完整藏文原文 · 德格版页 当前仅加载第 50 函德格 7b 版页；藏文 NFD、目录标记与异常页序保留在来源切片中，重复版页行以稳定序号区分。
རྟོག་རྟོག་དང་བྲལ་བས་ན། །དེ་ནི་བསྟན་དུ་མི་ནུས་པའོ། །རྒྱུ་དང་འབྲས་བུ་མེད་པ་སྟེ། །ཡོད་དང་མེད་ཀྱིས་རྣམ་པར་སྤངས། །རྡོ་བ་ཕྱེ་མར་བཏགས་པ་ལ། །གསེར་ནི་ཡོད་པར་མི་སྣང་སྟེ། །སྦྱང་བའི་ལས་ཀྱི་ཁྱད་པར་གྱིས། །གསེར་ནི་སྣང་བར་འགྱུར་བ་
D110.050.0007b01.01ཡིན། །གཟུགས་རྣམས་རྡུལ་དུ་རྣམ་གཞིགས་ཏེ། །མཁས་པས་ཕུང་པོ་ལྷག་མ་དང་། །ཁམས་དང་སྐྱེ་མཆེད་ཚོགས་རྣམས་དང་། །རྣམ་པར་ཤེས་དང་དབང་པོ་དག །གཅིག་དང་ཐ་དད་དངོས་པོ་ཡང་། །རྡུལ་ཕྲན་རྣམ་པར་རབ་སྦྱངས་ན། །དངོས་པོར་སངས་རྒྱས་ཡོད་
D110.050.0007b02.01པ་མིན། །སངས་རྒྱས་མེད་པའང་མ་ཡིན་ཏེ། །རྣལ་འབྱོར་ཅན་རྣམས་སངས་རྒྱས་མཐོང་། །མཚན་རབ་སུམ་ཅུ་རྩ་གཉིས་ཅན། །གང་ན་སྡུག་བསྔལ་དེ་ན་བདེ། །དེ་ཉིད་ལ་ནི་སྣང་བ་ཡིན། །སངས་རྒྱས་མེད་ཅེས་མི་བྱ་སྟེ། །སངས་རྒྱས་མཉམ་པར་བཞག་པ་
D110.050.0007b03.01ཡོད། །རྒྱུ་ཡི་སངས་རྒྱས་དགེ་བ་ཅན། །རྩ་བ་མཁས་པ་ཉིད་ཀྱང་སྟེ། །འཇིག་རྟེན་ཀུན་གྱི་རྒྱལ་བ་དང་། །ཡང་དག་རྫོགས་པའི་སངས་རྒྱས་དང་། །འདི་དག་སངས་རྒྱས་ལྔར་གསུངས་སོ། །སྤྲུལ་པའི་རྒྱལ་བ་ལྷག་མ་རྣམས། །དེ་བཞིན་གཤེགས་པའི་སྙིང་
D110.050.0007b04.01པོ་ཡོད། །མཚན་རབ་སུམ་ཅུ་རྩ་གཉིས་ཅན། །དེ་བས་སངས་རྒྱས་ཡོད་པ་སྟེ། །རྣལ་འབྱོར་ཅན་གྱི་ཐུབ་པས་མཐོང་། །ཁམས་རྣམས་གསུམ་པོ་འདས་པ་དང་། །རྣམ་པ་དུ་མར་སངས་རྒྱས་ཞིང་། །དེ་བཞིན་གཤེགས་ཀྱི་ལྷ་རྫས་ཞིང་། །རྒྱལ་སྲས་བཟང་པོས་
D110.050.0007b05.01ཀུན་ཏུ་གང་། །དེ་ན་ཐུབ་ཆེན་སངས་རྒྱས་བཞུགས། །མཚན་གྱིས་ཀུན་ནས་ཡོངས་སུ་རྒྱས། །རྣལ་འབྱོར་རྣལ་ལ་མཉམ་པར་བཞག །ཆོས་དང་བཅས་སུ་རྣམ་པར་མཛེས། །དེ་བཞིན་ཕན་ཚུན་བསམ་གཏན་མཛད། །ཤེས་རབ་མ་ཤེས་ཤེས་བྱེད་ལ། །སྟུག་པོ་དེ་ན་
D110.050.0007b06.01རྣམ་པར་སྤྱོད། །སྟུག་པོ་དེ་ཡི་སེམས་ཅན་སུ། །སངས་རྒྱས་གཟུགས་ཅན་དེ་དག་ཀུན། །སྐད་ཅིག་འཇིག་པར་ཤིན་ཏུ་འདས། །ཏིང་ངེ་འཛིན་ལ་རྟག་ཏུ་མོས། །དགའ་ལྡན་ནས་བབས་འཕྲུལ་པ་གང་། །རྟོག་པ་ཅན་རྣམས་ཀུན་གྱིས་མཐོང་། །སྟུག་པོ་ནས་གཤེགས་
D110.050.0007b07.01