完整藏文原文 · 德格版页 当前仅加载第 76 函德格 248b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་དུ་སྦྱིན་པར་བྱའོ། །ཡང་ཚིག་དེ་ལྟ་བུ་གདོལ་པའི་རྒྱལ་པོ་ཏྲེ་ཤང་ཀུ་ལས་ཐོས་པ་དང་། བྲམ་ཟེ་པད་མའི་སྙིང་པོ་ཞུམ་པར་གྱུར་ཅིང་ཕྲག་པ་བཅུམ་ནས་མགོ་སྨད་དེ་ལན་ལ་སྤོབས་པ་མེད་པ་འདི་ནི་ཐ་ཆད་ཀྱི་གནས་ཡིན་པས་ཅང་མི་སྨྲ་བར་གྱུར་ཏོ། །དེ་ནས་གདོལ་
D358.076.0248b01.01པའི་རྒྱལ་པོ་ཏྲེ་ཤང་ཀུས་བྲམ་ཟེ་པད་མའི་སྙིང་པོ་ཞུམ་པར་གྱུར་ཅིང་ཕྲག་པ་བཅུམ་ནས་མགོ་སྨད་དེ་ལན་ལ་སྤོབས་པ་མེད་པ་ནི་ཐ་ཆད་ཀྱི་གནས་ཡིན་པས་ཅང་མི་སྨྲ་བར་གྱུར་པ་མཐོང་ངོ་། །མཐོང་ནས་ཀྱང་འདི་སྐད་ཅེས་སྨྲས་སོ། །ཅི་འདི་འདྲ་བའི་ས་བོན་བཏབ། །དེ་འདྲ་
D358.076.0248b02.01བ་ཡི་འབྲས་བུར་འགྱུར། །སྐྱེ་དགུ་འདི་ནི་གཅིག་ཡིན་ཏེ། །ཁྱད་པར་གྱུར་པ་དེ་ལ་མེད། །དབང་པོ་སྣ་ཚོགས་དེ་དག་གིས། །བྱ་བ་ཐ་དད་མཐོང་བར་བསྟན། །བྲམ་ཟེ་དང་ནི་རིགས་གཞན་ལ། །བྱེ་བྲག་ཅུང་ཟད་ཡོད་མ་ཡིན། །བདག་ཉིད་ཀུན་ཏུ་སྟོད་བྱེད་ཀྱང་། །
D358.076.0248b03.01འདིར་ནི་རིགས་པ་མ་ཡིན་ཏེ། །སྐྱེ་གནས་གཉིས་ནི་ཕྲད་པ་ལས། །ཁུ་བ་ཁྲག་གཉིས་འདུས་པ་ཡིན། །རིགས་བཞི་དག་ནི་རབ་བསྟན་པ། །དེ་ལྟར་ཡིན་ན་དུད་འགྲོ་ལྟར། །ཁྱོད་ནི་སྲིང་མོ་ལ་འཇུག་པ། །སྲིང་མོ་ཆུང་མར་རིགས་མ་ཡིན། །གང་ཚེ་རེ་ཞིག་འཇིག་
D358.076.0248b04.01རྟེན་འདི། །ཚངས་ལས་སྐྱེས་པར་རང་གིས་ཤེས། །བྲམ་ཟེའི་ཆུང་མ་སྲིང་མོ་ཉིད། །རྒྱལ་རིགས་རྒྱལ་པོའི་སྲིང་མོ་ཉིད། །དེ་བཞིན་རྗེའུ་རིགས་རྗེ་རིགས་མོ། །དམངས་རིགས་དམངས་རིགས་དེ་རིགས་མིན། །གལ་ཏེ་བྲམ་ཟེས་ཤེས་ན་ནི། །ཆུང་མར་རིགས་
D358.076.0248b05.01པ་མ་ཡིན་ནོ། །སེམས་ཅན་བྲམ་ཟེའི་རིགས་མིན་ཏེ། །འདི་དག་ཉོན་མོངས་ལས་ལས་སྐྱེས། །དམན་པ་དག་ནི་མཆོག་ཏུ་སྣང་། །སེམས་ཅན་སྣ་ཚོགས་རྟེན་ཐ་དད། །ཁྱོད་ལྟར་འདི་དག་རིགས་མཆོག་སྟེ། །བྲམ་ཟེ་རྒྱལ་རིགས་དེ་བཞིན་དུ། །རྗེའུ་རིགས་དམངས་
D358.076.0248b06.01རིགས་དེ་དག་ལ། །ཐ་སྙད་འཇུག་པ་ཡོད་མ་ཡིན། །ངེས་བརྗོད་རིག་བྱེད་མཆོད་སྦྱིན་དང་། །སྙན་དངགས་རིག་བྱེད་སྲིད་སྲུང་སྟེ། །འདི་ལྟར་བཞད་གད་ངེས་སྦྱར་དང་། །སྡེབ་སྦྱོར་ཇི་ལྟར་དོན་མེད་མིན། །བདག་ཉིད་ཀྱིས་ནི་བརྗོད་བྱས་པ། །བྱམས་རིགས་དེ་
D358.076.0248b07.01