完整藏文原文 · 德格版页 当前仅加载第 76 函德格 241a 版页；藏文 NFD、目录标记与异常页序保留在来源切片中，重复版页行以稳定序号区分。
བྱའོ། །བྲམ་ཟེ་ཉམས་པ་དེ་ལ་ཡང་། །དེ་ནི་འབྱུང་བའི་ཐབས་སྣང་སྟེ། །དེ་ཡིས་ལོ་ནི་བཅུ་གཉིས་སུ། །བོང་བུའི་པགས་པ་བགོ་བྱ་ཞིང་། །ཁ་ཊྭཱཾ་ག་ནི་ཐོགས་པར་བྱ། །ཐོད་པའི་ནང་དུ་བཟའ་བར་བྱ། །དཀའ་ཐུབ་འདི་ནི་ཡང་དག་བཟུང་། །ངེས་པར་
D358.076.0241a01.01རྒྱུན་ནི་མ་བཅད་པར། །གང་གིས་བརྟུལ་ཞུགས་ཡང་དག་བླང་། །ཕྱིར་ཡང་བྲམ་ཟེ་འགྲོ་བར་འགྱུར། །ལོ་ནི་བཅུ་གཉིས་ཚང་བ་ན། །ཕྱི་ནས་དེ་ནི་བྲམ་ཟེར་འགྱུར། །དེ་ནི་འབྱུང་བའི་ཐབས་སུ་བསྟན། །བྲམ་ཟེ་ཡི་ནི་དཀའ་ཐུབ་ཡིན། །རྨོངས་པས་ལས་ནི་ངན་པ་སྟེ། །འབྱུང་
D358.076.0241a02.01བ་མེད་པར་བསྟན་པར་བྱ། །བྲམ་ཟེ་དེ་ནི་འདི་ལྟ་སྟེ། །འདི་ཤེས་ཐ་མལ་ཙམ་ཉིད་དུ། །འཇིག་རྟེན་གང་ཡིན་རྗོད་པར་བྱེད། །བྲམ་ཟེ་ཡང་དེ་ལྟ་བུའོ། །རྒྱལ་རིགས་ཀྱང་དེ་ལྟ་བུའོ། །རྗེའུ་རིགས་ཀྱང་དེ་ལྟ་བུའོ། །དམངས་རིགས་ཀྱང་དེ་ལྟ་བུ་ཡིན་ནོ། །དེ་དག་ཐམས་
D358.076.0241a03.01ཅད་དེ་ལྟ་བུ་ཡིན་པས་རྣམ་པ་ཐམས་ཅད་དུ་བདག་གི་བུ་གཞོན་ནུ་སྟག་རྣ་ལ་བྲམ་ཟེའི་བུ་མོ་གཟུགས་བཟང་མོ་ཆུང་མའི་དོན་དུ་བྱིན་ཅིག །རིན་གང་བབ་པ་དེ་འདོད་པ་དེ་བཞིན་དུ་བཅལ་བར་བྱའོ། །གདོལ་པའི་རྒྱལ་པོ་ཏྲེ་ཤང་ཀུ་ལས་དེ་ལྟ་བུའི་ཚིག་ཐོས་པ་དང་། བྲམ་ཟེ་པད་
D358.076.0241a04.01མའི་སྙིང་པོ་མཆོག་ཏུ་ཁྲོས་འཁྲུགས་ཤིང་དོན་དེ་ལ་ཡིད་སྡང་བས་དེའི་རྐྱེན་གྱིས་དཔྲལ་བར་ཁྲོ་གཉེར་གསུམ་བསྡུས་ནས། ཁ་ནས་དུ་བ་འཐུལ་ཞིང་ནེ་ལེ་ལྟར་སེར་སྐྱར་གྱུར་པས་མིག་རྣམ་པར་སྒྱུར་ཞིང་གདོལ་པའི་རྒྱལ་པོ་ཏྲེ་ཤང་ཀུ་ལ་འདི་སྐད་ཅེས་སྨྲས་སོ། །དམངས་
D358.076.0241a05.01རིགས་ཁྱོད་མ་བརྟགས་པར་འདི་ལྟ་བུའི་ཐ་སྙད་ཀྱིས་འཇིག་རྟེན་རྣམས་མཉམ་ཞིང་རིགས་གཅིག་ཅིང་ཐ་དད་པ་མ་ཡིན་པར་སྟོན་ནམ། འདི་ལྟར་ཇི་ལྟར་དམན་པའི་རིགས། །བྲམ་ཟེ་རིག་བྱེད་ཕ་རོལ་ཕྱིན། །དམན་པའི་རིགས་སུ་གྱུར་པ་ཡིས། །རྣམ་པར་ཉམས་པར་ཁྱོད་འདོད་
D358.076.0241a06.01དམ། །རྒྱལ་པོར་གྱུར་ནས་དེ་དམན་ལ། །བྱེ་བྲག་གྱུར་པར་ཤེས་པ་མེད། །འདི་ལྟ་སྟེ་ཡུལ་ཁྲིམས་དང་། གྲོང་ཁྱེར་གྱི་ཁྲིམས་དང་། གྲོང་གི་ཁྲིམས་དང་། ལྗོངས་ཀྱི་ཁྲིམས་དང་། ཤོ་གམ་གྱི་ལུགས་དང་། བག་མ་གཏོང་བའི་ཁྲིམས་དང་། བག་མ་ལེན་པའི་
D358.076.0241a07.01