完整藏文原文 · 德格版页 当前仅加载第 50 函德格 23a 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ནི་རབ་སྨྲས་པ། །སྟུག་པོ་དྲི་མེད་བསོད་ནམས་ཏེ། །སྡིག་པ་ཐམས་ཅད་འཇིག་པར་བྱེད། །རྣལ་འབྱོར་ཅན་གྱི་གནས་ཀྱི་མཆོག །སངས་རྒྱས་ཞིང་གི་དམ་པ་ཕུལ། །ཡུ་བུས་དེ་ཡི་སྒྲ་ཐོས་ཏེ། །ཐོས་ནས་བདག་ཅག་དགའ་བའི་ཡིད། །སྟུག་པོ་རྣལ་
D110.050.0023a01.01འབྱོར་ཅན་གནས་ཀྱི། །བརྟན་ལམ་བདག་ཅག་ཐོབ་པར་བྱ། །འོག་མིན་ཚངས་པ་ཐོར་ཚུགས་ཅན། །གཙང་མའི་གནས་ཀྱིས་རྣམ་སྤངས་པ། །ཞིང་གི་ངོ་མཚར་ལྟད་མོ་དང་། །སངས་རྒྱས་རྒྱལ་བའི་སྲས་ཀྱི་ཡབ། །ཚངས་པས་དེ་ཚེ་གསོལ་ནས་སུ། །གཙང་མའི་གནས་
D110.050.0023a02.01ཀྱི་འཇིགས་མེད་རྣམས། །དེ་དག་ཐམས་ཅད་སེམས་པ་ནི། །ཚངས་པ་སྟུག་པོར་འགྲོ་མི་འགྲོ། །ཚངས་པ་རྣལ་འབྱོར་ཆེན་པོ་ཅན། །མུན་པས་དེ་དག་བསླད་པར་གྱུར། །ཐུབ་པ་མི་ཤེས་ཐུབ་རིག་གི། །ཇི་ལྟར་གནས་ནི་ཐོབ་པར་འགྱུར། །ཚངས་པ་དེ་ན་ཀུན་ཏུ་
D110.050.0023a03.01སེམས། །བློ་ཡིས་ཚངས་པ་རིག་པའི་མཆོག །འདོད་དང་གཟུགས་ཀྱི་བདག་པོ་དག །རྒྱུ་བ་དེ་ན་མེད་པ་སྟེ། །ནམ་མཁའི་ཁང་པ་གནས་རྣམས་དང་། །འདུ་ཤེས་མེད་པ་དེ་བཞིན་ཏེ། །མུར་འདུག་གཞན་ལ་གྲགས་པ་ཡི། །རྣལ་འབྱོར་ཅན་རྣམས་དེར་མི་འགྲོ། །བདག་
D110.050.0023a04.01གིས་བྱ་བ་བྱས་སམ་ཅི། །བསམས་ཏེ་འདིར་ཡང་འོངས་པར་གྱུར། །བདག་འགྲོའམ་བརྟན་ཞིང་རྟག་པ་ཡི། །ཐེར་ཟུག་འདུས་མ་བྱས་སྟུག་ཏུ། །གལ་ཏེ་ཡང་ན་ཐུབ་པ་སྟེ། །རྣལ་འབྱོར་མངའ་བ་ལྷའི་ཡང་ལྷའི། །མཐུ་ཡིས་རྣལ་འབྱོར་མཁྱེན་རྣམས་ཀྱི། །ཕོ་བྲང་
D110.050.0023a05.01སྟུག་པོ་དེར་འགྲོ་འམ། །ཐུབ་པ་དེ་ལ་ཕྱག་འཚལ་ལོ། །དེ་སྐད་སྨྲས་ནས་ཐོར་ཚུགས་ཅན། །མཐོང་བ་ཤིན་ཏུ་འབར་བ་ཡི། །སངས་རྒྱས་ལམ་ན་བཞུགས་པ་རྣམས། །གསུངས་ཤིག་གསུངས་ཤིག་ཐུབ་པའི་རྣམས། །ཁྱེད་ལ་ཅི་འཚལ་ཅི་གྱིས་ཤིག །སངས་
D110.050.0023a06.01རྒྱས་དབང་པོ་བཀའ་སྩལ་གསོལ། །སྟུག་པོ་ཇི་ལྟར་འཐོབ་པར་འགྱུར། །གཟུགས་ཡུལ་འདི་ལས་ཕྱིར་ལོག་ཤིག །དེར་འགྲོ་མེད་པ་གཟུགས་ཅན་རྣམས། །སྟུག་པོ་དེ་ནི་ཐུབ་ཆེན་ཡུལ། །བླ་ན་མེད་པའི་སངས་རྒྱས་ཞིང་། །འདུ་ཤེས་མེད་པས་མི་འཐོབ་སྟེ། །
D110.050.0023a07.01