完整藏文原文 · 德格版页 当前仅加载第 50 函德格 46a 版页；藏文 NFD、目录标记与异常页序保留在来源切片中，重复版页行以稳定序号区分。
སོགས་པ་སྟེ། །ཡིད་ནི་ཁོང་དུ་ཆུད་པར་བྱེད། །རྣམ་པར་ཤེས་པས་རྣམ་པར་རིག །ལྔ་པོས་སྣང་བ་རྟོགས་པར་བྱེད།། །།འཕགས་པ་རྒྱན་སྟུག་པོ། །བམ་པོ་བཞི་པ་སྟེ་ཐ་མ། ལུས་ནི་སེམས་ཀྱིས་བཟུང་བ་ཡིན། །ཡིད་ནི་ལམ་རྒྱུད་
D110.050.0046a01.01འདོད་པ་སྟེ། །རྣམ་པར་ཤེས་པས་རྣམ་པར་རིག །སྣང་བ་གཅོད་པ་ལྔ་པོའོ། །རྒྱུ་ལ་དམིགས་ཤིང་རྣམ་ཤེས་རྣམས། །སྐྱེ་སྟེ་གཞན་ནི་དེ་རྗེས་འབྲང་། །ཡིད་ལ་དམིགས་ཤིང་གཞན་དག་ཀྱང་། །མཐར་ཆགས་སུ་ནི་རབ་ཏུ་འབྱུང་། །ཡིད་རྙེད་ནས་ཀྱང་གཞན་དག་ནི། །
D110.050.0046a02.01དབང་གི་ཡོན་ཏན་རྣམས་ཀྱིས་བྱས། །དབང་ནི་ལྔ་དང་ལྷན་ཅིག་ཏུ། །རྣམ་པར་ཤེས་པ་རབ་ཏུ་བྱེད། །འདུ་བྱེད་རྒྱུ་དང་ལྷན་ཅིག་ཏུ། །རོ་ལངས་འགྲོ་དང་འདྲ་བ་སྟེ། །སྨིག་རྒྱུ་དག་ནི་གཟུགས་དང་མཉམ། །ལོག་པ་མ་ཡིན་བདེན་པ་མིན། །འདི་ནི་བདག་མེད་སྟོང་པ་སྟེ། །
D110.050.0046a03.01སྲིད་པས་ཀུན་དུ་དྲངས་པ་ཡིན། །འབྱུང་རྣམས་ལྷན་ཅིག་འབྱུང་བ་དག །ཐམས་ཅད་དུས་ཡིད་ལྷན་ཅིག་སྟེ། །སེམས་བྱུང་ཡིད་ཅེས་བྱ་བ་དང་། །ལྷན་ཅིག་རྣམ་པར་ཤེས་པ་འབྱུང་། །རྣམ་ཤེས་ལྔ་པོ་དེ་དག་དང་། །ཡིད་ཀྱི་རྣམ་ཤེས་ལྡན་པ་ནི། །གནས་ངན་ལེན་
D110.050.0046a04.01དང་སྲེད་བསྒོས་པ། །རྒྱུན་མི་འཆད་པར་རབ་ཏུ་འབྱུང་། །ལུས་ཅན་ཀུན་གྱི་ཀུན་གཞི་ཡང་། །སེམས་དང་སེམས་བྱུང་ལྡན་པ་འབྱུང་། །ཀུན་གཞི་རྙེད་ནས་དེ་དག་རྒྱུ། །རྒྱུ་ནས་རྒྱས་པར་བྱེད་པ་སྟེ། །སེམས་རྣམས་ལམ་རྒྱུད་ཐམས་ཅད་དུ། །རྟག་པར་གཅིག་ལས་གཅིག་
D110.050.0046a05.01རྒྱས་འགྱུར། །ས་འདི་རྣམ་པ་སྣ་ཚོགས་པ། །རྣམ་པར་ཤེས་པ་རྣམས་ལས་འབྱུང་། །ཀུན་གཞི་སྣ་ཚོགས་གཟུགས་ཅན་ནི། །རྣམ་ཤེས་རྣམས་ཀྱི་གནས་ཡིན་ནོ། །ཕན་ཚུན་རྒྱུ་ཡི་སྟོབས་ལྡན་པ། །རྣམ་ཤེས་འཁོར་ལོ་འཁོར་བ་སྟེ། །ཀུན་གཞི་མཚོ་ལས་དབའ་
D110.050.0046a06.01རླབས་བཞིན། །ས་བོན་དག་དང་མྱུ་གུའི་རྒྱུད། །ཆུ་བོའི་རྒྱུན་ཀྱང་མཚམས་མེད་ཅིང་། །རྒྱུན་མི་འཆད་པར་འབྱུང་མོད་ཀྱི། །ཐ་དད་བྱེ་བྲག་དག་ཀྱང་སྣང་། །དེ་བཞིན་རྣམ་ཤེས་སྤྱོད་པ་སྟེ། །མཚམས་མེད་པ་ཡི་རྒྱུན་དུ་ཡང་། །རྒྱུན་མི་འཆད་པར་རབ་ཏུ་འབྱུང་། །གསུམ་དང་
D110.050.0046a07.01