完整藏文原文 · 德格版页 当前仅加载第 50 函德格 20b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིགས་མེད་རྡོ་རྗེ་སྙིང་པོ་ལ། །རིན་ཆེན་ཁང་པ་སྣ་ཚོགས་དང་། །དབང་སྒྱུར་ཁང་པ་བཟང་པོར་ཡང་། །ཇི་ལྟར་གང་གིས་སྣ་ཚོགས་བྱས། །སྣ་ཚོགས་གཟུགས་ཅན་ཁྱོད་ཀྱིས་སྨྲོས། །དངོས་པོ་ཀུན་གྱི་སྣ་ཚོགས་ཉིད། །འགྲོ་བ་དག་གི་ཡང་རབ་འབྱུང་། །རྫ་ལ་
D110.050.0020b01.01སོགས་པའི་དངོས་པོ་དག །ཇི་ལྟར་ཆུ་འཇིམ་ཐལ་སྦྱར་ལས། །ལས་སུ་བྱ་བ་ཐམས་ཅད་བསྐྱེད། །འགྲོ་བ་འདི་དག་དེ་བཞིན་བྱས། །རྔ་དང་པི་བང་སྒྲ་ལ་སོགས། །ལས་སུ་བསྐྱོད་ལས་དབྱངས་འབྱིན་ཏེ། །དེ་བཞིན་འཇིག་རྟེན་འདི་ཡང་ཅི། །བསྐྱོད་པའི་ལས་ལས་
D110.050.0020b02.01ཀུན་འབྱུང་ངམ། །རང་བཞིན་གསུམ་པོ་ཇི་བཞིན་དུ། །དངོས་པོ་གཅིག་ལ་ཀུན་ཏུ་གནས། །ས་རྣམས་འདི་ལྟར་ཐམས་ཅད་དུ། །དངོས་དང་དངོས་ལ་རབ་ཏུ་གནས། །དེ་བཞིན་འདི་དག་ཀུན་ཀྱང་ཅི། །དངོས་པོ་གཅིག་ལ་རབ་གནས་སམ། །གང་ཕྱིར་འདི་ལྟར་རྒྱན་དག་
D110.050.0020b03.01སྣང་། །ཁམས་གསུམ་གཡོ་དང་མི་གཡོར་བཅས། །དགའ་ལྡན་མཚེ་མ་རབ་རྣམས་དང་། །དབང་སྒྱུར་རྣམས་ཀྱིས་བྱས་སམ་ཅི། །མིའམ་ཅི་དག་དུ་མ་དང་། །གྱ་ནོམ་སྣང་བས་བྱས་སམ་ཅི། །འོག་མིན་ཐོར་ཚུགས་ཅན་གྱིས་སམ། །འོན་ཏམ་གཟུགས་མེད་རྣམས་
D110.050.0020b04.01ཀྱིས་བྱས། །ལྷ་རྣམས་བདག་པོ་ཐམས་ཅད་ཀྱིས། །གཅིག་ཏུ་འདུས་ཏེ་འདི་བྱས་སམ། །འཕྲུལ་པའི་སྤྲུལ་པ་དག་གིས་སམ། །རྒྱལ་བ་ཁྱུ་མཆོག་གིས་མཛད་དམ། །འོན་ཏམ་རྒྱལ་བ་རྒྱལ་སྲས་རྣམས། །ཞིང་གཞན་རྣམ་པར་བཞུགས་པས་སམ། །རྣལ་འབྱོར་ལ་
D110.050.0020b05.01མཁས་རྣལ་འབྱོར་ཅན། །སངས་རྒྱས་ཞིང་དུ་བཞུགས་རྣམས་ཀྱིས། །ས་རྣམས་ཐམས་ཅད་བྱས་སམ་ཅི། །གང་ལ་ནོར་པ་རབ་ཏུ་གནས། །གང་འདི་ནོར་པ་སྣང་བ་དག །སྨིག་རྒྱུ་རྣམས་ལ་ཆུ་བཞིན་ཏེ། །རྫ་མའི་ཕྱོགས་ལ་ཡོན་ཏན་བཞིན། །འགྲོ་བ་གང་གི་ཕྱོགས་ལ་
D110.050.0020b06.01གནས། །ཡོན་ཏན་མི་འབྲལ་ཡོན་ཏན་ཅན། །ཡོན་ཏན་མེད་དང་ཡོན་ཏན་གནས། །མ་ཡིན་ཕན་ཚུན་འབྲེལ་པས་ན། །ཡོན་ཏན་ཚོགས་སུ་རྣམ་པར་གནས། །ནོར་པ་སྣ་ཚོགས་དེ་བཞིན་དུ། །ག་ལའང་དེ་བཞིན་གནས་ཡིན་ནམ། །འགྲོ་བ་རྣམ་པ་སྣ་ཚོགས་རྣམས། །
D110.050.0020b07.01