完整藏文原文 · 德格版页 当前仅加载第 50 函德格 24b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་སྲས་ལ་གསོལ་བ་འདེབས། །བློ་ཆེན་རབ་ཏུ་བཤད་པར་གྱིས། །རྒྱལ་བའི་སྲས་རྣམས་ཉན་པར་འདོད། །འདས་པ་དག་དང་མ་འོངས་ཚུལ། །ད་ལྟར་བྱུང་བའི་གང་ཚིག་ཀྱང་། །རྒྱུ་དང་དཔེ་ཡིས་རབ་གསལ་བར། །ཁྱོད་ཀྱི་ཞལ་ནས་བྱུང་བ་རྣམས། །
D110.050.0024b01.01གདོན་མི་ཟ་བའི་ཚིག་འདི་ཡང་། །ཁྱོད་ཀྱིས་རྒྱལ་བ་དེ་ཞལ་ནས། །ཐམས་ཅད་མ་ལུས་ཐོས་པ་སྟེ། །སྐྱོན་མེད་དེ་བཞིན་གཤེགས་པའི་མཁྱེན། །ཏིང་འཛིན་དབང་སྒྱུར་རྒྱལ་པོ་ཡིས། །ཐམས་ཅད་བློ་གྲོས་རྣམ་བལྟས་ནས། །རྡོ་རྗེ་སྙིང་པོ་འཇིགས་མེད་ཀྱིས། །རྣལ་
D110.050.0024b02.01འབྱོར་ཅན་ལ་ཚིག་སྨྲས་པ། །རྒྱལ་བའི་གསུང་རབ་མ་ལུས་པར། །སྨྲ་བར་སུས་ཀྱང་ནུས་པ་མེད། །དེ་ཡི་བྱིན་རླབས་མ་གཏོགས་པར། །སངས་རྒྱས་རྣམས་དང་རྒྱལ་སྲས་ཀྱི། །སངས་རྒྱས་ཀུན་ལ་ཕྱག་འཚལ་ཏེ། །སངས་རྒྱས་བྱིན་གྱིས་བརླབས་པ་དག །ནོར་
D110.050.0024b03.01བུ་རིན་ཆེན་སྣ་ཚོགས་ཁང་། །དབང་སྒྱུར་གནས་བཟང་འཁོད་རྣམས་ལའང་། །ཡེ་ཤེས་དད་པས་སྨྲ་བར་བྱ། །སངས་རྒྱས་རིགས་བྱེད་ཚུལ་ཡིན་ཏེ། །ང་ལས་འདི་དག་ཐམས་ཅད་ཉོན། །དེ་བཞིན་གཤེགས་ཀྱི་ཡེ་ཤེས་དགེ། །རྒྱལ་པོ་རྣམས་ལ་གཏམ་འདི་མིན། །
D110.050.0024b04.01མི་བདག་མཆོག་རྣམས་འདས་པ་ལའང་། །འདི་ནི་སངས་རྒྱས་རིགས་ཀྱི་གཏམ། །སྟུག་དཀྱིལ་ཕུན་སུམ་ཚོགས་རྣམས་ཀྱི། །རྣལ་འབྱོར་ཅན་གྱི་རྣལ་འབྱོར་ཡུལ། །སངས་རྒྱས་ཀུན་གྱི་ཕུན་སུམ་ཚོགས། །དེ་བཞིན་གཤེགས་ཀྱི་ཡེ་ཤེས་ཕྲ། །རྟོག་མེད་རྟོག་པ་
D110.050.0024b05.01སྤངས་པ་སྟེ། །སོ་སོ་རང་རིག་མཁས་པའི་ཡུལ། །བརྗོད་པ་དང་ནི་རྣམ་པར་བྲལ། །དེ་ནི་སྨྲ་བར་དད་པ་མེད། །བདག་གིས་དེ་ཡི་མཐུ་ཐོས་པ། །ལྷ་རྫས་ཀྱི་ནི་ཡེ་ཤེས་དང་། །ཏིང་ངེ་འཛིན་གྱི་མེ་ཏོག་གིས། །རྫོགས་པའི་སངས་རྒྱས་གསུངས་པ་ནི། །སྟུག་པོའི་དཀྱིལ་
D110.050.0024b06.01དུ་མཉམ་བཞག་པས། །ཐམས་ཅད་ཕྱོགས་ལས་རྣམ་གྲོལ་ཞིང་། །ཡོད་དང་མེད་པའི་ཕྱོགས་སྤངས་པ། །ཡོད་དང་མེད་པའི་ཕྱོགས་དང་བྲལ། །དབུ་མའི་ལམ་ནི་དགེ་བ་སྟེ། །གཞན་དུ་འགྱུར་བའི་ལྷ་རྫས་ཚུལ། །སངས་རྒྱས་ས་ལ་འཇུག་པར་བྱེད། །དབུ་མའི་
D110.050.0024b07.01