完整藏文原文 · 德格版页 当前仅加载第 50 函德格 43a 版页；藏文 NFD、目录标记与异常页序保留在来源切片中，重复版页行以稳定序号区分。
པ་མཐོང་བའི་ཆོས་ཅན་གྱི། །ཏིང་ངེ་འཛིན་ཀྱང་འདི་དག་ཡིན། །འཕགས་པ་དེ་དག་དེ་ལྡན་ཞིང་། །སྒོམ་དང་མཐོང་དང་ལྡན་པས་ན། །ཆོས་ཀུན་དེ་བཞིན་ཉིད་ཤེས་པ། །ཞིང་ནས་ཞིང་དུ་རབ་ཏུ་འདོང་། །ཇི་ལྟར་ཤིན་ཏུ་བཟང་བའི་གསེར། །གསེར་གྱི་
D110.050.0043a01.01དབྱིངས་ན་མི་སྣང་སྟེ། །བརྩལ་བས་ཤིན་ཏུ་ཞིབ་བཏགས་ནས། །ཡོངས་སུ་སྦྱངས་ན་སྣང་བར་འགྱུར། །དེ་བཞིན་ཀུན་གཞི་རྣམ་ཤེས་པ། །རྣམ་པར་ཤེས་པ་བདུན་དང་བཅས། །ཏིང་ངེ་འཛིན་གྱིས་ཡོངས་སྦྱངས་པའི། །རྣལ་འབྱོར་ཅན་གྱིས་རྟག་ཏུ་མཐོང་། །ཇི་ལྟར་མ་
D110.050.0043a02.01བསྲུབས་ཞོ་ལ་ཡང་། །དེ་ན་མར་ཡོད་མི་སྣང་སྟེ། །བསྲུབ་པའི་ཚུལ་གྱིས་མཐོང་བས་ན། །མཁས་པ་རྣམས་ཀྱིས་དེ་ཕྱིར་བསྲུབ། །དེ་བཞིན་ཀུན་གཞི་རྣམ་པར་ཤེས། །རྣམ་ཤེས་བདུན་དང་ལྡན་པ་ཡང་། །རྣམ་པར་བསྲུབས་ཤིང་སྟུག་སྤྱོད་པའི། །ཐུབ་པ་རྣམས་ཀྱིས་
D110.050.0043a03.01མཐོང་བ་ཡིན། །མ་རིག་པ་ནི་སྡུག་ཅེས་བྱ། །དཀྱིལ་འཁོར་ཡེ་ཤེས་རྣམ་གྲངས་ཏེ། །དཀྱིལ་འཁོར་འདི་ལ་བསླབས་པ་ཡི། །རྣལ་འབྱོར་ཅན་རྣམས་སྟུག་པོར་འདོང་། །གཟུགས་མེད་གཟུགས་ཡོད་ནམ་མཁའ་དང་། །རྣམ་ཤེས་འདུ་ཤེས་མ་ཡོད་དག །རྣལ་
D110.050.0043a04.01འབྱོར་ཅན་གྱིས་ཡུལ་བསྒོམས་སམ། །དེ་དག་སྟུག་པོའི་ཞིང་དུ་འདོང་། །ཉི་མ་ཟླ་བའི་འོད་བཞིན་དུ། །འཇིགས་པ་མེད་པའི་རྒྱལ་བའི་སྲས། །རྣལ་འབྱོར་ཅན་གྱི་ཐུབ་སྟོན་ཅིང་། །རྣལ་འབྱོར་སྤྱོད་པའི་ལམ་གནས་པ། །སངས་རྒྱས་ཀུན་གྱིས་དབང་བསྐུར་བས། །དེ་ནི་
D110.050.0043a05.01དབང་བསྐུར་སྟུག་པོར་སོང་། །སངས་རྒྱས་རྣལ་འབྱོར་རྗེས་སུ་མཐོང་། །གཞན་དུ་གྱུར་ནས་སྟུག་པོར་སོང་། །སྟུག་ན་གནས་ཤིང་སྤྲུལ་པ་དང་། །སྤྲུལ་པའི་སྤྲུལ་པ་དེ་དག་གིས། །གང་ན་གང་ཆོས་སུ་འདོད་པ། །དེ་ནི་མཁའ་ལ་འདུག་ཅིང་སྟོན། །སྔོན་མེད་དུས་ཀྱི་གནས་
D110.050.0043a06.01ངན་ལེན། །བག་ཆགས་རྒྱུ་ཡིས་བསགས་པ་ཡི། །ཀུན་གཞི་རྣམ་རྟོག་བྱས་པ་ཡིས། །བཅིངས་པ་ཀུན་ཏུ་རབ་ཏུ་འབྱུང་། །ཇི་ལྟར་རྒྱ་མཚོའི་དབའ་རླབས་རྣམས། །རླུང་གིས་རབ་ཏུ་བསྐྱོད་པ་དག །རྒྱུན་མི་འཆད་པར་རབ་ཏུ་འབྱུང་། །རྣམ་ཤེས་དེ་བཞིན་ཀུན་གཞི་ལ། །
D110.050.0043a07.01