完整藏文原文 · 德格版页 当前仅加载第 50 函德格 3b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲོས་ཤིག །དེ་ནས་སངས་རྒྱས་ཀྱི་ཆོས་ཐམས་ཅད་རྣམ་པར་དགོད་པ་ཇི་ལྟ་བ་བཞིན་དུ་སྟོན་པའི་བྱང་ཆུབ་སེམས་དཔའ་སེམས་དཔའ་ཆེན་པོ། བཅོམ་ལྡན་འདས་ཀྱིས་སྐབས་ཕྱེ་བ་དང་། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་
D110.050.0003b01.01ལྡན་འདས་སངས་རྒྱས་ཀྱི་ཞིང་སྟུག་པོ་འབའ་ཞིག་འདོད་པ་དང་། གཟུགས་དང་། གཟུགས་མེད་པ་དང་། འདུ་ཤེས་མེད་པའི་སེམས་ཅན་ལས་འདས་ཏེ། གནས་སམ། སངས་རྒྱས་ཀྱི་ཞིང་གཞན་དག་ཀྱང་དེ་བཞིན་ནམ་ཅི་ལགས།
D110.050.0003b02.01རིགས་ཀྱི་བུ་སངས་རྒྱས་ཀྱི་ཞིང་སྟུག་པོ་འབའ་ཞིག་འདོད་པ་དང་། གཟུགས་དང་། གཟུགས་མེད་པ་དང་། འདུ་ཤེས་མེད་པའི་སེམས་ཅན་ལས་འདས་ཏེ་གནས་པ་མ་ཡིན་གྱི་སངས་རྒྱས་ཀྱི་ཞིང་གཞན་དག་ཀྱང་ཡོད་དོ། །རིགས་ཀྱི་བུ་འདི་ནས་ཕ་རོལ་ཤིན་ཏུའང་ཕ་རོལ་
D110.050.0003b03.01སངས་རྒྱས་ཀྱི་ཞིང་བྱེ་བ་སྟོང་ཕྲག་བརྒྱ་འདས་པའི་སྟེང་གི་ཕྱོགས་ཆ་ན་ཚངས་པའི་དབྱངས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཞིང་དང་། དེ་བཞིན་དུ་སཱ་ལའི་དབང་པོའི་རྒྱལ་པོ་དེ་བཞིན་གཤེགས་པ་དང་། སྐར་མའི་རྒྱལ་པོ་དེ་བཞིན་
D110.050.0003b04.01གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་སངས་རྒྱས་ཀྱི་ཞིང་དང་། དེ་བཞིན་དུ་སངས་རྒྱས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཕ་རོལ་ཤིན་ཏུའང་ཕ་རོལ་ཏུ་འདས་པ་ན། སངས་
D110.050.0003b05.01རྒྱས་ཀྱི་ཞིང་བྱེ་བ་སྟོང་ཕྲག་བརྒྱ་མང་པོ་བྱང་ཆུབ་སེམས་དཔའི་འཁོར་གྱི་ཚོགས་ཀྱིས་བརྒྱན་པ་ཤིན་ཏུ་ཡངས་ཤིང་ཆེ་བ་དག་ཡོད་དེ། སངས་རྒྱས་བཅོམ་ལྡན་འདས་དེ་དག་ཀྱང་འཁོར་གྱི་ཚོགས་དེ་དང་དེ་དག་ཏུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་བདག་
D110.050.0003b06.01གི་སོ་སོ་རང་གི་འཕགས་པའི་ཡེ་ཤེས་ཀྱི་རྟོགས་པའི་སྤྱོད་ཡུལ་གྱི་གཏམ་དང་། མཐོང་བའི་ཆོས་ལ་བདེ་བར་གནས་པའི་ཆོས་ཚིག་དང་རྣམ་པར་རྟོག་པའི་སྤྱོད་ཡུལ་དང་། ཡི་གེ་དང་བྲལ་བ་དེ་བཞིན་ཉིད་དང་། ཡང་དག་པའི་མཐའ་དང་། མྱ་ངན་ལས་འདས་པ་ཐོབ་པར་བྱེད་
D110.050.0003b07.01