完整藏文原文 · 德格版页 当前仅加载第 76 函德格 250b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱུ་སྐར་སྣར་མ་ནི་སྐར་མ་ལྔ་སྟེ། དབྱིབས་ནི་ཤིང་རྟའི་འཕང་ལོ་གཉིས་པ་ལྟ་བུའོ། །ཡུད་ཙམ་ནི་བཞི་བཅུ་རྩ་ལྔའི་ཆ་དང་ལྡན་པའོ། །ཟས་ནི་{རི་དགས་,རི་དྭགས་}ཀྱི་ཤའོ། །ལྷ་ནི་སྐྱེ་དགུའི་བདག་པོའོ། །རུས་ནི་པ་ར་དྭ་ཛའོ། །རྒྱུ་སྐར་མགོ་ནི་སྐར་མ་གསུམ་སྟེ། དབྱིབས་
D358.076.0250b01.01ནི་{རི་དགས་,རི་དྭགས་}ཀྱི་མགོ་ལྟ་བུའོ། །ཡུད་ཙམ་བཅོ་ལྔའི་ཆ་དང་ལྡན་པའོ། །ཟས་ནི་འབྲས་བུ་དང་རྩ་བའོ། །ལྷ་ནི་ཟླ་བའོ། །རུས་ནི་མིག་ཡ་ནའོ། །རྒྱུ་སྐར་ལག་ནི་སྐར་མ་གཅིག་སྟེ། དབྱིབས་ནི་ཐིག་ལེ་ལྟ་བུའོ། །ཡུད་ཙམ་སུམ་ཅུ་རྩ་ལྔའི་ཆ་དང་ལྡན་པའོ། །ཟས་ནི་
D358.076.0250b02.01མར་གྱི་སྙིང་ཁུའོ། །ལྷ་ནི་ཉི་མའོ། །རུས་ནི་རྒྱས་པའོ། །རྒྱུ་སྐར་ནམ་སོ་ནི་སྐར་མ་གཉིས་ཏེ། དབྱིབས་ནི་རྐང་པ་ལྟ་བུའོ། །ཡུད་ཙམ་བཅོ་ལྔའི་ཆ་དང་ལྡན་པའོ། །ཁ་ཟས་ནི་སྦྲང་རྩིའོ། །ལྷ་ནི་ཕུར་བུའོ། །རུས་ནི་དབང་བྱེད་དོ། །རྒྱུ་སྐར་རྒྱལ་ནི་སྐར་མ་གསུམ་སྟེ། དབྱིབས་
D358.076.0250b03.01ནི་རིལ་བ་ལྟ་བུའོ། །ཡུད་ཙམ་སུམ་ཅུའི་ཆ་དང་ལྡན་པའོ། །ཁ་ཟས་ནི་སྦྲང་རྩི་དང་ཡོས་སོ། །ལྷ་ནི་ཕུར་བུའོ། །རུས་ནི་ཡིད་ཉེའོ། །རྒྱུ་སྐར་སྐག་ནི་སྐར་མ་གཅིག་སྟེ། དབྱིབས་ནི་ཐིག་ལེ་ལྟ་བུའོ། །ཡུད་ཙམ་བཅོ་ལྔའི་ཆ་དང་ལྡན་པའོ། །ཁ་ཟས་ནི་འོ་མ་དང་འབྲས་ཆེན་
D358.076.0250b04.01ནོ། །ལྷ་ནི་རླུང་ལྷའོ། །རུས་ནི་སྦྲུལ་ལོ། །བྲམ་ཟེ་པད་མའི་སྙིང་པོ་རྒྱུ་སྐར་འདི་བདུན་ནི་ཤར་སྒོར་གཏོགས་པའོ། །རྒྱུ་སྐར་མཆུ་ནི་སྐར་མ་ལྔ་སྟེ། དབྱིབས་ནི་ཆུ་བོའི་མགུར་ལྟ་བུའོ། །ཡུད་ཙམ་སུམ་ཅུའི་ཆ་དང་ལྡན་པའོ། །ཟས་ནི་ཏིལ་གྱི་རི་ལུ་དང་འོ་མའོ། །ལྷ་ནི་སྦྱིན་
D358.076.0250b05.01པའོ། །རུས་ནི་སེར་སྐྱའོ། །རྒྱུ་སྐར་གྲེ་ནི་སྐར་མ་གཉིས་ཏེ། དབྱིབས་ནི་རྐང་པ་ལྟ་བུའོ། །ཡུད་ཙམ་སུམ་ཅུའི་ཆ་དང་ལྡན་པའོ། །ཁ་ཟས་ནི་བིལ་བའོ། །ལྷ་ནི་སྐལ་ལྡན་ནོ། །རུས་ནི་གཽ་ཏ་མའོ། །རྒྱུ་སྐར་དབོ་ནི་སྐར་མ་གཉིས་ཏེ། དབྱིབས་ནི་ཁྲི་ལྟ་བུའོ། །ཡུད་
D358.076.0250b06.01ཙམ་བཞི་བཅུ་རྩ་ལྔའི་ཆ་དང་ལྡན་པའོ། །ཁ་ཟས་ནི་རྡོ་སྦལ་གྱི་ཤའོ། །ལྷ་ནི་འཕགས་པའོ། །རུས་ནི་ཀཽ་ཤི་ཀའོ། །རྒྱུ་སྐར་མེ་བཞི་ནི་སྐར་མ་ལྔ་སྟེ། དབྱིབས་ནི་ལག་པ་ལྟ་བུའོ། །ཡུད་ཙམ་སུམ་ཅུའི་ཆ་དང་ལྡན་པའོ། །ཟས་ནི་བྱ་སྣ་ཚོགས་དང་སྲེད་དའོ། །
D358.076.0250b07.01