐམས་ཅད་དང་སྟུག་པོར་སྟུག་པོ་ན་སྤྱོད་པ་
D110.050.0011b01.01རྣམས་ལ་ཆོས་སྣ་ཚོགས་སྟོན་པར་འགྱུར་རོ། །རྡོ་རྗེ་སྙིང་པོས་སྨྲས་པ། རྒྱལ་པོ་སྨྲོས་ཤིག་དགེའོ་དགེའོ། །ཅོད་པན་ཅན་ལ་ཁྱད་པར་དུ། །ཆོས་ལ་འཇུག་པ་བདག་མེད་པ། །སྟུག་པོའི་རྒྱན་ནི་རབ་སྟོན་པ། །སེམས་ཀྱི་རང་བཞིན་མཚན་ཉིད་དག །རྣམ་
D110.050.0011b02.01རྟོག་སྤྱོད་ཡུལ་ཡིན་ཞེ་ན། །རྣམ་རྟོག་དོན་ལས་ཕྱིར་ལྡོག་པ། །འགྲོ་བ་རྣམ་རྟོག་མཐོང་ནས་ཏེ། །འགྲོ་བའི་རང་བཞིན་མཐོང་ནས་ཀྱང་། །ཏིང་ངེ་འཛིན་ལ་གནས་པར་འགྱུར། །ཆོས་ཀྱི་ངོ་བོ་ཉིད་བསྟན་གྱིས། །རྒྱལ་པོ་ང་ལ་དེ་ཉོན་ཅིག །དཔྱིད་ཀྱི་སྨིག་
D110.050.0011b03.01རྒྱུ་ཇི་བཞིན་པ། །དེ་ཡི་རྣམ་པ་འགྲོ་བ་འདི། །མཚན་གཞི་མཚན་མ་རྒྱུ་རྣམས་ལས། །རྣམ་པར་རྟོག་པ་རྣམ་མི་རྟོག །བློ་དང་རྟོགས་བྱས་བསྐྱེད་པས་ཏེ། །རྟོགས་བྱ་དེའི་ཁྱད་གྱུར་པ། །གཉེན་པོར་གྱུར་པ་གཅིག་མེད་པ། །ཉི་མ་དང་ནི་གྲིབ་ལྟར་
D110.050.0011b04.01གནས། །སེམས་མེད་ཙམ་པོའང་ཡོད་པ་མིན། །ཚད་དང་གཞལ་དང་གཉིས་ཀ་མེད། །རྣམ་པར་རྟོག་པ་སེམས་ཙམ་སྟེ། །རྣམ་པར་རྟོག་པ་རྣམ་མི་བརྟག །ཤེས་དང་ཤེས་བྱ་རྣམ་རྟོག་པ། །སེམས་ཙམ་དེ་ལྟར་ཡིན་ན་སྟེ། །
D110.050.0011b05.01ཤེས་བྱ་སེམས་ཙམ་ཡིན་པ་ནི། །རྟག་ཏུ་ཙམ་ལ་ཤེས་ཡོད་མིན། །སེམས་ཆོས་ཀྱི་ནི་ངོ་བོ་ཉིད། །གང་ཟག་དག་དང་གཡོ་བ་རྣམས། །གང་ཚེ་སེམས་ལ་རྣམ་བརྟགས་ན། །རྟོག་དང་བརྟགས་པས་སྤངས་པ་ཡིན། །བརྒྱད་པོ་རྙེད་ནས་དག་པར་འགྱུར། །
D110.050.0011b06.01དགུ་ལ་བསམ་གཏན་སྤྱོད་ཡུལ་ཏེ། །བཅུ་ལ་སངས་རྒྱས་སངས་རྒྱས་ཀྱིས། །དབང་བསྐུར་རྒྱལ་བར་འགྱུར་བ་ཡིན། །རྒྱལ་བའི་ཡུལ་ལ་ཆོས་རྣམས་ཀྱང་། །མི་ཟད་ཆོས་ཀྱི་སྐུར་འགྱུར་རོ། །ནམ་མཁའི་ཟད་དང་འདྲ་བ་སྟེ། །སེམས་དང་རྣམ་ཤེས་དེ་བཞིན་ཏེ། །
D110.050.0011b07.01