stag rna'i rtogs pa brjod pa/
当前为德格木刻版 260b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 260b
- 可引用原文
- 7 行
- 全文规模
- 全经 635 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 76 函 · 德格 260b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ལ་ནད་འབྱུང་ངོ་། །ཀྱེ་པད་མའི་སྙིང་པོ་འདི་དག་ནི་གཟའ་སྒྲ་གཅན་དུ་ལྡན་པས་འབྲས་བུ་རྣམ་པར་སྨིན་པ་ཞེས་བྱ་བའི་ལེའུའོ། །རྒྱུ་སྐར་སོ་སོའི་ལས་ཀྱི་དགོས་པ་བཤད་པ་ཁོང་དུ་ཆུད་པར་བྱ་སྟེ། རྒྱུ་སྐར་གང་གི་ལས་གང་ཡིན་པའི་དྲང་སྲོང་རྣམས་ནི་འདི་ལྟར་འདོད་དོ། །སྨིན་དྲུག་ནི་སྐར་མ་དྲུག་ཡིན་པར་རིག་པར་བྱ་སྟེ། དེ་ལ་ནི་མེའི་བྱ་བ་བྱ་སྟེ། མེ་ལྷ་མཉེས་པར་བྱ་བ་དང་། སྦྱིན་སྲེག་བྱས་ན་འཕེལ་བར་འགྱུར་རོ། །དེ་ལ་བ་ལང་གི་གནས་བྱ་ཞིང་ཞོ་དཀྲོགས་ན་མར་ཆེ་ལ། ར་དང་ལུག་ཉོ་བར་བྱ་ཞིང་བ་གླང་དགྱེ་བར་
བྱའོ། །ལྕགས་བཞུ་བ་དང་། སྣོད་ཐམས་ཅད་བྱ་བ་དང་། རིན་པོ་ཆེ་བཅང་བ་དང་། ལས་ཀྱི་མཐའ་བྱ་བ་དང་། མཚོན་བཅང་བ་དང་། ནང་ཁང་དང་ཁྱིམ་དུ་མེ་སྦར་བ་དང་། མེ་ཏོག་སེར་པོ་དང་། དམར་པོའི་ས་བོན་གདབ་པ་དང་། ཁྱིམ་བྱས་པ་ལ་དེར་འདུག་པར་བསྒྲུབ་པ་དང་། གོས་སར་པ་བགོ་བར་བྱ་ཞིང་རིན་གྱིས་ནི་ཉོ་བར་མི་བྱའོ། །ལས་དྲག་པོ་བསྒྲུབ་པ་གཡུལ་འགྱེད་པ་དང་། བཅིང་བ་རྣམས་ལ་བཟང་ཞིང་མཁས་པས་ཕ་རོལ་དང་རྩོད་པའི་སྦྱོར་བ་ནི་མི་བྱའོ། །སྤུ་གྲི་བྱ་བ་དང་བཅའ་བ་ཐམས་
ཅད་བྱ་ཞིང་། མེ་དང་ལྡན་པའི་སྣོད་དེར་བྱ་ཞིང་ཚེ་སྤེལ་བ་དང་། སྐྲ་བཀྲུ་བ་དང་། བུད་མེད་རྣམས་ལ་སྒེག་པ་དང་། ཉི་མ་དེ་ལ་ཆར་བབ་ན་དགྲ་ལྡང་ཞིང་ཁྲོ་བ་དང་། དགའ་བ་དང་། དྲག་པོའི་ལས་བརྩམ་ཞིང་རྐུན་མ་འགྱེད་པར་བཟང་ཞིང་དེ་ལ་སྐྱེས་པ་ཚེ་རིང་བ་དང་གྲགས་པ་དང་ལྡན་པ་དང་། མཆོད་སྦྱིན་བྱེད་ཅིང་ཚུལ་ཁྲིམས་དང་ལྡན་པར་འགྱུར་ཏེ། དེ་དག་ནི་སྨིན་དྲུག་ལ་བྱའོ། །སྣར་མ་ལ་ནི་ས་གཞི་ལ་ཞིང་ལས་ཐམས་ཅད་བྱ་བ་དང་། ཞིང་དང་། དངོས་པོ་དང་། གཙུག་ལག་ཁང་དང་། ཁྱིམ་གསར་བྱ་བ་དང་།
བདག་ཉིད་ཀྱིས་དྲག་ཤུལ་བྱ་དགོས་པ་རྣམས་དང་། ཕྱུགས་ཀྱི་གནས་དང་། ས་བོན་ཐམས་ཅད་གདབ་པ་དང་། གོས་བགོ་བར་བྱ་བར་བསྟན་ཏོ། །བུ་ལོན་བརྡར་མི་རུང་སྟེ། དགྲ་འཕེལ་བ་དང་། སྟོན་མོ་དང་ཆང་གི་སྦྱོར་བ་གཉིས་སྤང་བར་བྱའོ། །
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D358
- 德格版页
- 260b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0358 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。