完整藏文原文 · 德格版页 当前仅加载第 50 函德格 3a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་སངས་རྒྱས་ཀྱི་ཞིང་འདི་ན་འདོད་པ་དང་། གཟུགས་དང་། གཟུགས་མེད་པ་དང་། འདུ་ཤེས་མེད་པའི་སེམས་ཅན་དུ་གཏོགས་པའི་གཟུགས་སྲེད་པ་དང་། མ་རིག་པ་དང་། ཏིང་ངེ་འཛིན་གྱི་འབྲས་བུ་ཡེ་ཤེས་ཀྱི་མེས་རྣམ་པར་བསྲེགས་ཏེ་གནས་གྱུར་པའི་
D110.050.0003a01.01ཕྱིར་ཡེ་ཤེས་ཀྱི་ཏིང་ངེ་འཛིན་དང་། ཡིད་བཞིན་གྱི་ལུས་སྟོབས་དང་། མངོན་པར་ཤེས་པ་དང་། རྫུ་འཕྲུལ་གྱི་རྐང་པ་དང་། དབང་གིས་བརྒྱན་པ། གསེང་མེད་པ། རིང་དུ་གནས་པ། ཟླ་བ་དང་། ཉི་མ་དང་། ནོར་བུ་དང་། གློག་དང་། འཇའ་དང་། བྱི་རུ་དང་། བ་བླ་དང་།
D110.050.0003a02.01ལྡོང་རོས་དང་། མཚལ་དང་། མགོ་ནག་གི་འབྲུ་དང་། ཀིང་ཤུ་ཀ་དང་། ཨིན་དྲ་གོ་པ་དང་། གསེར་དང་། ཙམ་པ་ཀ་དང་། པད་མོ་དང་། དུང་དང་། རྨ་བྱའི་མགུལ་དང་། མདོངས་བུ་མེ་ལོང་གི་ནང་ན་འདུག་པའི་གཟུགས་བརྙན་ལྟ་བུ་ཐོབ་ནས་ས་དང་སར་ཟག་པ་མེད་
D110.050.0003a03.01པས་སྦྱངས་པའི་རྒྱུ་ཏིང་ངེ་འཛིན་ལ་དབང་སྒྱུར་བའི་ཕྱིར་སྨོན་ལམ་གྱི་མཐར་ཕྱིན་པ་བཅུའི་བསྔོ་བས་ལུས་ཐོབ་པའི་ཁྱད་པར་ཅན་དག་སངས་རྒྱས་ཀྱི་ཞིང་སྟུག་པོར་འོང་ངོ་། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སངས་རྒྱས་ཀྱི་ཆོས་ཐམས་ཅད་རྣམ་པར་དགོད་
D110.050.0003a04.01པ་ཡང་དག་པ་ཇི་ལྟ་བ་བཞིན་དུ་སྟོན་པ་སྟན་ལས་ལངས་ཏེ། བླ་གོས་ཕྲག་པ་གཅིག་ལ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
D110.050.0003a05.01བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱོགས་གཅིག་ཅིག་བཅོམ་ལྡན་འདས་ཀྱིས་བདག་ལ་ཞུ་བ་ཞུས་པ་ལུང་བསྟན་པའི་སླད་དུ་སྐབས་དབྱེ་བར་གནང་ན་བདག་གིས་ཞུའོ། །བཅོམ་ལྡན་འདས་ཀྱིས་བཀའ་སྩལ་པ། རྣམ་
D110.050.0003a06.01པར་དགོད་པ་ཡང་དག་པ་ཇི་ལྟ་བ་བཞིན་དུ་སྟོན་པ་ཁྱོད་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་དྲིས་ཤིག་དང་། ངས་ཅི་དང་ཅི་འདོད་པ་དེ་དང་དེའི་དྲི་བ་དྲིས་པ་ལུང་བསྟན་པས་སེམས་མགུ་བར་བྱས། ཁྱོད་ཀྱིས་ཇི་ལྟར་བཟོད་པ་དེ་ལྟར་
D110.050.0003a07.01