完整藏文原文 · 德格版页 当前仅加载第 76 函德格 277a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་གདོལ་པའི་རྒྱལ་པོ་ཏྲེ་ཤང་ཀུས་བུ་མོ་དེ་རང་གི་བུ་དེ་ལ་བླངས་ནས། རང་གི་གྲོང་ཁྱེར་དུ་ཕྱིར་ལོག་སྟེ། ཆོས་དང་ལྡན་པར་གྲགས་པས་རང་གི་རྒྱལ་སྲིད་བསྐྱངས་པར་གྱུར་ཏོ། །ཡང་དགེ་སློང་དག་ཁྱེད་དེའི་ཚེ་དེའི་དུས་ན་གདོལ་པའི་རྒྱལ་པོ་ཏྲེ་ཤང་ཀུ་ཞེས་བྱ་
D358.076.0277a01.01བ་དེ་གཞན་ཞིག་ཡིན་སྙམ་དུ་སེམས་ན། དེ་ལྟར་བལྟ་བར་མི་བྱ་སྟེ། ང་ཉིད་དེའི་ཚེ་དེའི་དུས་ན་གདོལ་པའི་རྒྱལ་པོ་ཏྲེ་ཤང་ཀུ་ཞེས་བྱ་བར་གྱུར་ཏོ། །ཡང་དེའི་ཚེ་དེའི་དུས་ན་གཞོན་ནུ་སྟག་རྣ་ཞེས་བྱ་བ་གདོལ་པའི་རྒྱལ་པོ་ཏྲེ་ཤང་ཀུ་ཞེས་བྱ་བའི་བུར་གྱུར་པ་དེ་གཞན་ཞིག་ཡིན་སྙམ་དུ་
D358.076.0277a02.01སེམས་ན། དེ་ལྟར་བལྟ་བར་མི་བྱ་སྟེ། དགེ་སློང་ཀུན་དགའ་བོ་འདི་ཉིད་དེའི་ཚེ་དེའི་དུས་ན་གཞོན་ནུ་སྟག་རྣ་ཞེས་བྱ་བར་གྱུར་ཏོ། །ཡང་ཁྱེད་དེའི་ཚེ་དེའི་དུས་ན་བྲམ་ཟེ་པད་མའི་སྙིང་པོ་ཞེས་བྱ་བར་གྱུར་པ་དེ་གཞན་ཞིག་ཡིན་སྙམ་དུ་སེམས་ན། དེ་ལྟར་བལྟ་བར་མི་བྱ་སྟེ། དགེ་སློང་ཤཱ་
D358.076.0277a03.01ར་དྭ་ཏིའི་བུ་དེའི་ཚེ་དེའི་དུས་ན་བྲམ་ཟེ་པད་མའི་སྙིང་པོ་ཞེས་བྱ་བར་གྱུར་ཏོ། །ཡང་དེའི་ཚེ་དེའི་དུས་ན་བུ་མོ་གཟུགས་བཟང་མོ་ཞེས་བྱ་བ་བྲམ་ཟེ་པད་མའི་སྙིང་པོའི་བུ་མོར་གྱུར་པ་དེ་གཞན་ཞིག་ཡིན་སྙམ་དུ་སེམས་ན། དེ་ལྟར་བལྟ་བར་མི་བྱ་སྟེ། དགེ་སློང་མ་གཟུགས་བཟང་མོ་འདི་ཉིད་
D358.076.0277a04.01དེའི་ཚེ་དེའི་དུས་ན་པད་མའི་སྙིང་པོའི་བུ་མོར་གྱུར་ཏེ། དེར་གཅུགས་པ་དང་། མཛའ་བའི་རྒྱུས་ད་ལྟར་དགེ་སློང་ཀུན་དགའ་བོ་འགྲོ་ན་རྗེས་སུ་འགྲོ་ཞིང་། འདུག་ན་འདུག་ལ་ཁང་པ་གང་དང་གང་དུ་བསོད་སྙོམས་ལ་ཞུགས་པ་ན། སྒོ་དེ་དང་དེར་མི་སྨྲ་བར་གནས་པར་གྱུར་ཏོ། །དེ་
D358.076.0277a05.01ནས་བཅོམ་ལྡན་འདས་གླེང་གཞིའི་རྣམ་པ་འདི་ཉིད་བསྟན་ནས། དེའི་ཚེ་ཚིགས་སུ་བཅད་དེ་བཀའ་སྩལ་པ། སྐྱེ་བ་སྔོན་གྱི་བག་ཆགས་ཀྱིས། །ད་ལྟར་ཡང་ནི་བརྩེ་ཉིད་དེ། །དེ་ཡིས་གཅུགས་པ་སྐྱེས་གྱུར་པ། །ཆུ་ནང་ནས་སྐྱེས་ཅི་བཞིན་ནོ། །དེ་ལྟ་བས་ན་དགེ་སློང་དག་འཕགས་པའི་
D358.076.0277a06.01བདེན་པ་བཞི་མངོན་པར་རྟོགས་པ་མངོན་དུ་མ་བྱས་པས་བརྩོན་འགྲུས་དང་མངོན་པར་འབད་པ་དང་། སྤྲོ་བ་དང་། འདུན་པ་དྲག་པོས་ཚིག་ཏུ་མ་ཡིན་པར་རྟོགས་པར་བྱ་ཞིང་དྲན་པ་དང་། ཤེས་བཞིན་གྱིས་སྤྱད་པར་བྱའོ། །བཞི་པོ་དེ་དག་གང་ཞེ་ན། སྡུག་བསྔལ་འཕགས་པའི་བདེན་
D358.076.0277a07.01